Моторни гарнитури

`ние имаме проблеми за вашите решенија`

Ми се чини дека има некакви нови анти-спреј бои со кои се фарбаат новите возови. Ја користат на запад, дури и да се стави некој графит, може само со надворешно миење на гарнитурата да се симне. Вајда во иднина ќе го имаме ова и кај нас

Originally posted by BOJAN Не ми е чудно тоа што го зборуваш. Веќе е целосно уништена однадвор, а раководство не стигнало да ја дофали во сите македонски медиуми. Проблем гледам во дел од луѓето што работат во железница, а најмногу во опременоста за одржување на возниот парк.

Џабе е Бојане...Не може толку вработените да го одржуваат надворешниот изглед на моторните гарнитури колку што одредени идиоти и скотови од Битола и Кочани да шараат со спрејови и други средства...Гарнитурите се шараат со спрејови ноќно време во Битола и Кочани...Само не гледам кое е задоволството на тие идиоти??? Ремек делото да му го види цела Македонија или пак задоволството и сеирот кога ја плукаат Железница по весници и медиуми заради надворешниот изглед...Секој ден да се префарбуваат гарнитурите однадвор, секој ден ќе се враќаат исшарани во Скопје...И новите возови кога ќе дојдат исто ќе биде...Македонче си е Македонче...

Edited by zookisk - 31-Jan-2014 at 16:16

Во меѓувреме претходно репарираните гарнитури редовно на удар од возилата преку диви премини, нехигиена и слободни уметници...не знам која е точно, Хераклеја, Скопје или некоја друга на линија БТ-СК во 12:45.
И после долго време семафор на преминот


Edited by Тркало - 29-Jan-2014 at 23:51

Да...712/109-110...

Za novite garnituri imaše izjava deka ke pristignat najrano proleta 2015

Датум: 13.12.2013, 18:04
НА ПАТ СО РЕНОВИРАНИТЕ ВАГОНИ

СО ПАРНО, КАМЕРИ И СО ТЕЛЕВИЗОРИ ДО ЗАДОВОЛНИ ПАТНИЦИ

Статијава е 2 дена пред железничката несреќа...

НА ПАТ сО РЕНОВИРАНИТЕ ВАГОНИ

Со парно, камери и со телевизори до задоволни патници

Камери и телевизори на секое ќоше, нови завеси, прозорци што дихтуваат и не дозволуваат ветерот да дува низ нив, јако парно, тапацирани седишта и чисти подови и тоалети. Ова е сликата која не пречека во возот за Битола во 14.30 часот, познат како "Шпанец", стар повеќе од 30 години, кој иако исфрлен од употреба, по целосната реконструкција пак е вратен во сообраќај. Во моментов, ова е "најосвежената" композиција со која може да се пофали "Македонски железници - Транспорт". Сосема поинаква слика од онаа пред неколку години, кога патниците кои ги начекавме смрзнати што од слабото парно, што од ветерот кој дуваше низ прозорците, седеа на мрсни седишта со дамки од пред многу години, а ѓубрето и нечистотијата беа заштитен знак за македонските возови. Екипата на "Дневник" реши да се прошета по вагоните за да провери дали низ годините нешто мрднало од мртва точка во нашите патнички возови кои треба да дотуркаат уште една година, а потоа ќе бидат заменети со нови.

Дека сликата е добра, но далеку од идеална говорат и вработените и патниците. Со радост ги чекаат новите возови. Вработените велат дека за цел работен век не виделе ново машинче, а патниците кои топло не пречекаа дека им е смачено од старудии во кои наутро е поладно отколку надвор.

Свирежот на човекот со црвено капче го означи почетокот на патот во возот без купиња во кој поради попладневниот тајминг се бараше место повеќе. Кој од факултет, кој од работа, други од редовни контроли на скопските клиники, а некои од шетање. Едни во попладневна дремка, други на лаптоп, трети во светот на музиката, дел расположени, дел со грижи на нивните лица. Во преполните вагони секој со својата грижа или радост, за патниците најчесто завршуваше уште едно редовно патување кон дома, бидејќи најголем дел често или секојдневно ја "возат" оваа тура.

И другите треба да се реновираат

На влезот до првиот човек, машиновозачот, н` пречека видно расположено друштво, вработени во железница кои се враќаат дома. На шега викаат дека за нашата прецизност сега можат да ни завидуваат и Кинезите и Јапонците.

- Нашите возови се со прецизен тајминг. Сега не доцнат, тргнуваат и пристигнуваат на време. А тек кога ќе ги донесат новите возови. Тогаш и Кинезите и Јапонците ќе можат капа да ни симнуваат - дофрлува групата вработени.

И додека возот се лизга по шините вниманието е свртено кон главниот, кој го управува.

Машиновозачот Пецо Божиновски веќе 30 години го работи ова. Вели дека возовите се најбезбеден превоз, и додава дека работата ќе им се олесни со новите возови кои со радост ги чекаат.

