Деловно-гаражен објект Импексел

Така значи....Катна гаража на проект, паркирање на 7 ката, а за извесно време пренамена во деловен простор а паркирањето...можеби едно подземно ниво и тоа комбинирано со други содржини?! Којзнае...Се надевам дека ќе биде сепак КАТНА гаража.

Теренот за катна гаража зад Универзална подготвуван четири години Катната гаража ќе се гради на површина од 1.800 квадрати На дел од земјиштето зад Универзална сала дури завчера почна да се гради катна гаража, иако парцелата е продадена пред четири години. Но, и покрај тоа, во изминатиов период не се презедоа никакви градежни зафати, ниту пак јавноста беше запознаена која е причината што и по толку години просторот не се урбанизира, иако за него има урбанистички план. „Според наши сознанија, по продажбата биле констатирани делумно нерасчистени имотноправни односи, кои инвеститорот постепено ги решавал. Ја добил потребната дозвола од Општина Центар и еве сега почнува да гради. Инаку, инвеститорот не бил обврзан со рокови кога да почне и да ја заврши изградбата, бидејќи во купопродажбениот договор за земјиштето немало такви временски ограничувањата, што не е случај со договорите што ги склучува оваа Влада“, рекоа вчера од Министерството за транспорт и врски, но немаа информација за колку пари било отуѓено државното земјиште. Единствено посочија дека тоа било продадено во 2005 година на извесна фирма „Стеми инженеринг“, која во меѓувреме направила договор за заедничка градба со тетовската фирма „Импексел-2“, која сега се јавува како инвеститор на објектот. На завчерашното поставување на камен-темелникот, инвеститорот најави дека објектот ќе биде изграден во наредниве 16 месеци. Според Урбанистичкиот план, на локацијата е предвидена изградба на катна гаража комбинирана со деловен простор. Проектот предвидува објект со две подземни нивоа, три ката и потпокрив со капацитет од 136 паркинг- места. Катната гаража ќе се гради на површина од 1.800 квадратни метри, од кои 35 отсто ќе бидат наменети за деловен простор. Од „Импексел-2“ рекоа дека инвестицијата е вредна три милиони евра. http://utrinski.com.mk/?ItemID=C9209B60AE9EE7499CD18BBB4F12B346

Edited by lslcrew - 20-Mar-2009 at 00:07

Маја, Фирмава што го гради, односно изведувачот мислам дека е истиот што го гради и објектот ДЦ Аркадија. А може и комплетно да е исти инвеститор само различно име на фирма пошто господинот што фрла лопата го имам видено на градилиштето на Аркадија, а и кај овој објект се спомнува фирма од тетото шпто ме наведува дека и овој објект е на истиот инвеститор. Е сега околу проектот, Аркадија ја има проектирано некои SMB ПРОЈЕКТ ИНЖЕНЕРИНГ. Рендерите и овде и кај Аркадија се потполно исти, а и во градов само овде и на аркадија има такви прости рендери. Па сега мојата хипотеза е дека проектант на овој објект е SMB Пројект инженеринг, па сега ти провери дали сум во право. Се надевам не сум те навел на погрешна фирма, иако е само моја хипотеза.

Деловен објект и катна гаража зад Универзална сала На паркингот зад Универзална сала од вчера почна да се гради комбиниран деловен објект со катна гаража. Според проектот, објектот ќе има две подземни и три надземни нивоа плус поткровје. Инвестицијата е вредна околу три милиони евра и е на тетовската фирма „Импексел-2“. Предвидено е објектот да се изгради во наредните 15 месеци. Се простира на површина од 1.800 метри квадратни од кои 35 отсто ќе бидат наменети за деловен простор. http://utrinski.com.mk/?ItemID=7AC2F5CAE71D834A8348B7E575BDDE46

Зад Универзална сала ќе се гради катна гаража На паркингот зад Универзална сала ќе се гради модерен објект на четири ката, со намена за катна гаража со деловен простор. Инвестицијата тешка околу три милиони евра е на тетовската градежна фирма Импексел-2. Вчера, на официјалниот почеток на изградбата директорот Неим Хусеини најави дека изградбата на новата зграда е планирано да заврши за 15-тина месеци. - Ќе се гради објект на приземје и четири ката, а два подземни ката ќе бидат наменети за катна гаража во која ќе се обезбеди простор за паркирање на околу 130 возила - рече Хусеини. Инвестицијата е сопственост на фирмата. http://vecer.com.mk/?ItemID=FA5060ED49E50C468AD56193E7F75EE6