Верски објекти (општо)

Бигорски го разбуди Битуше


Иако се работи само еден месец, караулата полека почнува да наликува на древните манастирски конаци на Бигорскиот манастир, кој се наоѓа отспротива на Бистра планина


Старата караула архитектонски ќе наликува на Бигорскиот манастир

Мирот и спокојот во подножјето на Крчин Планина веќе еден месец се прекинува со звукот на мистриите и лопатите на вредната тајфа велешки мајстори. Со полна пареа ја реконструираат старата напуштена караула во селото Битуше, која наскоро ќе прерасне во вистински манастирски конак. Заедно со црквата, чии темели беа удрени неодамна, ќе се дел од манастирскиот комплекс Св. Кирил и Методиј" скит на Бигорскиот манастир. Една од намените на комплексот ќе биде летен камп за православна веронаука за деца.

Двокатната војничка зграда каде што последниот војник замина откако полицијата ги презеде ингеренциите за гранична контрола со години беше празна и напуштена, па како што се случува со се што нема стопан, на неа останаа само ѕидовите. Ја празнеле кој како ќе стигнел. Мајсторите велат дека просториите биле буквално соголени. Но, сега, иако се работи само еден месец, караулата полека почнува да наликува на древните манастирски конаци на Бигорскиот манастир, кој се наоѓа отспротива на Бистра планина.
- Работиме многу, но се е тоа без умор. Знаете, кога се работи на вакви благословени објекти, работата ни е како уживање. Ако на тоа се додаде мирот и спокојот што владее, потоа и убавиот збор на мештаните, кои се радуваат на се што се работи... Навистина, работата убаво ни оди - ни рече главниот мајстор.

Бидејќи не бевме претходно најавени, тој најпрво побара благослов од архимандритот на манастирот, отец Партениј, па потоа не покани внатре во објектот за да ни покаже што е се сработено. Внатрешниот дел на објектот е речиси целосно реновиран. Електричната и водоводната инсталација се изградени, извршено е и проширување на првиот кат, а почнато е и преградувањето на балконите. Ни појаснија дека изградбата е според стандардите за енергетска ефикасност.

Наскоро, велат мајсторите, ќе почне и отстранувањето на кровната конструкција и објектот ќе порасне за еден кат. Тие ни открија дека доколку се оди според предвидената динамика, би требало зградата до септември да биде пуштена во употреба.

Посебна градба што уште повеќе го оплеменува местото ќе биде црквата посветена на македонските просветители, светите Кирил и Методиј, на која неодамна со голема црковна церемонија беше удрен камен-темелник. Храмот се гради на иницијатива на архимандритот Партениј, а со донација на семејството Џиковски од Скопје.

Отец Партениј, кого го слушнавме телефонски, ни потврди дека овој објект ќе биде детско верско одморалиште, место за одмор и верска едукација на најмладите. Престојот ќе биде бесплатен за сите.
- Ретки се местата како што е Битуше каде што штедрата рака на Творецот излеала посебна убавина и несекојдневна енергија. Со Божја помош тука наскоро ќе се слуша детски џагор и целото место ќе заживее. Домот ќе биде отворен преку целата година, па поради климата и острите зими, овде планираме да ангажираме домаќини - брачен пар кој ќе се грижи за објектот. Битуше е прекрасно село, а мештаните многу срдечни. Затоа, наша намера за понатаму е да инвестираме и во реконструкција на старото училиште, кое би можело да биде одличен музеј на мијачката и реканската традиција - ни најави отец Партениј.

А задоволни се и битушани што во нивното село никнува еден таков прекрасен манастир. Сега тие веќе гледаат како се оплеменува и еден дел од селото се претвора во детски верски центар. Особено се горди на црквата, која е посветена на сесловенските просветители, патрони на образованието и просветните работници. И не без причина, бидејќи Битуше некогаш беше познато село на учители. Сите битушани со гордост ќе ви кажат дека во еден период по Втората светска војна од ова село имало седумдесетина дипломирани учители кои работеле во училиштата низ реканскиот и мијачкиот крај. (Е.А.)

Практична настава во Бигорски и Рајчица
И деца од други религии се запознаа со Христовото учење



Четириесетина ученици од Центарот за православна христијанска веронаука Св. Јован Богослов" од Битола, предводени од нивните вероучители, биле дел од неколкудневната летна школа во манастирите Св. Јован Бигорски" и Рајчица". Ова е една своевидна подготовка, дел од програмата на бигорскиот скит Св. Кирил и Методиј" во село Битуше, каде што во иднина ќе се одржуваат ваквите летни катихетски кампови.
-Во неколкуте изминати денови исполнети со радост и веселие децата имаа можност преку личен опит добро да се запознаат со животот во манастирот; ги посетуваа светите богослужби, земаа активно учество во нив и заедничареа со Христа, причестувајќи се со Неговите Свети Тајни; работеа на разни послушанија заедно со монасите и монахињите, учеа византиско пеење и секако, ги збогатуваа своите знаења за нашата православна вера на редовните часови по веронаука. Радоста која се отсликуваше на нивните лица, љубовта што ја ширеа насекаде беше најсилно сведоштво за нивното задоволство од срдечниот и гостопримлив престој во манастирот - вели отец Кирил. Тој додава дека на школата присуствувале и деца од друга религија кои уживале во вероучението и заедничката дружба со монасите и монахињите. За тоа, вели отец Кирил, говорат и нивните лични впечатоци. Дванаесетгодишната Валдета Лумановска изјавила: Мили сестри и отец Партениј! Јас сум од друга религија, но многу ми се допадна пеењето на црковни песни и обредите во црквата. Од нив научив да ширам мир и љубов кон сите мои другарчиња, иако се од друга религија. Вие бевте добри кон нас. Ве сакам". Слични импресии имале и сите останати ученици.

