Мост кај МНТ (првично планиран со Панорамско трк.)

Originally posted by skopskodete А дали ќе се најде начин од десната страна на Вардар да продолжува патеката (непрекинато со асфалт), од мостот кај Холидеј Ин до Парк?

Вчера возев по „ослободениот“ Кеј и е ок за возење. Вреди да се вози внимателно, има некои делови кои се троa раскопани, нешто е со калдрма, а на едно место има само тесна рампа покрај ѕидот (за малку ќе ја промашев ) a другото се скали. Ми се чинеше како да е и изметено од срчи, ама сигурно па ќе се насоберат ако не се одржува. А може и да не сум ги приметил пошто беше на самрак.

фото: vecer.press

Неверојатно грдо изгледа мостот поради трите „трафики“ и плус на нив поставените клими, кога се гледа од мостот на бул. Гоце Делчев .

Пуштен ли е во употреба мостот? Ако не официјално, барем дали може да се поминува преку него или се затворени влезовите?

Дали е прооден делот на кејот под мостот за пешаци и велосипеди ?

И сега пуштен е или не е?

Јас мислам дека мостов го поврзува левиот и десниот кеј на р. Вардар кај МНТ.

НАМЕСТО ПАНОРАМСКО ТРКАЛО НА МОСТОТ НА ВАРДАР ПОСТАВЕНИ ТРАФИКИ ЗА ПРОДАВАЧИТЕ НА КНИГИ ОД ПЛОШТАД МАКЕДОНИЈА



После 6 години откако почна да се гради мостот на кој требаше на има панорамско тркало, тој конечно е готов и до крајот на месецов откако ќе добие технички прием ќе биде пуштен во употреба. Со тоа конечно и кејот на реката Вардар ќе биде прооден за пешаци и велосипедисти откако во 2014 година беше заграден заради градежните работи.

На мостот го нема панорамското тркало, но поставени се три трафики кои како што објаснува градоначалникот Петре Шилегов ќе биде наменети за продавачите на книги кои ќе се дислоцираат од Плоштад Македонија.

„Бидејќи не се гради панорамското тркало, доколку не се постават таков вид на објекти тогаш ЈСП ‘Скопје‘ ќе треба да ДДВ од околу 1,2 милиони евра, што е неоправдан трошок особено во време на пандемија. Тие објекти ќе бидат намените за продавачите на книги кои ќе ги дислоцираме од Плоштад Македонија, со што ќе им овозможиме да ја вршат својата дејност во затворени објекти“, вели Шилегов.

Мостот на кој што според проектот требаше да стои панорамско тркало почна да се гради во 2014 како дел од проектот Скопје 2014“ на тогашната власт на ВМРО-ДПМНЕ. Град Скопје тогаш проектот го предаде на ЈСП „Скопје“, а пари покрај од буџетот на Градот се обезбедуваа и преку донации од Агенцијата за електронски комуникации. Според договорот со ГП „Бетон“, изградбата требаше да чини 18 милиони евра.

Со доаѓањето на градоначалничката функција на Петре Шилегов градежните работи беа стопирани. Во април 2018 Шилегов кажа дека одлучиле мостот од проектот „Скопје 2014“ да не се урива, туку да се догради без панорамското тркало и да биде пешачки премин. Град Скопје и изведувачот ГП „Бетон“ постигнаа договор мостот да се догради по пониска цена од онаа во првичниот договор, односно наместо 7 милиони евра, Градот да доплати 3,1 милиони евра. Претходно, на изведувачот му беа исплатени 10 милиони евра. Беше направен и нов проект според кој мостот нема барокни елементи, туку поставена е проѕирна ограда за да се гледа Камен мост.

https://sdk.mk/index.php/dopisna-mrezha/namesto-panoramsko-trkalo-na-mostot-na-vardar-postaveni-trafiki-za-prodavachite-na-knigi-od-ploshtad-makedonija/

Денес е пуштен во употреба пешачкиот мост меѓу Камениот мост и мостот Гоце Делчев кој ќе ги поврзува еврејското маало со сквер Јадран и градскиот плоштад.
Овој мост според замислите на нашите претходници требаше да биде ултра скапо, 50 метри високо панорамско тркало со стопи во коритото на Вардар, кое фрла огромна сенка врз центарот на градот. Овој мост не требаше да го шетаат поминувачите низ центарот на градот, туку само да служи како рампа за пристап до панорамското тркало. Панорамското тркало го градеше ЈСП (со пари од АЕК) и требаше да биде досега најголемата инвестиција на сообраќајното претпријатие. Поголема од било која досегашна набавка на автобуси. Требаше да чини 20 милиони евра пари на граѓаните со кои можеа да се купат уште најмалку 70 еко автобуси на гас како оние што ги набавивме годинава.









https://www.facebook.com/p.shilegov

Ќе ги рушиме галиите во коритото и билбордите од тротоарите, за да на крај поставиме трафики на мост?!              Ете колку се искрени властите во намерите да ги ослободувале пешачките и велосипедските коридорите за граѓаните. Објективност 0 (нула) само е битно "од мене, од нас да е макар и од кал да е", ако е од "друг, претходниот" тогаш е сељачко и просто, а во суштина нема никаква разлика. Лажна грижа!