Јавен автобуски превоз (општо)

Originally posted by zabegan Originally posted by jyvation Не е ова колонијал па да прави намалување на производи секоја недела.Што ако за 2 недели пак порасне? Ако и понатаму продолжи да паѓа цената на горивата во континуитет би се корегирала.Мислам би требало ама во оваа држава ништо не се знае поентата е можеби тоа што поскапувањето на билетите нема никаква врска со горивото...

А со што би имало врска?Колку што знам нови автобуси добивме и еднаш се покачи цената.

Не е ова колонијал па да прави намалување на производи секоја недела.Што ако за 2 недели пак порасне?
Ако и понатаму продолжи да паѓа цената на горивата во континуитет би се корегирала.Мислам би требало ама во оваа држава ништо не се знае

Edited by jyvation - 15-Dec-2014 at 15:08

ЈСП ЌЕ ГРАДИ КОМПЛЕКС ЗА ДНЕВНА НЕГА НА АВТОБУСИТЕ



Јавното сообраќајно претпријатие „Скопје“ ќе добие нова современа автоперална во базата во Автокоманда, со простор за дневна нега каде што ќе може да се види дали е с` во ред со автобусите, по потреба да се смени филтер и сл. Претпријатието распиша оглас за прибирање најповолна понуда за изработка на идеен и изведбен проект за градба на комплекс за дневна нега на автобусите во базата во Автокоманда, чија вредност е проценета на 500.000 денари без ДДВ.

Директорот Мишо Николов вели дека проектот ќе одговори дали ќе се приспособи еден од постојните сервиси во базата или тој ќе биде урнат, па на истото место ќе се гради нов објект.

- Миењето на автобусите во новата автоперална ќе биде автоматско. За ден час ќе може да се измијат 30 автобуси, односно за две минути ќе се мие еден автобус. Пералната ќе опслужува 180 автобуси кои се во базата на ЈСП во Автокоманда - вели Николов.

Градежните активности би почнале наредната година.

Сите заинтересирани, своите понуди со идејните и изведбените проекти треба да ги достават најдоцна до 3 ноември во 12 часот кога ќе се спроведе јавно отворање.

Во ноември 2012 година ЈСП пушти во употреба современа автоперална во автобазата во Ѓорче Петров.

http://www.dnevnik.mk/?ItemID=E055BC7EF5CDC640B71092D2E86BC71E

http://dnevnik.mk/?ItemID=8C6F73A72A4D5F45BD2E350649E4E175

Датум: 02.10.2014, 18:37
ЈСП ГО ПОТПИША ДОГОВОРОТ ВРЕДЕН ТРИ МИЛИОНИ ЕВРА

„Т-МОБИЛЕ“ СО ПАРТНЕРИ ОД БУГАРИЈА И ОД СЛОВЕНИЈА ЌЕ ВОВЕДЕ УМНИ БИЛЕТИ ВО АВТОБУСИТЕ



Електронските билети за јавниот автобуски превоз скопјани ќе ги имаат в раце во јули следната година. Деновиве ЈСП „Скопје“ го потпиша договорот со „Т-мобиле“, вреден 3 милиони евра, според кој компанијата има рок од девет месеци да ги воспостави системите за електронска наплата и за автоматска локација на возилата. Следното лето се очекува во јавните и приватните автобуси да има единствена цена на возење, да се исфрлат од употреба хартиените билети, а патникот на автобуското стојалиште на електронска информативна табла да прочита за колку време ќе пристигне автобусот што го чека.

Разни видови плаќања и тарифни системи

Од „Т-мобиле“ велат дека сите обврски ќе ги исполнат во предвидените рокови. На прашањето од каде ќе ја набават потребната опрема и каква ќе биде таа за да може да се стават во функција двата система, од компанијата велат дека на тендерот победиле тие, споени во конзорциум со „Маргенто РиД“ ДОО од Марибор, Словенија и ИKОМ ООД од Софија, Бугарија.

- Овој проект ќе овозможи подигање на квалитетот на превозните услуги преку запазување на пропишаните возни редови и намалување на времето на чекање во согласност со моментните случувања во сообраќајот во градот. Ќе нуди можност за воспоставување разни видови плаќања и тарифни системи. Предвидена е соодветна хардверска и софтверска опрема, како ГПС-уреди, валидатори, уреди за контрола, сервери итн. Дел од опремата ќе се инсталира во самите автобуси, дел ќе биде во рамките на ЈСП и Град Скопје, а дел ќе лежи во дата-центарот на „Т-мобиле Македонија“ - изјавија од компанијата, од каде што додаваат дека тие се водечки член на конзорциумот.

