Верски објекти (општо)

Колку и да дебатираме што и да мислиме, државата е веќе отидена во неповрат пред се' за граѓаните од втор ред, Македонците.

 
Па и во Аеродром ситуацијата не е нешто поинаква со обележувањето на територијата.
 
Од една страна на висококатниците крст, а позади висококатниците малечка црква.
 
Малечка, но сепак црква.
 
А тоа што можеби баш пред завршувањето на изградбата на висококатниците од никаде може да се појави најавуваната џамија кај висококатниците и не е толку важно.
 
Нешто слично се случува и во Белград, каде што белградскиот проект пандан на скопскиот Скопје 2014, наречен Белград на вода, предвидува изградба на облакодер и на некои други деловни и станбени објекти, но за разлика од Скопје 2014, кој е државен проект, Белград на вода е приватен проект, предложен и финансиран од арапски инвеститори, кои како услов за изградба на објектите од проектот, побарале изградба на најголемата џамија на Балканот, ако не и во Европа, и покрај тоа што едвај 3% од жителите на Белград се муслимани.
 
И исто како и кај нас во Македонија, властите продаваат магла за рајата, тврдејќи дека џамија не е планирана за изградба, но тоа го велат сега, а тоа што ќе се случи кога проектот ќе биде реализиран - доколку биде реализиран се разбира, тоа може да биде друга приказна во споредба со тоа што властите го тврдат сега.


Edited by Dexter26 - 26-Jul-2014 at 19:43

Ако ништо друго, имаме ракети на претек!

Edited by Џоле - 26-Jul-2014 at 19:01

Originally posted by kultuzin

Станува збор за селото Љуботен. Инаку има нешто над 2000 жители, со тие во странство. Па сега проценете вие колку се потребни трите џамии за потребите на локалното население.

Многу пати сум слушнал и од пријатели мои кои се со исламска вероисповед и припадници на друг етникум, дека тоа што се прави со џамиите е претерано. Но, тоа е тоа.

Црквата не ја гради државата туку МПЦ. Цркви најчесто се градат таму каде што има потреба и тие најчесто се со многу мали димензии и се наменети за верниците. Во некој места на пример требаат цркви затоа што во турско огромен број од нив биле срушени за да потоа дојдат такви времиња кои не биле баш најнаклонети кон религијата.
Но клучен момент се димензиите и гласноста. Никој не може да ми каже дека висината на џамиите е потреба или пак е потреба џамиите да се слушаат во радиус од 50 км. Тоа ми е поентата. Се знае со чии пари и зошто се градат џамиите во последните 10 години. Како поткрепа ќе земам една фотографија од еден странски турист а фотографирана мислам во Љубанци скопско.
На фотографијата се гледат 3 огромни новоизградени џамии кои им служат на 50 куќи. Џамиите се повисоки и од највисоките цркви во Македонија.
Потребата и пораката не би сакал да ја повторам. Убаво е човек да е реален но додека ние плукаме по своето цели територии на Македонија етнички и религиски се чистат. И јас сум човек кој е многу толерантен дури и се радувам на мултикултурализмот во Македонија. Но ова што се случува во последно време во Македонија ако не се спречи или ако не се обиедем да го спречиме за кратко време ќе произведе уште многу случаи како онаа на езерото во Станковци.







Edited by kultuzin - 26-Jul-2014 at 16:51

Доколку се градеа верски објекти според потребите на народот тогаш ќе требаше да се рушат добар дел од истите затоа што верски објекти има повеќе од доволно. Ова е веќе експанзија, и од крстоносциве и од месечиноносциве - coming from an atheist.

Џамијата изгледа пристојно, само да не се претерува свисината на минарињата. А за изворот на фининсии веќе е дискутирано но форумот.

Од каде толкава експанзија на градба на џамии.Контролира ли државава колку џамии се изградени, од каде се финансираат, за што ќе служат?

НОВАТА ЏАМИЈА ВО ТОПАНСКО ПОЛЕ ЌЕ БИДЕ НАЈГОЛЕМА ВО МАКЕДОНИЈА?



Бранко ЃорЃевски

Новата џамија и исламски центар, чиј камен-темелник за градба беше положен минатиот вторник со населбата Топанско Поле во скопската општина Чаир, ќе бидат најголем верско-просветен центар на Исламската заедница во Македонија. Ова произлегува од големината на комплексот, во кој првпат во праксата за градба на исламски верски објекти на едно место ќе се изградат како голема џамија така и повеќе други придружни објекти.

