Цени на станови

Golden Art 4* 1250e/m2
Fabrika Karpos na Pandil Siskov Aerodrom 1450e/m2

ДАЛИ ДА СЕ ЗАТВОРИ СКОПЈЕ ЗА ДОСЕЛУВАЊЕ? Ова не е градежништво, ова е профитерство и создавање урбанистички хаос!

Дали цените на становите во земјава ќе растат и годинава ќе зависи од побарувачката и од односот на сопствениците на градежни парцели и на инвеститорите. Во Скопје, дополнително на цената на квадратот ќе влијае и намалувањето на атрактивни локации за градење.

Сопствениците на градежни парцели бесрамно профитираат од ваквата состојба, велат познавачи на состојбите и градежници. Тие очекуваат стабилизирање на цените на ниво повисоко за 20 отсто во однос на годините пред пандемијата, но притоа треба да се реши и урбанистичкиот хаос што владее во Скопје.

– Очекуваме цените да бидат одраз на пазарот и да се стабилизираат, но на повисоко ниво од она што го имавме пред пандемијата, за околу 20 отсто. Цените на градежните материјали веќе се стабилизирани, но затоа повисоки се трошоците за комуналиите за околу 50 отсто. Тоа влијае на цената на становите. Дополнително, имаме висока побарувачка, а намалена понуда на квалитетни станови. Некои инвеститори, кои немаат ништо со градежништвото, сакаат да профитираат и затиоа се нудат екстремно високи цени – вели Андреа Серафимовски, претседател на Здружението за градежништво на Стопанската комора.

Не фрлајте пари, купувајте квалитет!

Има инвеститори коишто ја користат високата побарувачка на станови и во некои региони, како на пример во општина Центар, нудат станови со екстремна цена од 2.500 евра за квадрат, која реално не соодветствуваа на квалитетот. Ние немаме информација дека таква цена е наплатена за некој станбен објект, но кружат информации за тоа. Забележани се и екстремно високи проценти на отстапување на квадрати на сопственици на земјиштето во однос на периодот пред пандемијата, кога највисокиот процент беше 25 отсто, а сега надминува 35 отсто. Мислам дека сето ова ќе се надмине во наредниот период и очекувам конечно граѓаните да разберат дека треба да купуваат квалитетен стан – вели Серафимовски.

Архитектот Никола Велковски, кој е и поранешен градски архитект на Скопје, вели дека градежниците веќе немаат оправдување да ја зголемуваат цената како резултат на високите цени на струјата и на градежните материјали.

– Сега главен збор ќе има побарувачката на станови која расте во последните години, како резултат на кризата. Граѓаните сметаат дека вложувањето во недвижнини е добра опција. Скопје и Охрид се избираат како најповолни градови. Секако, на цената на станбениот квадрат влијае и високиот раст на цената на градежните парцели, односно желбата на сопствениците на овие парцели да профитираат од фактот што во Скопје веќе нема атрактивни места за градење – вели Велковски.

Време е да се отвори Генералниот урбанистички план

Токму односот на сопствениците на парцелите и на градежните компании е причина за порастот на цената на становите во Скопје од 18 отсто за трите квартали лани.

– Порано, за изградени 1.000 квадратни метри станбена површина, на сопственикот на градежната парцела му се отстапуваа 250 квадратни мети. Сега, во Скопје, на сопственикот му се отстапуваат дури и 40 отсто од изграденото. Тоа директно влијае на цената на квадратот што ќе ја платат граѓаните кои ги купуваат останатите станови. Ова ќе потрае и во наредниот период, бидејќи во Скопје веќе нема атрактивни градежни локации – вели Велковски.

Според него, урбанистичкиот хаос и профитерство во градењето, посебно во Скопје, може да се спречи. Со урбанизмот во Градот не смеат да управуваат сопствениците на градежни парцели. Таа улога да ја преземат урбанистичките власти, преку воведување на критериумот јавен интерес и квалитет на урбано живеење на прво место.

– Aко тоа не се случи, урбаниот хаос ќе го задуши градот. Време е да запре практиката на секоја катастарска градежна парцела да се гради објект, Време е да почне да се планира изградба на еден објект на повеќе парцели, со што би се пропишале и исполниле сите критериуми за урбано живеење, што подразбира освен и паркинг простор, зеленило, објекти за одмор и рекреација, градинки, училишта … Тоа може да се направи со отворање на Генералниот урбанистички план за Скопје и секако со почитување на мислењето на стручната јавност, кое досега го немаше – вели Велковски.

Скопје мора да стане затворен град

Според него, урбанистичките власти треба да размислуваат да го затворат Скопје за доселување, што подразбира воведување критериуми кој ќе може да се досели во градот.

– Скопје веќе нема инфраструктура да го издржи ова зголемувањето на жители. Нема јавен превоз, нема доволно објекти за сместување и образование на децата, за спорт и рекреација, а за зеленило и да не зборуваме. Да бидам појасен, оваа состојба на отворени градови ја имаа скоро сите градови, но потребата да се направи град хуман за живеење е да се почитува јавниот пред приватниот интерес и Скопје да стане затворен град, како што тоа веќе го направија повеќе градови кои се соочија со ваква состојба многу пред нас – вели тој.

Ова не е нормално – 4 од 10 станови во Центар се празни!

Според податоците на Народната банка, лани цената на становите пораснала за 18 отсто. Раст на цените имало во сите четири квартали од годината. Во првото тримесечје цената пораснала за 12,4 отсто, во второто за 16,5 отсто, во третото за 21,2 отсто, а во последното тримесечје за 20,6 отсто.

Податоците од пописот покажуваат дека една третина или 307.187 станови се празни, што говори дека се купени од луѓе кои своите пари одлучиле да ги вложуваат во недвижнини. Од скопските општини најмногу празни станови има Центар – 10.865 или над 40 отсто, а најмалку празни станови има Чаир – 22,5 отсто од вкупно 17.771 стан.

Според податоците на агенциите за недвижности, цените на становите се движат од 1.800 до 2.200 евра за квадратен метар во центарот и околу центарот на Скопје. Под 1.100 евра веќе и да нема станови на продажба.

https://plusinfo.mk/dali-da-se-zatvori-skop-e-za-doseluva-e-ova-ne-e-gradezhnishtvo-ova-e-profiterstvo-i-sozdava-e-urbanistichki-haos/

Originally posted by <Fresno> Точно, тоа ќе направи извесен притисок за надолна корекција. После тоа ќе следува намалена заинтересираност за градба (инвеститорите и сега имаат проблем со добри локации и работна сила) и така намалената понуда ќе ги притиска нагоре цените. Краен резултат, исти цени, очаен па дури и намален избор, негативен ефект на БДП.

Изборот на локации може да биде корегиран со соодветно урбанистичко планирање. На пример целосна експропријација по кваротви како маџир маало, проектирање од ново, па продажба на инвеститори. А не само следење на на градежните "линии", односно сокаците останати уште од турско.

Работната сила нема врска со оданочување на стамбен простор. Ако го има тоа како појава, скеако ќе го има и со сегашните даноци.

Разговараме како да направиме да стамбен и деловен простор на не сјаат празни. Единствен начин е фиктивно да му товариме трошок (ткн данок), за да се стимулира негово или изнајмување по пониска цена или продавање од страна на сопствениците кои не го користат, без разлика дали тоа се првичните инвеститори или некој кој го купил. Имот да почне да се користи како имот, а не како мртов капитал.

Originally posted by Leo Originally posted by Machiavelly Ете една вест, таман како за големите романтичари... Прдажобата на станови во Скопје намалена за 27% https://vecer.mk/makedonija/prodazhbata-na-stanovi-vo-skopje-namalena-za-27/?fbclid=IwAR1UZEbD_qtqmAvqMOGbAxd78hKja-obiA4kqaJ_9DMffnb2_kvfMT5ggM4 Попрецизно објаснето, тоа се 420 згради од по 10 ката кои стојат празни. Како што дознаваме, 30.000 стана се наоѓаат во Центар, Карпош, Кисела Вода и Аеродром. -------- Прочитајте ја уште еднаш реченицата "420 згради со по 10 ката зграда"... Ќе биде интересно издувување ... Wow колку сеопфатна статија    Инаку 420 згради од по 10 ката не се изградени вкупно изминатите 10тина години во Скопје. Знам дека има многу завршени станови кои се невселени , неиздадени , непродадени па и недоградени и секако доста кои се градат ама ова 30-40К станови дека стојат празни...

Другаре, изградени или неизградени, ова се официјални бројки, на завод за статистика. Центар 40% од становите празнотија. Така да, статијата си е таман. И тие 420 згради се тука околу нас, очигледно. Без разлика на кој како му одговара, бројките на трансакции убаво ќе си кажат што следи...

Во понудата не влегуваат само становите коишто би се изградиле, туку, и овие 30-40К што онака си зејат празни и тој број се зголемува.
Во овој момент на нестабилност тоа не е така но не и за долго, едноставно нема да постои економска логика да бидат празни... па така мн од нив ќе бидат ставени на пазар...

Збориме 30-40К... не постои друг град од тие европските метрополи што тука се споредуваме, што има ваква бројка на празни станови. Можеби има во Зимбабве, но во Европа сигурно нема.

Трендот на пад од 27% на трансакциите за купување на недвижности мн го отсликува тоа што следи - нема интерес на пазарот.

Не купувајте стан во брзо време, не им верувајте на градежната пропаганда, цените ќе имаат само надолен тренд и тоа веќе средина на оваа година ќе биде забележано...

