Економски вести

Идните планови на шведската млекарница се поврзани со пласирање на сите 70 производи на пазарот, процес што треба да се заокружи до септември годинава, а во јужниот дел на земјава се планира отворање на нов центар за собирање на млекото, што е дополнителна инвестиција за мини фабрика

Млекото на шведската млекарница "Swedmilk" веќе шест месеци се наоѓа на нашите трпези. Слоганот "Од најдоброто домашно млеко" даде позитивни ефекти бидејќи македонските консументи се повеќе го заменуваат увозното млеко со наше млеко. Тие велат дека го купуваат млекото не само дека е наше, туку и затоа што е изработено по светските стандарди за квалитет. Од млекарницата која е лоцирана во современ објект во реонот на индустриската зона - Илинден најавуваат забрзан развој и инвестирање во нови млечни производи и мини фабрика на југот. По тој повод деновиве разговаравме со Роџер Оскарсон, генерален директор на "Swedmilk" Македонија.

Стартувавте многу агресивно и на домашниот пазар и на пазарот во регионов. Од неодамна договоривте соработка со Косово и со фирмата Некст. Каков бенефит Ви донесе извозот на Косово и која е следната земја што планирате да ја освоите?
- "Swedmilk" од почетокот на работењето, во ноември 2007 година, имаше за цел да го замени увозот. Во тоа успеваме и следен чекор ни е да се фокусираме на извозот и тука сакаме да станеме лидери. Сигурни сме дека квалитетното македонско млеко е одличен производ пред се за регионалниот пазар, посебно поради брендот на Сведмилк. За нас договорот за извоз на Косово е првиот чекор за воспоставување на голем извоз надвор од Македонија. Косово е значаен пазар со два милиони жители, каде конзумирањето на млеко и јогурт е на доста високо ниво. Во меѓувреме го добивме извозниот број од Европската унија, број 01, што значи дека и официјално сме првата компанија од Македонија која доби ваков број за извоз во земјите од Европската унија.Нашите планови се да започнеме да ги извезуваме млечните производи и на пазарот во Бугарија. Веќе склучивме начелни договори и со Србија, Црна Гора, Хрватска.

Вложивте многу во млекопроизводството, особено во високиот квалитет на млечните производи. Кога можеме да го очекуваме првото органско млеко на македонскиот пазар?
- Наша цел е да бидеме конкурентни со земјите од Европската унија. Еден од начините за тоа е токму органското млеко, кое во Европската унија е најбрзорастечки сегмент. Поради тоа разговараме со нашите фармери за да направат конверзија од производство од обично во органско млеко. Но, секој оној фармер кој ќе се согласи со оваа промена ќе има постојана финансиска поддршка од Владата и од фондовите на Европската унија. Ние, за почеток, планираме производство за 20 илјади литри огранско млеко. Тоа е поскапо млеко на пазарот што значи и поголем профит и за фармерите и за нас.

Дали "Swedmilk" во моментов има сериозен конкурент на пазарот од страна на домашните и странските млекопроизводители. Кој е вашиот рецепт за успех и како се справувате со конкуренцијата?
- Ние успешно го заменивме увозот од сите производители, во моментов последните податоци велат дека 35% од увозот е заменет со македонското најдобро млеко. Не велиме дека тука е крајот, во овој дел има се уште работа. За конкуренцијата во Македонија треба да се напомене дека во земјава има сериозни млекарници кои одлично работат, но пазарот ќе остане со ограничен број на играчи. Тоа не е поради нас, туку поради регулативата која обврзува секој од нас да ги применува стандардите на Европската унија. Тие се однесуваат на квалитетот, хигиената, производството. На пример, во изминатиов период во Бугарија која неодамна стана членка на Унијата се затворија околу 70 мали млекарници токму поради овие стандарди.

Најавивте модернизација на фармерството во земјава. Со колку фармери досега имате случено договори и уште колку можат да се вклучат во вашиот бизнис. Задоволни ли се фармерите од откупната цена на млекото и дали може да очекуваме намалување на цената на крајните производи ?
- Последните бројки говорат дека наши партнери се над 1.000 фармери. Исплатите за откуп на млеко се базирани и врз квалитетот и врз квантитетот. Има класификација според квалитет на млекото и даваме денар повеќе за подобар квалитет.
- Кога станува збор за производите на пазарот, ние не можеме да бидеме најевтини на пазарот. Имаме квалитетен производ од македонско млеко со поевтина цена од увозните производи. Ако до минатата година 55% од купувачите немаа доверба во македонскиот производ, годинава веќе се смени сликата.

Каков е рецептот да се произведе квалитетно млеко што се носи со светските стандарди.Точен ли е податокот дека вашето млеко се тестира седум пати?
- Да, ние седум пати го тестираме млекото, можеби и повеќе од седум. Првото тестирање се спроведува во секоја фарма, потоа се тестира и секој лактофризер.Третото тестирање се реализира при самото пристигнување на млекото во фабриката, потоа уште еднаш пред неговата пастеризација. Се тестира и по пастеризацијата и по стерилизацијата, а седмиот пат е по десет дена во магацинот на готовото млеко. Тоа е начинот на кој мора да се работи.

Today, the first store is opening in Macedonia in the Balkans in the town of Tetovo, which situated to the west of the capital, Skopje. This means that JYSK is now represented in 32 countries with more than 1,350 stores– and more stores are opening each week.

The Macedonian market will be operated under a franchise agreement, which the Kosovo-Albanian owner, Fatmir Zymberi, is behind. He was also the man behind the opening of JYSK in Kosovo in February 2004 and, last November, he opened the doors to the first franchise store in Albania.

»This is yet another exciting day for JYSK and the opening in Macedonia is part of our ambition to move towards increasingly greater internationalisation. There is great potential in the countries in the Balkans and we have gained valuable experience from our store in both Kosovo and Albania. Although purchasing power is small, compared with European countries, we have great expectations for the Macedonian market, « says Frederik Kroun, Franchise Manager at JYSK.