Возен парк (ЈСП - двокатни автобуси)

Ај добро... Јас само кажувам што искусив од 6 Септември до денес, а што беше минатата учебна година...

Но можам едно нешто со сигурност да тврдам. Откако ги пуштија новите двокатни и единечни ЛАЗ, многу поретко гледам 5 или 15 дупла.

Или е двокатен, или е ЛАЗ или пак единичните Санос (МАН) автобуси... Кај се дуплите? Незнам, дали се прераспоредени на други линии, или се во депо или веќе се разградени... навистина незнам.... Но верувајте ги нема... Чат пат.... 

Ај за 15, мање више... иако таа ги собира сите ученици од Карев, Орце, Гуц, па дури некои од Корчагин и ЈБТ кои живеат во Аеродром....

Ама за 5ка.... Која е една од најважните линии во Скопје.... Нема смисла...

Ти пуштиле во шпиц единичен Санос, или еве и ЛАЗ да е... за двокатните... тие па уште помалку собираат.... а на автобуска чекаат 100 души да се качат... И кажете ми која е логиката на тоа? Никаква.... И како да се качиш, да се возиш нормално, да не закасниш и слично?

А друга работа... па еве крале анегдоти ги вика...

Една двокатна и една дупла 5ка.... прва трга двокатната од Дексион... по некое време трга и дуплата... И од што е многу брза двокатната... двата автобуси... ќе ги видиш еден позади друг на Рекорд.... До Аеродром... дуплата веќе мин. 5 минути ако ништо друго и бега на двокатната....

Edited by FoSsiL - 13-Sep-2011 at 18:23

 

Originally posted by krale Значи за се се криви двокатните. Браво.

Не се криви двокатните воопшто. Ако сакаат и 500 нека набаваат.

Лошо е тоа што со двокатните дуплите и единичните ќе се повлекуваат, заменети од двокатните, што не е адекватна замена.

Сакам да кажам дека двокатните неможат да бидат примарен возен парк на ЈСП. Едноставно тоа не смее да се случи. Ќе доживее крах јавниот градски превоз.

Зборот ми е, двокатните не се проблем сами по себе. Проблемот е тоа што ти е се предвидени како замена на дуплите и на единичните автобуси од возниот парк на ЈСП. Значи, заклучок е дека двокатните автобуси неможат да бидат главен носител на суштината на јавниот градски превоз во Скопје. Туку дека примарни секогаш ќе останат дуплите и единичните. Тука се прави грешката. Да беше пример 100 нови дупли и 100 нови единични, можат ако сакаат и 1000 двокатни да земат... колку за чалам...

Двокатните можат да бидат само еден вид додаток, плус во градскиот превоз, кој ќе се надокнади на примарниот возен парк, со тоа што можат да се прават ротации, да се пуштаат дополнителни возила, зависи од потребата и од периодот во денот...

Тогаш многу повеќе би придонеле за комфор, бидејќи во секој случај би ги олесниле другите автобуси.... Можат да се најдат и многу други намени...

Незнам веќе што друго да ти кажам, џабе се натегаме...

Но добро... ако мислиш дека двокатните ќе придонесат во градскиот превоз... добро... го почитувам тоа...

Но мое мислење е дека сами неможат... дека тие неможат да бидат столбот... но дека можат да придонесат... можат, ама освен ако и дуплите и единичните се вклучени во превозот со најмалку по пола (100) од бројот на двокатните.... И мислам дека можеш да го сфатиш тоа и да го почитуваш....

Едноставно... дуплите и единичните ќе бидат докторите во операцијата... а двокатните ќе бидат асистентите и медицинските сестри... и тоа ќе биде, односно би било така ако имаме доволен број дупли и единечни.... значи ќе биде така се додека не се воведе ново превозно средство, како ЛРТ (трамвај), метро, ГЖ, ПГЖ, или некој друг систем на јавен градски превоз... кое/ј би ја преземал основата, столбот, од дуплите и единичните и би станало примарно превозно средство во јавниот градски превоз....

А организацијата, логистиката и управувањето на ЈСП и другите надлежни органи е исто така многу важна работа и зема голема улога во целукупниот впечаток и функционирање на јавниот градски превоз... и тука треба да има реформи... но засега тоа е друга и посебна, но сепак поврзана тема со оваа.... но еве да ја оставиме засега....

Edited by FoSsiL - 13-Sep-2011 at 17:54

Верувам дека волку смешни коментари немало одамна на форумов. Од масовно иселување на 350000 скопјани, зашто биле над „проектираната бројка“, па до анекси на договори за менување на доброто со полошо, па се до нечии неоправдани заради двокатните.

