Есер Џевахир, член на управниот одбор на „Џевахир Холдинг“ изјави дека веќе се продадени 60 станови во двете готови висококатници, а исто така е купен и цел последен кат во едната кула само од еден купувач.

Џевахир дополни дека со придржување до сите безбедносни и сигурносни стандарди, третата кула од станбениот комплекс ќе се гради по еден кат на седум дена.

- Самото градење трае пет дена, но заради следење на безбедносните параметри, дадени се дополнителни два дена. При градењето на „Џевахир скај сити“ комплексот ги користиме најдобрите материјали и технологии. Обемната инвестиција под земја е доказ за градежниот квалитет како и важноста што ја придаваме на безбедноста и добросостојбата - изјави Есер Џевахир.

Тој дополни дека со 344 станови на 40 ката, достапни во различни квадратури, луксузни апартмани како и можност за конструирање на распоред на апартманот по нарачка, највисоките кули во Македонија, претставуваат уникатен и модерен станбен комплекс со единствен концепт на стилско живеење. Првите две кули ќе бидат подготвени за вселување на првите станари веќе кон крајот на 2015 година, а комплетното завршување на целосниот комплекс се очекува да биде во 2017 година.

http://www.novamakedonija.com.mk/DetalNewsInstant.asp?vestInstant=34396