Kако што беше најавено на свеченоста, на која присуствуваа поглаварот на ИВЗ, реис-ул-улема Сулејман Реџепи, и градоначалникот на општина Чаир, Изет Меџити, новата џамија ќе има трапезоидна форма, која ќе има и четири минариња. Освен ова, составен дел од комплексот ќе бидат и образовен и научен центар со амфитеатар, библиотека, читалница... Предвидено е овие содржини да се користат за едукација на студентите кои ја изучуваат исламската теологија.

Изградбата на толку голем верски комплекс се вклопува во трендот на градењето големи исламски објекти како во нашата земја така и во непосредното соседство. И покрај обидите вчера во ИВЗ и во Општина Чаир не успеавме да добиеме информација за тоа колку ќе изнесува вкупната површина на новиот исламски центар во оваа скопска општина. Непознато е исто така од кои с` извори ќе бидат обезбедени средства за неговото завршување. ИВЗ досега градеше главно само индивидуални верски објекти – џамии, без да се форсира градбата на комбинирани комплекси. Ова верска заедница, познато е, има свои образовни институции во скопското село Kондово каде што веќе повеќе децении функционираат Исламскиот теолошки факултет и Медресата како средно верско училиште.

Според објавените планови за изгледот на комплексот, лесно може да се забележи дека тој ќе зафаќа поголема површина отколку што ја имаат големите џамии како во Скопје така и во внатрешноста на земјата – Мустафа-пашината џамија, Султан-Муратовата џамија, Јахја-пашината џамија или, пак, џамијата во Битола и во други градови.

Инаку, Општина Чаир последниве години е место каде што често се организираат разни исламски теолошки предавања, често и на отворениот простор на чаирскиот фудбалски стадион.

Инаку, во нашата земја има околу 1.900 православни цркви и околу 600 џамии. Во последните направени анкети мнозинство од граѓаните изјавуваа дека во земјава веќе имаме доволно верски објекти.

РЕИС РЕЏЕПИ: АЛАХ ДА ГИ ПРИМИ НАШИТЕ ДОБРИ ДЕЛА

Семоќниот Алах да ги прими нашите добри дела и нашите молитви направени во текот на рамазан. Го молам семоќниот Алах да н` чува од злото на злонамерните, порача во својата рамазанска порака поглаварот на ИВЗ, реис-ул-улема Сулејман Реџепи.

- Го завршуваме месецот на постот и целосно се чувствуваме горди и радосни затоа што со послушност, со молитви, со добрина, победувајќи над злото, успеавме да бидеме побожни и поблиску до нашиот господар. Месецот на рамазан е почетна точка на нашето вечно патување кон нашиот извор. Светлината што ја допревме во овој месец постојано треба да свети во нашиот живот - потенцира тој.

- Го прославуваме Фитр Бајрам. Ќе му се заблагодариме на Алах за она што ни овозможи да го постигнеме во овој месец. Но, да не заборавиме: во нашата радост да ги вклучиме и луѓето што имаат потреба за помош како и сиромашните, сираците, но и нашите верски образовни институции - нагласи тој.

НАТПРЕВАР СО НАЈГОЛЕМИТЕ ЏАМИИ НА БАЛКАНОТ

Почетокот на градбата на новиот исламски комплекс се надоврзува на градбата на големи исламски верски објекти во регионот. Познато е, пред две години во Приштина, Kосово, беше поставен камен-темелник за изградба на, како што се тврди, најголемата џамија на Балканот. Мегаџамија се планира да се гради и во Нови Пазар, Србија. Голема џамија исто така се гради во Сараево, БиХ, при што и за неа се наведува дека ќе биде меѓу најголемите на Балканот бидејќи ќе се простира на 4.500 квадратни метри. Но, и таа ќе биде комплекс што ќе вклучува и административни простории за Ријасетот на ИВЗ на БиХ. Во Сараево веќе постои една од најголемите џамии изградена како донација на саудискиот крал Фахд, по кој е и наречена.

Пред неколку месеци медиумите во Србија објавија дека во Белград, пак, ќе се гради најголемата џамија на Балканот во рамките на проектот „Белград на вода“, кој го финансираат Обединети Арапски Емирати. Според пишувањата, градбата на џамијата било услов да се финансира овој голем проект. Темелите за една од најголемите џамии на Балканот се поставени и во Тирана, Албанија.
http://dnevnik.mk/?ItemID=41EF4F6C9DF7B544AEE44EC8EFAD55FB

Од фејс ми е сликата би требало да се работи за црква Свето Преображение на тромеѓето наречено Фојник помеѓу селата Брест, Требовле и Косово општина Македонски Брод.
Црквата според фотографијата има преубава местоположба.

Еве ја лоцирав црквичката https://goo.gl/maps/ht8Zi


Edited by kultuzin - 23-Jul-2014 at 01:57