- Новите машини ќе бидат посигурни и полесни за управување. Тие ќе бидат посовремени се ќе биде на копче, климатизација, компјутери, се ќе има. Одамна не сме виделе ново машинче, им се радуваме на најавите за нови. И овие беа исфрлени од сообраќај, но менаџментот реши да ги реновира и да ги врати во сообраќај. Сега во нив има телевизори и напивки за освежување на патниците - вели Божиновски.

И додека разговараме, не прекинува револтиран патник со порака дека "дојдовме во погрешно време и во погрешен воз".

- Утринските што ги пуштаат се хорор-филм, без парно и без никакви услови. Од Велес сум и патувам секој ден оти работам во Скопје. Велешани се најмногубројни патници, но проблем е што нема возови или тајмингот е лош, наутро нема парно па се мрзнеме до Скопје. Овој е реновиран, но не го пуштаат често - дофрлува патникот.

И други го поддржуваат дека не е с` "сјајно" како што изгледа, особено во утринските тури.

Со воз се возат и низ Скопје

И додека шетаме меѓу патниците, вниманието ни го привлече едно добро расположено друштво од млади луѓе меѓу кои најгласен беше Давор. Тој студира во Скопје и се враќаше дома во Велес. Вели дека ужива да патува со воз, дури го користи како превозно средство и низ Скопје каде студира на Факултетот за туризам.

- Најдобро превозно средство се возовите, уживам додека патувам со нив. Дури ги користам и за низ Скопје. Воз има до Драчево, Лисиче, Зелениково, Орешани, Скопје Север, Ѓорче Петров, Маџари. Плус не плаќам за возењето и се подобро решение отколку да се туркам во автобуси- низ смеа вели 24-годишниот велешанец Давор.

Има пријатни искуства со возовите, но признава дека уште не фатил девојка на патување.

- Со воз отидов и до Москва преку Софија. Два дена патував. Имам девојка од Романија. Не ги сакам скопјанките, не знаат да прават запршка- низ смеа коментира Давор кој е по возови од 15-тата година. Преку лето оди на печалба на Крит и жали што нема превоз на шини до таму.

Веднаш до него седат и немо не набљудуваат Елвира и Лари кои се од Канада, а сега патот ги носи накај Битола.

- Обожаваме да патуваме со воз, бидејќи е најбрз, најудобен и најекономичен превоз. Доаѓаме од Србија, патувавме во кушет, кола за спиење. Планираме да го посетиме и Охрид - вели Елвира.

И Лари првпат стапнува во земјава и е нетрпелив да ја запознае.

Мартина од Прилеп и Татјана од Чашка, студираат во Скопје и седат една до друга, но не се познаваат. Низ разговор сфатија дека заедно имале и еден немил настан пред некое време кога поради сообраќајка заглавиле час и половина на станицата во Драчево и измрзнале бидејќи возот стоел во место.

- Често користам воз, на секои две три недели се враќам накај Прилеп. Ем е поекономичен ем поудобно ми е патувањето. Во однос на порано се подобруваат условите- вели Мартина која е втора година на студиите по странски јазици.

Татјана вели дека за отприлика исто време се пристигнува како и со автобус, но патувањето со воз е попријатно и поудобно.

- Во овој воз ништо не фали, но во другите најчесто нема парно, посебно наутро. Мраз ладно е - коментира Татјана.

Безбедноста е на највисоко ниво

Дневно во просек 27 до 30 воза, од кои најмногу товарни, поминуваат низ станицата во Велес. Сигурноста на возовите е на највисоко ниво, велат отправникот на возови Васил Маневски и неговиот шеф Јован Ушев. Телекомандата им овозможува автоматски да се регулира и следи целиот железнички сообраќај во земјава.

- Сите колосеци во станицата ги имаме на увид преку телекомандата. Кон Скопје имаме контрола на движењето на возовите до станицата Рајко Жинзифов, а кон Гевгелија до Згрополци, објаснува Васил, додека Јован не уверува дека со ваква техника нема шанси два воза во исто време да се најдат на ист колосек.

- Ова е најнова техника. Со телекоманда се команда од Трубарево која е централна поставница. До пред некое време работевме механички - вели Јован.

Мајка изгубила дете

Кондуктерот Драган ги проверува патни билети на патниците. Вели дека триесет години го работи ова, има и убави и лоши спомени. Го застанавме на излегување, имаше премногу работа во возот. Ни раскажа дека имало патници со тежок карактер, но немало поголеми проблеми, барем додека тој бил на смена. Се сеќава дека се случувало и мајка да изгуби дете во возот, но на крајот со нивна помош с` се завршило среќно.

http://www.dnevnik.mk/?ItemID=5BE8AD8D92F7C145BF391465B70DFF2B

Преземено од Фејсбук страницата на Машиновозачи во МЖ - Транспорт

„Шпанецот„ во Битола: