Се ќе беше одлично, и локација, и капацитет и како проект целосно, ако во еден друг текст не прочитав дека треба да ја гради приватен инвеститор кој треба да вложи 10 милиона евра за што ќе добие концесија од 35 години, освен ако веќе има заитнересиран инвеститор па тендерот да биде чиста формалност.

МЗТ Скопје добива модерна сала со капацитет од 5.000 гледачи (ФОТО)

За период од 18 месеци во скопската населба Аеродром би требало да биде изграден модерен спортски објект чиј капацитет ќе биде 5.000 гледачи, а во чиј склоп ќе има и една помошна сала на чии трибини ќе може да собере 1.000 вљубеници во спортот.

Новиот модерен спортски објект ќе биде изграден врз темелите на сегашната сала „Јане Сандански“. Тоа значи дека актуелниот македонски кошаркарски шампион од сезоната 2014/2015 ќе може средбите од АБА-лига да ги игра во салата во населбата Аеродром нормално ако тогаш обезбеди настап во силната регионална лига.

„Со изградбата на спортскиот центар нашите спортисти ќе добијат достојни услови за вежбање, а Општина Аеродром и градот ќе имаат уште еден репрезентативен спортски објект, кој ќе нуди достојни услови за домашни и меѓународни натпревари“ изјави градоначалникот, Ивица Коневски.

Салата ќе се гради на површина од 11.000 квадрати, а ќе биде висока 21 метар.  Спортскиот центар „Јане Сандански“ ќе добие и паркинг простор со капацитет за 500 возила. Освен спортска сала, дел од проектот е и изградба на хотел со ресторан кој ќе биде поврзан со салата, но и разни други локали, спа центар,продавници, сала за состаноци, амбуланта за спортисти билетарница, гардероби.

http://www.time.mk/read/cee8fc3cdf/ac13f13a4c/index.html

Оваа сала претпоставувам нема врска со онаа што веќе се гради во Аеродром.