- Имајќи предвид дека станува збор за многу комплексно решение во кое не може да се дефинира каде почнува и каде завршува еден систем, одговорноста за имплементација на целото решение како систем интегратор ќе ја има „Т-мобиле“, кој како водечки член на конзорциумот е задолжен за носење на сите извршни одлуки и давање соодветни гаранции за успешно инсталирање и функционирање на целиот систем - велат во домашната телкомуникациска компанија.

Опрема за 500 автобуси

Оттаму не прецизираа кога ќе почне инсталирањето на опремата.

- Роковите за воведување на системот се дефинирани во рамките на тендерската процедура. За навремено пуштање во продукција на целиот систем, „Т-мобиле“ има изработено детален проектен план по кој ќе се работи. Заедно со партнерите сме организациски и кадровски подготвени да го испорачаме решението во зададениот рок - велат оттаму.

Kако што претходно беше најавено од надлежните во ЈСП, валидатори за електронска наплата ќе се постават во 500 автобуси, од кои 150 во приватни автобуси. Ќе бидат поставени три машини за продажба на електронските картички и тоа на пофреквентните автобуски постојки. Електронските билети ќе се продаваат и на 58 продажни места и билетарници. Ќе бидат набавени 200.000 електронски картички, како и 50 уреди кои ќе ги користат контролорите.

Што се однесува до системот за автоматска локација, „Т-мобиле“ ќе има задача да постави 50 информативни дисплеи на автобуските постојки, преку кои патниците ќе добиваат информации за колку време ќе пристигне одреден автобус. Во сите автобуси ќе треба да се постават ГПС-уреди за сателитско следење на возилата и да се опреми диспечерски центар на ЈСП во рамките на Студентскиот дом „Kузман Јосифовски - Питу“.

Kога ЈСП го распиша јавниот повик за набавка, процени дека се потребни 120 милиони денари, односно два милиона евра за двата система, а понудата на „Т-мобиле“ беше 180 милиони денари, односно околу 3 милиони евра. За да може ЈСП да склучи договор со оваа компанија, на седница на Советот на Град Скопје мораше да се направи измена во Инвестициската програма во која се зголеми предвидениот износ. Тогаш и самиот директор на ЈСП, Мишо Николов изјави дека лошо ја процениле вредноста на набавката.

За воведувањето на овие системи беше донесена одлука на Советот на Град Скопје уште во времето кога градоначалник беше Трифун Kостовски.

Електронската наплата значи дека патниците ќе имаат една картичка на која ќе ставаат пари колку што сакаат, а при влегување во автобус со читачот ќе им биде одземена сума колку за едно возење. Патниците нема да се задржуваат при влегување во возилото, ниту ќе купуваат билети од возачот. Овој нов тип наплата ќе го намали и времето на стоење на постојките, како и времето што е потребно за патниците да влезат во автобус.

Со системот за автоматска локација претпријатието лесно ќе го контролира времето на тргнување и пристигнување, како и на задржување на автобусите на станиците.

Анела Петрова


http://bukvar.mk/news/za-9-meseci-kje-nema-hartieni-bileti-vo-avtobusite?newsid=x3W1

01.10.2014, 11:40
ЈСП "СКОПЈЕ" ГО ПОТПИША ДОГОВОРОТ СО Т-МОБИЛЕ ЗА ВОВЕДУВАЊЕ ЕЛЕКТРОНСКА НАПЛАТА

ЗА 9 МЕСЕЦИ ЌЕ НЕМА ХАРТИЕНИ БИЛЕТИ ВО АВТОБУСИТЕ

Со електронската наплата, граѓаните што се возат со јавниот превоз ќе си купуваат електронски припејд картички, кои ќе ги дополнуваат со толку пари колку што сакаат, а при влегувањето во автобус ќе ја приближат картичката до читач, кој од неа ќе им одземе сума колку што чини возењето

Од јуни в година, во автобусите на ЈСП "Скопје" нема да се употребуваат книжните билети туку ќе почне да функционира електронскиот систем за наплата. ЈСП "Скопје" вчера го потпиша договорот со компанијата "Т-Мобиле", која има рок од девет месеци да го воспостави новиот систем за наплата.
Според деталите во договорот, ќе бидат набавени 200.000 електронски картички, како и 50 уреди кои ќе ги користат контролорите. Ќе се постават 500 валидатори за електронски билети, од кои 150 во приватни автобуси. Ќе бидат поставени три машини за продажба на електронските картички, и тоа на пофреквентните автобуски постојки. Електронските билети ќе се продаваат и на 58 продажни места и билетарници.



"Со електронската наплата или воведувањето таканаречени паметни билети, ќе се избегнат билетите од хартија и ќе се скрати времето на влегување на патниците во возилата. Граѓаните што се возат со јавниот превоз, ќе си купуваат електронски припејд картички, кои ќе ги дополнуваат со толку пари колку што сакаат, а при влегувањето во автобус ќе ја приближат картичката до читач, кој од неа ќе им одземе сума колку што чини возењето", вели Мошо Николов, директор на ЈСП"Скопје".
Со новиот систем ќе се врши и автоматската локација на автобусите. Патниците на автобуските стојалишта на електронски табли ќе добиваат информации за колку време ќе стаса автобусот кој го чекаат. Возилата ќе бидат следени преку сателит и информациите ќе се проследуваат во реално време. 40 информативни дисплеи треба да бидат поставени на автобуските постојки, преку кои патниците ќе добиваат информации за пристигнувањето на автобусите.
За воведување на новиот систем за електронска наплата и автоматско следење на возилата ЈСП "Скопје" ќе потроши 3 милиони евра. (А.А.)

подобро ќе служам најтешка затворска казна отколку да им дадам 1000 денари на овие неписмени стоки (и тоа 1000 денари на рака, како рекет да е, а не казна, што треба да биде поддржана со некаков вид на документ)

Не, не, ако не работи поништувачот, си одам горе, си седнувам, па ако дојде контрола можам и јас самиот да си го скинам билетот, ич не го мачам шоферот

АВТОБУСИТЕ НА ЈСП НАПРАВИЛЕ ОКОЛУ 150 СООБРАЌАЈКИ

Во една од сообраќајните несреќи, животот го загубиле четири лица кои биле во автомобил што директно се судрил со автобус

Елена Вељановска

Претекнувањето со приватните автобуси кој прв да стигне на постојката и да собере што е можно повеќе патници, сообраќајниот метеж, брзото возење на автомобилите, а особено на таксистите, претрчување на необележан пешачки премин од страна на несовесните пешаци, несовесност на возачите кои превезуваат огромен број патници, се само дел од причините поради кои автобусите на ЈСП „Скопје“, учествувале во сообраќајни несреќи во кои имало материјални штети, повредени патници, но, за жал и жртви.

Според информациите добиени од одговорните во претпријатието, во првата половина од оваа година, автобусите на ЈСП „Скопје“ учествувале во вкупно 150 сообраќајни несреќи.

...

„Низ цело Скопје сообраќајот е постојано во хаос. Виновници можеме да бараме насекаде, од пешаците до возачите на автомобили, таксистите... Сепак, многу често и возачите на ЈСП знаат да возат брзо и да ја загрозат нашата, а се разбира и нивната безбедност“, вели патничка на ЈСП, која како што кажува, веќе 10 години се вози со автобус секој ден и притоа била сведок на многу непријатни случки поврзани со брзото возење.

Сепак, иако станува збор за околу 600 професионални возачи, од кои дури 300 секојдневно се вклучени во сообраќајот и управуваат со 320 нископодни или двокатни автобуси, безбедноста на патниците многу пати до сега била сериозно загрозена.

„Во поголем број од сообраќајките во кои учествувале нашите автобуси, направена е само материјална штета. Но, во една имаше и четири жртви кои не беа наши патници, туку се превезуваа во автомобилот кој удри директно во нашето возило. Во последната сообраќајка пак имаше голем број повредени патници“, вели Билјана Јанкуловска- Митова, портпарол на ЈСП „Скопје“.

Повеќе на http://www.utrinski.mk/?ItemID=5279A5DA8436954DA5F5EDD61081E185

Edited by Џоле - 25-Sep-2014 at 09:19

ЈСП имаат финансиски проблеми. За споредба неколкуте приватни компании работат рентабилно и со кредити за автобусите(ако поволни сепак платени а не поклон), без финанссиска помош од град Скопје и владата и со пониски цениза билети. Плус ретко кој вади месечна а да не е на јсп. Значи прблемот е исклучиво од политички карактер. Се префрлаат пари за разни глупи проекти кои не се во наадлежност на јсп, а градот не секогаш го субвенционира возењето на пензионерите.

инаку, grip=прилепување

Originally posted by ehrlich Ниска цена на билетите, боже што ќе слушнам, ко божем тоа е главниот проблем? Па ај ако не ние останатите смртници (непензионери) да плаќаме по 100 денари, за да тие се возат. Само кај нас, луѓе што немаат приходи (невработени, студенти, стечајци) плаќаат билети, додека ова баграва за до пазари и останато се вози по автобуси и после била крива цената, а не нивната неспособност и превработеноста во нивното претпријатие.