Значи за се се криви двокатните. Браво.

Само ќе кажам дека кога беа тие „супер саноси“ што толку редовно и брзо одеа, не ми паѓаше на памет да се качам во автобус. Сега, тоа ми е задоволство да го сторам. Значи еден патник кој користел сопствен превоз, сега повремено избира да не го користи. А токму тоа е главната поента на КВАЛИТЕТНИОТ ЈАВЕН ТРАНСПОРТ!!!

Да се каже дека тој 1м2 што е зафатен во предниот дел е целиот корен на проблемот, не знам дали беше саркастично кажано или озбилно. Исто и тотално неосновани тврдења дека биле дупло понефикасни. Дај тогаш да воведеме товарни вагони, пошто по вашава логика тие се супер ефикасни, па макар во нив се потиш ко мајмун, се гужваш ко свиња, и се возиш како полжав. ШТО Е ТУКА СУПЕР???

Единствено што држи е околу наплатата во автобус, но тоа ќе се реши со електронската наплата. Така ќе биде движењето многу поефикасно.

Нема здрава логика по која може да се оправдаат двокатниве. А најголемиот дел од зафканциите е тој празен простор до возачот. Заради тој простор се губи простор, се поместуваат вратите после тркалата и се нарушува проточноста за купување карти од возач како во секој нормален автобус. За коефициентите на ефикасност оддамна зборуваваме и овие се дупло понеефикасни од единечните или хармоника. Коефициентот потрошувачка на час наспроти број на превени патници е коефициент за ефикасност на атобус во градски превоз. Дизајнот може и треба да биде релевантен дел од тоа што ќе набавиме, но не кога кефикасноста се намалува за два до три патии, туку само кога малку варира. Еднаш дадов предлог, еве пак ќе кажам, владата како нарачател итно да го замоли Јутонг за анекс на договорот за редизајн да пробаат да набават единечни од Јутонг ако треба и со доплата (кој апосле со ефиканоста на јавното сообраќајно претпријатие сигурно ќе се исплати), или ако не веќе нека го избацат тој некорисен простор кој и така би имало тука врати па видливост ана возачот не се нарушува.

Originally posted by vlatko.mk Ај уште еднаш ќе повторам - каква продобивка за обичниот граѓанин е тоа што е подобрен квалитетот, ако 2 дена по ред на автобуската станица неможе да се качи во преполниот двокатен автобус и е приморан да чека и по 30-40 мин да пристигне следниот?!

 
Мене ме нервира тоа што тие кои се повисоки од 170 cm не се качуваат на горниот кат, како да ќе скршат грб ако се наведнат малку или малку повеќе за да седнат, туку создаваат гужва на приземјето, поради што пониските кои сакаат да се качат на горниот кат доаѓаат до претпоставка дека горниот кат е полн, кога во реалност е речиси празен.
 
Стојат покрај скалите, што предизвикува претпоставка дека автобусот е полн до врв, кога во реалност им текнало да застанат покрај скалите за да не бидат дел од гужвата, а горниот кат е речиси празен.
 
Ама ете, и тоа е дел од нашата скопска култура.
 

Originally posted by FoSsiL на едно девојче и се слошило денес на враќање од школо во 15ката двокатна... ми кажа другарка...

 
Жал ми е за девојчето, но не знам дали факторот кој придонел за да и се слоши е тоа дека автобусот е двокатен, климатизацијата, или гужвата.

Доколку седела на горниот кат можеби и се слошило поради климатизацијата, а многу лесно може да се затворат климатизационите отвори на горниот кат и да се отворат прозорците.
 
Ако била на приземјето, а и се слошило поради гужвата, тогаш би требало барем да провери дали има место на горниот кат или да застане пред влезот, и онака никој не го почитува правилото за забрането стоење пред влезот, лично се уверив во тоа вчера, или како што ни налага скопската култура, да застане кај скалите, па на крајот на краиштата, гужвите во градските автобуси во Скопје се секојдневие, јас не верувам дека ќе се решат ниту со двокатните градски автобуси, ниту со двојните автобуси, скопска навика е да се фати првиот автобус кој ќе пристигне, како што спомна ти FoSsiL, ако задоцни ќе заработи неоправдан изостанок или намалена плата, затоа јас ја поддржувам идејата за трамвај, и во повеќе наврати имам спомнато 2 конкретни решенија за сообраќајниот метеж во Скопје и гужвите во автобусите:
 
1. Да се фиксира бројот на жители на градот на 350000 за колку што го проектирал Кензо Танге, или ајде со сила нека бидат 600000, така што 500000 ќе бидат жители на Скопје, а останатите 100000 ќе бидат студенти, средношколци, привремени работници кои ќе потекнуваат од други места во Македонија и откако ќе си ги завршат своите обврски во градот, на крајот од неделата, да си се вратат во своите родни места;
 
Звучи сурово, па дури и по малку фашистички ?
 