Само висок данок на имот е решение, ништо друго! Само тоа може да створи притисок на неколку точки:

1. инвестирање во станови да не се користи како начин за замрзнување на капиталот. Немајќи во што попаметно да се инвестира во ова труло општество, луѓето со секоја приобрана пара купуваат станови гарсоњери, за да ја замрзнат вредноста на тоа што до тогаш го заработиле, макар и да не го издаваат, макар и да седи празен.

2. Притисок кон инвеститорите да не им седат становите непродадени.

3. Прилив кон општинските буџети кои сега се ионака празни.

Originally posted by falseaction Ја стварно не знам од каде ти идеа дека 110 квадрати лукс стан во нова зграда со гаражно место и паркинг место вреди 150к. Па на другар татко продаде стан во староградња 120 квадрати во Аеродром за за 1400 по квадрат, а комшија своето гаражно место за 12к. Лугето морат да сватат дека Скопје не е главен град на афричка држава него на европска, станови за ич пари барај у Зимбабве. Да не споменуваме дека е моментално голема инфлација.

Бараше мислење за цена и јас си го искажав своето мислење.
Ако планираш да го продаваш огласи го станот колку што си го цениш и дај боже да му земеш и 200К евра.


Edited by Leo - 11-Dec-2022 at 18:22

Originally posted by Tooold Последнава година цените отидоа до небеса 1400 на не толку атрактивни локации пример кај Ремедика, К. Вода 1500-1700 Аеродром, стар Аеродром, Карпош 2000 Центар Ова веќе е лудило, дали некогаш ќе спласнат цениве од досегашно искуство-тешко. Никогаш не паднале цени

Навистина еј. Во Ѓорче, на 1.5км до излез од Скопје 1200+ квадрат. Хром-Влае 1300-1400... луди цени.

Originally posted by Leo Originally posted by falseaction Здраво, имам стан во Аеродром од 110 квадрати во нова зграда екстра лукс наместен, односно дизајниран од страна на Дизајн Фантазија (Само седмоседот кошта 7000€). Станот поседува подземно гаражно место, паркинг место и подрум. Ме занима за колко можам да го продадам по €/м2 Големите станови губат по основ на цена за 1м2 бидејќи се со многу помалку потенцијални купувачи и можно е да го продаваш со години... 120К евра ако сакаш одма да фо продадеш 150К евра ако не ти се брза и можеш да го продаваш 2-3 години Реално би одел некои 135К до 140К евра

Абе какви 120k € , па толко е скоро платен во 2017. Испод 220k € не би го дал. Во Аеордром празни станови во стари згради идат по 1400€/м2 а новоизградените празни и до 2000€/м2.

Една третина од новите станови се непродадени, но важно се гради

Изградбата на станови се покажа отпорна на неповолното влијание на пандемијата.
Според Пописот една третина од становите се празни, но спротивно на логиката расте бројот на одобренијата за градба и цените.
Општините ова го гледаат како најлесен начин за прибирање на средства во буџетот.
Квадратен метар го чини инвеститорот до 1 250 евра, а се продава по 2 200.
Профитот во градежништвото е пред јавното добро и хуманото живеење.

И светот да запре, мешалката за бетон никогаш нема да престане да врти. Гледано низ призмата на инвеститорите секој слободен простор, особено во главниот град, е маркичка за градење во најава. И додека се бројат изградените станови, населени или празни – првата лопата веќе „се фрла“ во темелите на иден објект кој ќе значи нови квадратни метри станбен простор. Статистиката покажува дека иако на пазарот има голем број непродадени станови, расте бројот на одобренијата за градба, а растат и цените – нешто што е спротивно на основното економско правило дека пазарот ги одредува цените преку понудата и побарувачката.







Колку чини еден стан?

Никола Велковски од Здружението за градежништво при Стопанската комора на Македонија за „Само прашај“ сумира дека ако се соберат сите трошоци на инвеститорот, еден метар квадратен во поцентралното градско подрачје би чинел најмногу од 1 200 до 1 250 евра. Тука влегуваат цената на земјиштето со цена од 350 до 550 евра по метар квадратен (во зависност од локацијата), комуналиите во Скопје, кои во зависност од реонот на градба се од 80 до 120 евра по метар квадратен, евентуално отстранување на постојна градба на парцелата и градбата на објектот по систем „клуч на рака“ (според стандардот на вградените материјали), од 450 до 550 евра по метар квадратен.

Во агенциите за недвижности цените на становите се движат од 1 800, 2 000 до 2 200 евра за метар квадратен во центарот и во прстенот околу центарот на Скопје. Како што се оди подалеку, така и цените паѓаат и во општини подалеку од центарот е околу 1 100 евра за квадратен метар.

Според агентот за недвижнини Диме Јованов причината за ваквата нелогичност е што статистиките на институциите не ја отсликуваат реалноста во целост. Односно, на хартија стои дека станови зјаат празни, а реално не може да се задоволи побарувачката. Особено по двегодишниот застој поради пандемијата.



https://samoprasaj.mk/naacik/edna-tretina-od-novite-stanovi-se-neprodadeni-no-vazno-se-gradi/