Зарем забораваш кои се најлојалните гласачи на избори?

Некој треба да јаде ќотек!

ЈСП ГО ТРЕСЕ ФИНАНСИСКА КРИЗА

Градоначалникот Коце Трајановски ја искритикува работата на раководството на претпријатието бидејќи не успева да ја зголеми наплатата и да ги намали загубите

Елена Вељановска

Големиот број патници кои се возат без пари, ниската цена на билетите, како и лошата наплата се главните причини поради кои ЈСП „Скопје“ трпи финансиски загуби. Според првиот човек на ова јавно претпријатие, Мишо Николов, не може да се очекува да биде рентабилно и да не трпи никакви загуби претпријатието кое работи со ниска цена на билети споредена со големите трошоци кои секојдневно ги има, како и со превезувањето голем број патници кои бесплатно ги користат нивните услуги.

Темата за лошата финансиска ситуација на ЈСП повторно стана актуелна откако завчера вработените најавија штрајк поради неисплатена плата. Оваа информација која проструи низ медиумите, експресно беше демантирана од одговорните во претпријатието кои тврдеа дека платите на вработените редовно се исплаќаат. Сепак, за проблемот се огласи градоначалникот Коце Трајановски, кој јавно проговори за финансиската состојба на ЈСП и за загубите што ги трпи.

За да се реши проблемот со неисплатената плата, Трајановски префрлил околу 27 милиони денари од градската класа, со цел парите да се поделат за плати за вработените. Освен овие средства, градоначалникот најави дека во наредните денови ќе бидат покриени и останатите загуби кои ги направило јавното претпријатие, бидејќи од потребните 50 милиони денари наменети само за плати, остварило приход од едвај 8 милион денари.

Сепак, Трајановски, иако дал согласност за исплата на парите, остро ја искритикува работата на претпријатието и на неговото раководство, од кое побара поголем ангажман и поуспешна наплата за на тој начин претпријатието да почне да работи без загуби и да застане на „свои нозе“.

Градоначалникот посочи дека ЈСП „Скопје“ не може постојано да се потпира на субвенциите кои му ги исплаќа Градот. Според него, претпријатието мора да ја зголеми заработувачката барем за 15 до 20 отсто, поточно за толку да ја зголеми ефикасноста во наплатата, за што треба да се потрудат, како што рече „цела армија контролори“ кои не успеваат да обезбедат наплата.

Но, првиот човек на ЈСП, Мишо Николов, смета дека претпријатието се соочува со вакви проблеми поради ниската наплата, односно поради тоа што многу патници се возат без пари.

„Не може да се очекува да бидеме профитабилни и да немаме загуби кога голем број патници што ги користат нашите услуги плаќаат нула денари за услугата што ја користат, а проблем е и ниската цена на билетот“, вели Николов.

Од Градот, пак, објаснуваат дека, како и со останатите јавни претпријатија, тие будно ја следат состојбата и во ЈСП.

„Град Скопје од своја страна обезбедува програмски средства за поддршка на јавното претпријатие, но, во основа, мора да се вложат дополнителни напори за обезбедување зголемена наплата на превозот. Ова ќе се обезбеди со поголема ефикасност на контролите во автобусите и со намалување на бројот на патници кои не плаќаат или, пак, се возат со фалсификувани слободни карти. Значи, решението е во зголемување на наплатата, а не во зголемување на цената на јавниот превоз“, информираат од Одделението за односи со јавност на Град Скопје.

Според информации од ЈСП, оваа година од градската каса биле префрлени 150 милиони денари на сметка на претпријатието за покривање на трошоци по различни основи. Дополнителни 20 милиони денари им биле искеширани за поставувањето на новите автобуски постојки низ градот. Предвидено е од градската каса да се одлеат дополнително и 60 милиони денари наредната година за финансирање на проектот за системот за автоматска локација на автобусите.

Поради лошата финансиска ситуација, останува нејасно зошто Град Скопје
одлучи ЈСП да биде инвеститор на проектот за изградба на панорамското тркало кое ќе чини околу 18 милиони евра.

„Се надеваме дека ќе има голем број донации со чијашто помош ќе го реализираме проектот за изградба на панорамското тркало на Вардар“, кратко ни одговори Николов.

http://www.utrinski.mk/?ItemID=1F2B9341F693034991545331BF84F07F