Е па, тоа ни следува кога дозволуваме бројот на жителите неконтролирано да расте, а не како резултат на бејби бум, односно не како резултат на зголемување на наталитетот, туку како резултат на тоа што граѓаните на источна и јужна Македонија ги напуштаат родните краеви и се селат во главниот град во потрага по работа и подобар живот.
 
Кензо Танге го проектирал Скопје после земјотресот од 1963 да биде град за најмногу 350000 жители, според пописот од 2002 се гледа дека таа цифра е веќе надмината и изнесува речиси 500000 жители, а изминативе 5 години таа цифра порасна на 800000 жители и 200000 од надвор кои секојдневно поминуваат низ градот, речиси 1 милион луѓе во град проектиран за не повеќе од 350000 жители.
 
2. Ако првото решение е неприфатливо, тогаш трамвајот ќе биде само привремено решение за град кој неконтролирано расте во број на жители, метрото, односно подземната железница, е повеќе од клучен фактор за растеретување на сообраќајниот метеж и гужвите по автобусите.
 
А ако девојчето има некаква фобија од двокатни автобуси, единствено решение што можам да го препорачам за тоа е - нека не се вози со двокатните градски автобуси, не знам за друго решение.


Edited by Dexter26 - 13-Sep-2011 at 15:34

  крале ако не ми веруваш не ми верувај... незнам дали и се случило... така ми кажа другарката... немора да е точно... јас не бев во тој автобус... но знам што се случуваше мојата 5ка двокатна... јас ставено слушалки и музика слушам кога пази од доле некој се дере, вика... вадам слушалките... незнам што се случуваше доле, ама на неколку пати слушав дерење... дали нешто се карале, незнам... ама поготово пензионерите се воопшто некултурни и се буткаат и на полн автобус, и изгледа на некој од младите им пукнал филм и почна да се дере...

А околу анегдотите... те молам немој... нема ти да закасниш на школо јас ќе закаснам и мене ќе ми стават неоправдан... или некој друг за на работа, и ќе му скратат дневница... и не го споредувај Лондон... не ми е воопшто гајле што и како е во Лондон, што се случува... па нека и совршено или пак хаос.... добро или лошо... Мене ме интересира и ме засега тоа што се случува во мојот град... нешто што мора да се смени...

Те молам да не почнуваме....

Едноставно двокатниве се голема Утка... можеби убаво изгледаат, ама за добар градски превоз се голема Утка....

Утка ни е целиот концепт/модел/претстава... како сакаш кажи го.... за градски јавен превоз...

Edited by FoSsiL - 13-Sep-2011 at 13:40

Мое гледиште.

Двокатниве направија хаос во градскиот превоз.

Да. Комотни, комфорни се, квалитетни се... се е тоа добро. Но кога се празни... односно оптимално искористени.

Да. Како што рече влатко.... пример...15 од Ново Лисиче до Бисер веќе е 95% полна, ако може само уште неколку луѓе да влезат....

Внатре... превртување... иако горе е забрането стоење, а исто така и забрането стоење кај вратите... луѓе има низ цел автобус што стојат... и не еден-двајца... цел автобус... дури и по скалите има луѓе што стојат...

незнам, некој спомна насмевка се појавила на скопските граѓани откако се пуштиле двокатните... да може, но на луѓе кои во шетање ќе ги видат, од кола, или нешто слично... но не и на луѓе кои чекаат автобус, кој кога ќе видат колку е полн не им се ни качува, или пак, ќе се качат со мисла ај некако ќе издржам.... а да не зборувам за луѓе кои се возат... џабе климата (освен горе каде се осеќа, за доле исто ко без клима да си)... внатре топло, на пот мириса... ко да си се бањал во пот.... се гужваат еден до друг... незнам колку тие се среќни што се возат во автобус... иако пак... еден парадокс, па сите сакаат во двокатните да се возат, а овие обичните сега па празни се... ама тоа ти е... глуп народ... гледаат дека нема место и упорно влегуваат во автобус...

на едно девојче и се слошило денес на враќање од школо во 15ката двокатна... ми кажа другарка...

Од друга страна па... пензионерите... уште тие фалат во вторниците и петоците... е тогаш 40 минути до школо и 40 минути назад ми се пекол во денот... како на пример денес...

