Јавен автобуски превоз - Прилеп

Во град во кој такси превозот е бадијала (најчесто 30-50 ден) тешко ќе функционира автобуски превоз (билетот ќе треба да биде 10 ден за некој воопшо да се качи).
Мене ми мириса на опцијата такси превозот за поскапи како во Скопје за едно 150%, па автобусите да бидат полни.

Edited by vlatko.mk - 01-Feb-2013 at 01:17

Општина Прилеп ќе добие градски превоз Четврток, 31 јануари 2013 15:07 За прв пат во Општина Прилеп ќе започне да сообраќа организиран градски превоз што ќе ја покрива територијата на градот и населените места. Носител на овој проект е ЈП за ПУП кој воедно и ќе го имплементира, а се очекува да започне во првото тромесечје од оваа година. Локалната самоуправа има постапка за набавка на пет модерни автобуси кои ќе се движат по планираната траса, а воедно предвидено е и опремување на постојките на кои ќе има електронски табли за информации на корисниците. Имплемeнтацијата на овој проект подразбира целосна подготовка на сообраќајните коридори, а не е исклучена и опцијата да бидат вклучени и јавните превозници по теркот на јавно приватно партнерство. Градоначалникот Марјан Ристески рече дека за почнување на градскиот превоз Општината од својот Буџет издвои повеќе од 6.000.000 денари, што ќе бидат употребени наменски, а за доопремувањето и одржувањето кое ќе следи тековно ќе биде обезбедени и дополнителни средства. Во зависност од потребите на овој проект Општината ќе инвестира и други додатни инвестиции кои етапно ќе бидат предвидени. Се очекува градскиот превоз во голема мера да ја олесни комуникација на граѓаните и воедно да им овозможи на сите граѓани поедноставно и поекономично решение. Copyright 2013 makfax Сите права се задржани. Текстот не смее да се печати или емитува, во целина или во делови без договор со Мakfax.

http://www.tera.mk/aktuel/opshtina-prilep-kje-dobie-gradski-prevoz

ЈП за ПУП = Јавно претпријатие за просторни и урбанистички планови

Не ми е јасно зошто повеќе градови не прибегнат кон ова решение... А, чекај, јасно ми е - бидејќи не се заинтересирани за суштинско решавање на проблемите, туку само сакаат да местат тендери за автобуски линии и да не им ја земаат работата на дивите таксисти! Се надевам дека ќе одат до крај со свои автобуси, а не со некои приватници.