Споменици и скулптури (општо)

За Скопје да се нарекува метропола (од европски тип, не афрички), многу работи треба да се направат, донаправат.

Регулирање на растот на градот.

Креирање на разумен ГУПи ДУПови. Урбаното планирање да се свати сериозно.

Целосно менување или проширување на јавниот транспорт. Скопје со својата големина и густина, воопшто не треба да се опслужува со автобуси. Тука е потребно друг посуфистициран електричен тип на транспорт (метро, ЛРТ, тролејбуси, евентуално транвај..)

Подобрување на притисокот на вода. Значитело подобрување на атмосферската и фекалната канализација.

Рагулирање на загаденоста на градот (во која сме лидери).

Пропишување на квадратни метри зеленило по глава на жител и зачувување на тоа што го има.

Енормно подобрување на велосипедската инфраструктура (моментално ужасна) и тротоарите.

Подобрување на квалитетот на коловозите.

Зголемување на бројот на паркинг места, особено во центарот.

Целосно подобрување на чистотата на градот. Селектирање на отпад итн.

Подобрување на еден куп фасади низ Скопје. Како од енергетско-ефикасна страна така и од визуелна.

Значи многу треба да се направи, многу пари треба да се вложат разумно за Скопје да заличи на метропола. Вака може да се фалиме дека сме подобри од Тирана и Приштина. Големиот успех. Дури и едно Сараево со сето претходно минато е подобро во некои работи.

Ако КРАЛЕ мислиш дека, со „истурање“ на дузина споменици и креирање на лажна историја преку наколку фасади во центарот, каде патем навистина мириса на фекалии (кафанџиите ги покриваат шахтите на ул. Македонија за да не им смрдеи на муштериите) и поставување на кочија и кинески електрични возила за разгледување на „знаменитостите“ се станува метропола, целосно се лажеш.

Патем да не бидам целосно погрешно сватен. Во последните 10 години трансформацијата на Скопје е евидентна (како што е евидентна во негативна страна низ сите останати градови низ Македонија). Но тоа не значи дека Скопје е подобрен град. Напротив моментално Скопје е пренаселен, презагаден град со затната канализација при најмал дожд, и град со целосно уништена визура и идентитет (буквално ни се смеат странците).

Единствени работи што реално придвижени кон метрополизација на градот би бил поновиот аеродром, малку подобро уредените зелени површини (особено во средина на булеварите), почеток на вградување на нови конејнери за ѓубре... Возниот парк на јавниот транспорт ако е нов не сметам дека кинески и украински крнтии придонесуваат кон метрополизација на градот.

Со толку многу потрошени пари во последните 10 години за Скопје, како за СК14, за автобуси, стадиони.... (буквално во милијарди) се постигна само пренаселување на градот и унишѕување на внатрешноста, креирање на град од тип на азиска метропола (има доста такви низ државите -стан).

Ако нешто навистина не прави метропола според мене моментално е тоа што имаме 3 клуба во ЛШ во ракомет

Originally posted by Petar Skopje Само човек кој не излегол од Македонија може да мисли дека Скопје е метропола.

Предмет на дискусијата е Скопје или јас, ако мене ме прашуваш, и порано сум спомнал дека сум живеел во една Европска држава, но тоа не ми дава за право дека моето мислење е повеќе меродавно заради тоа од твоето, или од било чие друго. Мојот престој со години во милионски град не ми дава за право да потценувам, или да негирам друг став, ставот го градам врз база на моето образование, искуство, реализирани проекти и конечнио и најважно мојот личен вкус и перцепција.
А за Скопје, да Скопје стана метропола, и многу сум среќен заради тоа.

Само човек кој не излегол од Македонија може да мисли дека Скопје е метропола.

Соц реалистичните згради, запуштените паркови, гнасните улици со старата коцка, полуасфлалтираните тротоари, гнасотилакот од другата страна на Вардар, искршеното плато пред МНТ, калдрмата пред Министерството за Транспорт, јавните (диви) тоалети, мрачните пасажи, купиштата од флаши и шприцови се минато.
Многу пешачки зони, многу плоштади, репрезентативни градби, мостови, убави улички, интересни фасади, но најважно од се полни со луѓе. Tiananmen Square прерасна во инпозантно место за уживање на Скопјани и туристи.
Луѓето ја препознаа ренесансата, преполни се плоштадите со луѓе излезени да се прошетаат по нив и по ул Македонија, уживаат со своите семејства, партнери или пријатели. Преполниот центар, среќните лица, новата инфраструктура, подобрената хигиена и архитектурата во подем, го прават градот тоа што е. Се надевам дека не мислиш дека и луѓето уживаат низ центарот по партиска задача.

Репрезент на ѓубрето, узурпирани јавни простори, булевари без тротоари и пешачки зони..Тоа е метропола?

Originally posted by Petar Skopje

Вака ти е поефикасно.

Првпат во мојот живот, а не сум млад, можам да си дозволам да кажам дека е метропола. Од касаба, преку соц-реалистичен град полека израсна во репрезентативен главен град на нашата Македонија.

Originally posted by stratus А ти Крале што предлог имаш? Вака е се во ред?

Немам предлог, јас гледам напред, секогаш кога се вртам назад се сопнувам. Малиот ринг е таков каков што е, и јас не се согласувам со се што е направено, но направено е, процесот се заокружува за неколку месеци. Можело подобро, можело поинаку, секогаш може, ама сериозни луѓе никогаш не би зборувале за рашетување на споменици, рушење на фасади, згради и мостови, палење на бродови, тоа е утопија. Реалноста е дека нашето Скопје, срцето на градот доживеа сериозна трансформација и преобразба, доби нов лик, стана метропола. Оваа парче земја кое е реконструирано не е ниту една пеесетина од целиот град, Скопје не е само Мал ринг, Скопје е многу повеќе. Можеби за 20, 30 или 50 години пак ке се ремоделира центарот на Градот, постојат циклуси на урбаното живеење, новите цивилизациски придобивки бараат и нови урбанистички решенија. п.с. Се извинувам ако пак те изнервирав.

Edited by King - 16-Oct-2015 at 19:37

Еве за само два дена имаме 10 различни предлози, кој споменик каде би се преместил, кој да се урне, а кој да остане, трети да се претопат... Десет теории, студии, размислувања и идеи, сите различни, десеторица од форумов си имаат свој план за секој споменик, нема универзална идеа за поставката на веке поставените споменици. Универзална е само идејата дека треба да се шетаат спомениците.