Стави им сабота и недела.... не преку недела... зар толку мозок да се немало...

Значи јас не ги сфаќам одговорните.... значи толку да не се знаело да се организира оптимално градскиот превоз во Скопје.... па јас можам да им кажам како... а не они кои дали некад се возеле во автобус, со своите (службени) коли се движат и им е гајле дали тоа функционира или не... само да може од кола да го види и да му се радува...

А со двокатниве.. уште тие требаа.... сега имаме уште полош градски превоз... како некој или намерно или е доволно незапознаен па го става во хаос целиот градски превоз...

Наместо работите да одат кон подобро.... тие кон полошо ги водат...

Катастрофа...

Edited by FoSsiL - 13-Sep-2011 at 13:11

 
Точно, и зошто да се малтретираме да градиме трамвајска мрежа, кога најкомотно можеме да ги пуштиме товарните вагони да поминуваат низ веќе постоечката железничка инфраструктура во Скопје ?
 
Па на кого му е блиску дестинацијата ќе си заврши работа побргу, на кого му е подалеку ќе си шета повеќе, а шетањето е добро за здравјето.
 
Исто како што Мирјана Најчевска кога се кандидираше за градоначалник на Скопје на локалните избори 2009 како кандидат на ЛДП, велеше дека ќе ги промовира велосипедите како главно превозно средство, не ни требал автобускиот превоз, па тие кои бркаат 50-ка до државна болница нека се качуваат со велосипедите по онаа угорницана на Водњанска, без разлика дали се 20, 30, 40, 50, 60 или повеќе годишни луѓе, а да не правиме муабет па за велосипедската вожња на линиите 2-ка и 57-ца.


Edited by Dexter26 - 13-Sep-2011 at 11:42

Токму на ова мислев.

1. Во светските меторполи каде се корисат двокатни тие не се основата
2. НИКАДЕ ама БАШ НИКАДЕ се немаат занесено со некаков си НЕФУНКЦИОНАЛЕН ретро дизајн како нашиов

Околу големата потрошувачка и вработувањата времето најуваво ќе покаже - мислам дека тешко ќе се затскриваат овие податоци - особено што драстично ќе влијаат врз цената на билетите - освен ако не се реши владата да го плаќа долгот на јсп...

Разговор

Возењето на новите автобуси е песна

Весна Најдоска, шоферка во ЈСП зборува за натпреварувачкото искуство, панорамскиот автобус, патувачката култура на скопјани...

Бојан Шашевски


„Порано им беше малку чудно на патниците кога ќе влезат во автобус и зад воланот ќе видат жена. Имаше секакви реакции, но веќе се навикнаа секој ден да ги пренесувам до дома. Го сакаат моето возење. Плус, не сум единствена. Во ЈСП има уште четири жени кондуктерки, од кои едната сега работи во гаража“, вели Весна Најдовска од Волково, вработена во ЈСП „Скопје“.

Таа во јуни годинава ги урна стереотипите за жени-шофери и го освои вицешампионското место на европското првенство за вешто возење автобуси во Софија, Бугарија. Триесет и деветгодишната Најдовска за „Утрински весник“ раскажува како поминала на континенталното натпреварување и дека била единствениот претставник од понежниот пол меѓу 120 пријавени возачи.


Од секоја земја имаше по двајца вработени возачи од локалните фирми за транспорт. Откако со ЈСП аплициравме за првенството, два пати ми ги враќаа документите бидејќи мислеа дека се работи за некоја грешка. И директорот Мишо Николов кога уплаќаше за натпреварот велеше дека е најважно да учествуваме. Сметаше дека ќе бидеме атракција доколку однесеме жена да го претставува нашето претпријатие. Но, ете, на крајот направив успех. Освоив второ место“, раскажува ведрата Весна.

Гордата мајка на две женски и на едно машко дете вели дека прв на натпреварот бил Бугарин што управува меѓународен автобус. Иако временското возење низ препреките на полигонот го завршила одлично, бугарскиот натпреварувач имал предност бидејќи дополнителните тестови биле на неговиот мајчин јазик, па првото место и' го „земал“ за едно прашање.

По успешниот настап на првенството и докажаните возачки перформанси, министерот за транспорт и врски Миле Јанакиески ја задолжил да ги вози турите со новопристигнатиот двокатен панорамски кабриолет на ЈСП.