Школата се одржала со благослов на митрополитот преспанско-пелагониски, г. Петар, игуменот на Бигорскиот манастир, архимандрит Партениј, а со поддршка на хуманитарната организација Утешител".

http://vecer.mk/?ItemID=7D1AF82DEEE355478405487E13172007

Денес бев до Маврово, па ја фотнав новата црква...

DSC04599 by george k. 1981, on Flickr

DSC04602 by george k. 1981, on Flickr

DSC04610 by george k. 1981, on Flickr

DSC04606 by george k. 1981, on Flickr

DSC04607 by george k. 1981, on Flickr

Црквата беше заклучена, па не можев да влезам и да ги видам фреските и иконостасот, ако воопшто ги има. Вратата е резбана со ликови на светци.

DSC04604 by george k. 1981, on Flickr

Edited by Џоле - 13-Jul-2014 at 20:17

Еве ја ЦИЦ-Паша Џамија, алал бакшиш што се вели, дадено исполнето ветување на актуелниот градоначалник на Куманово Зоран Дамјановски ЦИЦ од меѓу двата круга за избор на градоначалник на Куманово кон Албанскиот електорат. Минарето се гради. Инаку, неврзано за градбата, вчера околу пладне, од звучниците ечеше некое дете, ги викаше верниците на молитва.

Да се разбереме ова е само едно од "ветувањата", дознав од сигурни извори дека првично барале џамија во градска средина, ама после "тешки" преговори договорено е да се изгради оваа, и да се помогне за иградба на онаа во Черкези.




Се извинувам што е слаб квалитетот, ама ќе си ја видите од десна страна кога по Александар Велики ќе одите на север, или ќе си ја слушнете...

Еве ви координати,   42°11'31.65"N , 21°42'42.03"E.

Originally posted by Џоле Не знам како се вика, но е покрај Музеј на Македонија. Не знаев дека бесправно била урната, но ја памтам без минаре од пред неколку години.

тука имаше рушевини од старата џамија изградена уште во турско, и ако не грешам, тие беа заштитени како културно наследство
е сега што и како се случи, не знаеме, ама кај нас обично не владеат закони, на истата локација се доизгради џамијата и почна да функционира во религиозни цели, а не се знае колку е веродостојна, и не се знае како тоа државата одеднаш не е сопственик на истата, што е и логично

Не знам како се вика, но е покрај Музеј на Македонија. Не знаев дека бесправно била урната, но ја памтам без минаре од пред неколку години.

Во скопска чаршија, неодамна реставрирана (мислам дека пред неколку години, 2-3, беше изградено и минарето). Баш убаво се вклопува во околната архитектура.

Skopje by cinxxx, on Flickr

The exterior restoration of this church - Sveta Bogorodica Perivlepta, Ohrid - really turned out well.

06/17





Edited by macedonia - 29-Jun-2014 at 18:32

ХАФИНГТОН ПОСТ: МАГИЧЕН ВЕРСКИ ОБЈЕКТ
И животните вљубени во црквата „Св. Никола“ во Маврово (ФОТОГАЛЕРИЈА)
Една од најмистичните цркви во земјава постојано воодушевува со својот изглед, како и со борбата за опстанок. „Св. Никола“, која се наоѓа во самото Мавровско Езеро, постојано предизвикува воздишки кај сите што ќе ги наведе патот накај Маврово. Неодамна, и престижниот портал Хафингтон пост ја смести оваа црква на листата на најмагичните верски објекти во светот.
За црквата, која беше потопена во 1952 година, беше презентиран и проект за заживување, обнова и заштита.

Пред да биде потопена, вредниот иконостас и другите предмети од црквата беа спасени и конзервирани. Изградена е во 1850 година и конципирана како трикоробна црква со петстрана апсида, кула камбанарија и иконостас изработен од Дичо Зограф, прочуен мајстор-зограф од реканскиот крај.

Она што посебно воодушевува е што останатите градби, кои се наоѓале околу објектот, одамна се срушени. Само „Св. Никола“ сè уште ѝ пркоси на водата.

Оние денови, кога водата од езерото е повлечена, верниците можат и да ѝ се доближат.

Сепак, луѓето не се единствените суштества што уживаат да бидат во присуство на овој интересен објект. Неретко, тоа го прават и животните.


http://www.mkd.mk/makedonija/i-zhivotnite-vljubeni-vo-crkvata-sv-nikola-vo-mavrovo-fotogalerija#2

Вчера поминав покрај паркот Бановина (оној со фонтаните и убавите куќарки што го направи Коневски на Островска) и видов дека и таму изградиле црквичка или параклис како и да е !

Imame ja, pogledni dlaboko nazad..