„Еднаш неделно, до кога ќе не' служат временските услови, освен редовните линии со мојата 22 а, ќе правам тури и со двокатниот автобус со отворен покрив. За нив имавме неколкудневни специјални обуки на ЈСП и ’Авто Македонија’. Претходно не сум управувала ваков автобус. Овие имаат повеќе копчиња и помагала, но прилично лесно се возат. Двокатните имаат подобра амортизација од украинските, многу лесно се врти со нив. Убави се, функционални, со клима-уред и со соодветна опрема. Внатре е чисто и мириса на ново. Искусните шофери брзо учат да ги управуваат, само габаритот се разликува. Плус, ние сме навикнати на стари искршени модели, па возењето на новиве е ’песна’“, кажува низ смеа Најдовска.



Со двокатниот кабриолет автобус со жолта церада досега имала неколку тури, главно низ познати градски локации.

„Со странците бевме на разгледување низ градот, а се реализираше и тура до Кале. Едните беа Италјанци, а во другата тура возев и Англичани. Инаку, може да се организираат тури преку туристичката агенцијата на нашето претпријатие ’ЈСП турс‘. Патниците ќе се возат со истиот билет од градски. На пример, доколку двокатниот носи патници до Водно, ќе ја има истата карта како другите градски автобуси. Нема да се двои по ништо. Но, мислам дека се' уште е рано за една таква редовна линија со панорамскиот. Наскоро доаѓа зима, а и верувам дека само странци ќе сакаат да прават такви тури. А, кога ќе го донесат и вториот панорамски, се планира и линија до Охрид. Но, нема постојано да сообраќа Скопје-Охрид туку кога ќе замине за Охрид, ќе остане во градот покрај езерото цело лето и ќе служи за тамошно разгледување“, вели Најдовска, додавајќи дека вториот панорамски автобус ќе дојде околу Нова година, па од пролет и тој ќе биде пуштен во употреба.

„Во меѓувреме ќе профункционира и пристигнатиот, односно треба да има интерес за тури низ Скопје. Треба да оди и до жичарница на Водно. Веќе има два двокатни со број 25, кои постојано сообраќаат нагоре без проблем“, додава Најдовска, тврдејќи дека има доволен простор и услови за возење по патот низ скопската планина.

Весна Најдоска шест години е возач на ЈСП „Скопје“. Прв пат конкурирала кога имала 23 години, кога немало ниту една жена кондуктер. Еден од претходните директори на ЈСП, Крсте Велјановски, ја одбил нејзината пријава за работа. Му било чудно и нереално жена да вози автобус. Но, сепак, по голема упорност и по повеќе конкурси успеала да седне на шоферската позиција.

„Долг период бев на договор на дело. Беше тешко, постојано се мислев да се откажам. Брат ми исто работи како возач во Словенија, па кога веќе решив да напуштам и да отидам таму да аплицирам за работа, како за беља ми дадоа решение. Имаше периоди кога возев и на линијата 56 до селото Бојане. Мораше маж ми да ме придружува до таму. Имав многу непријатни ситуации. По 150 лица се возеа во автобус. Беше неподносливо. Немаше ден да не се вратам дома нервозна. Колку од автобусиве стари толку и од народот што те нервира“, вели Најдовска и додава дека патувачката култура на луѓето е на незавидно ниво.

„Секакви патници се возат во автобусите. Многу работи трпиме. На пример, во новите автобуси има копчиња на рачките што ни даваат сигнал кога ќе застанеме дека некој сака да се симне. Некои луѓе цело време го држат копчето. Бадијала се налепниците и ознаките. Навистина ни сметаат таквите работи, цело време нешто ни свири и свети, не можеш да се концентрираш и да возиш... Постојано се сечат држачите во автобусите, се демолираат седиштата, веднаш ги украдоа и противпожарните чеканчиња што се поставени во новите украински автобуси“, раскажува таа.

Но, сепак, споредено со годините кога возела демолирани автобуси -антиквитети, сега чувствува дека, лека-полека, патниците почнуваат да се однесуваат поодговорно, но и контролорите се покултурни со граѓаните.

„Сега, во просек има само по двајца што се шверцуваат во бројот 22. Во новите полноќни тури мораме да возиме со контролор, сами не можеме, бидејќи има секакви хулигани и наркомани. Но, сега е далеку подобро отколку кога почнавме да работиме. Не е веќе толку ’дива лига‘. Посмирени сме. Работат образувани и коректни контролори. Има казни и за нив, а има и за нас. Мораме да ги облекуваме униформите со светлосините кошули. Беше редно време да живне јавниот градски сообраќај. Во украинските и во кинеските автобуси се возиш како господин“, смета шоферката Весна Најдоска.
http://www.utrinski.com.mk/default.asp?ItemID=309293F5A803F14FA5BC1EE93A7175B4