До крајот на годинава???Аман веќе нека заврши оваа агонија.4 г.,7 км автопат.Кретени.

1. Грција (веројатно мислиш ЕУ) не ни давала пари пред 20 години за автопатот бидејќи немавме пристап до истите фондови како што имаме сега (откако сме земја-кандидат за членство во ЕУ). Како неважна информација, Грција дала повеќе пари за Македонија од што можеш да замислиш, преку програмата Hellenic Aid (втор најголем донатор за Македонија до пред 5 години).

2. Едно е кредит, друго се претпристапни фондови за развој на инфраструктура, а трето се фондови за прекугранична соработка. Ние земаме кредити и грантови од ЕУ по разни основи. Грција не ни ги блокира парите со вето или некоја таква процедурална сопка, туку едноставно не сака прекугранична соработка за автопат со такво име (државна политика им е, да не требаше да прифатат и да си ја саботираат позицијата?). Штом требаше да добиеме пари врз основа на прекугранична соработка - здружен проект на Македонија и Грција, а не врз основа на развојни фондови за инфраструктура на ЕУ, кој ни е крив? Да имавме преку друга програма основ за барање пари, Грција немаше да може да направи ништо, бидејќи не се носат тие одлуки преку ЕК, или Советот на Европа, туку едноставно за секој европски фонд си има комисија која одлучува кој проект ги заслужува европските пари, а кој не. Нема таму вето и такви работи.

Мислам дека бев јасен. Грција ни беше партнер за автопатот, и ги зафркнавме, а немаше никакво блокирање од нивна страна, имаше само повлекување од партнерството.

3. Едно се грчки пари, друго се европски. Бакојани со финтите ќе ви дадеме пари ако си го смените името се смешки, кои не знам како поминаа и кај нив, и кај нас во јавноста.

Ептен ги измеша работите. Има огромна разлика помеѓу кредитно задолжување и неповратни средства.

А за ова прашањево што „нејќеше“ да го отвориш, ама сепак го отвори, што да се каже... Беспредметно е да се дискутираме дали тотално нерационалното преименување можеби имало негативен ефект врз грантот (не мора да имало, доволно е дека можеби имало), затоа што имаш импресивен капацитет за (свесно) пикање на главата во песок. Едно време дури тврдеше и дека немало преименување во вистинска смисла, ама откако ти беше предочено дека за тоа постои владина одлука, гледам си го баталил тој „аргумент“.

Енивеј, бидејќи не еднаш си не окфалификувал како наивни нас кои сметаме дека именувањето на автопатот можеби имало негативен ефект врз финансиската конструкција на проектот Демир Капија - Смоквица, се надевам можеш да ни објасниш кој е резонот, која е логиката зад таквото несоодветно име за автопат и да не убедиш дека не се работи за најпримитивна форма на популизам, патетично квазипатриотско чукање во гради и државна политика сведена на ниво на детска градинка.

Момци ви ја разбирам јас логиката но за жал не го делам оптимизмот како и вашите мислења дека владата направила колку што можела. Најпрвин, точно е дека се работи за Пан-европски коридори од интерес како за нас така и за целиот континент па оттаму и поволните кредити со долг рок на отплаќање. Таквите позајмици сме согласни дека не смеат да се пропуштат.

Во врска со активностите на оваа влада. По 5 години, таа успеа да изгради половина од скопската обиколница и оние скоро 8км. од Куманово до Табановце. Значи во просек не повеќе од 5км. автопат годишно. Во најновиот проект Смоквица - Демир Капија, владата учествува со само 2% од целокупната инвестиција. Го променија името на автопатот од коридорот 10 и со тоа ја изгубија најавената инвестиција од 50 милиони евра од Грција (18% од трошоците) за делницата Смоквица - Демир Капија. Да не се случеше тоа, најверојатно тој дел веќе ќе се градеше. Погледнето го „Манифестот“. таму стои дека нема да дочекаме завршеток на ниту еден предвиден автопат се до 2018. Имајќи ги предвид овие факти, како да се дојде до заклучок дека патната инфраструктура е приоритет, освен се разбира декларативно.

Зашто така цело време зборите со фетишизирање на автопатите. Тие коридори се континентални проект кои се градат со пари на тоа ниво. Државите никаде не финансираат сами такви проекти и ги чекаат парите од европските институции. Допрва цо Македонија влегоа тие пари еве за коридор 10. Така ќе биде и со коридор 8. Е сега нормално и државата е дел од тој проект и затоа и сдо толкав процент учествува. Соодносот на парите точно ќе ви го даде соодносот во интересот, дражава наспроти Европа. Од буџет исклучиво се градат патишта од исклучиво државно значење, дури и тие на кредитирање. Така да можеме да притискаме за патото кон Штип, кон Струмица, Битола-Ресен и слични кои не се дел од коридори. Европа не ги дава тие пари за нечив Атер, иако некои така ги толкуваат, иако некои биурократи од Европа така и ги замислуваат, главната идеја сепак останува. Допрва МАкедоија се отвара за тие проекти, и ќе ги има такви во наредните години, како што се очекува.Македонија не е виновна што досега немало одлука да се фиунансираат проекти на нејзина територија, дури и не треба да се користи овој збор виновна, едноставно не одговара државата пред некого затоа што тамо некоја институција не донела соодветна одлука.


Edited by lslcrew - 02-Jun-2011 at 15:53

Скопската обиколница започна да се гради во 2002. Должината и е 26,7км. Од 2008 наваму на потегот Куманово - Табановце се изградени 7,7км. Тоа значи дека за 9 години Македонија успеала да изгради 34,4км автопат. Тоа се 3,8км на една година и тоа на идеален терен за градба.

Бидејќи предвидениот автопат од Коридорот 8 ќе се нуди на концесионери, засега владата нема намера да го гради од сопствени средства. Средства, генерално преку кредити, се обезбедени за делницата Смоквица - Демир Капија која е во должина од 28км. Оваа година треба да се избере фирма која ќе ја гради а почнувајќи од следната година, делницата ќе се гради во наредните 6 години, односно до 2018. Тоа значи дека оваа влада планира да гради по 4км авотопат годишно во следните 7 години. За таа намена од буџетот беа издвоени само 6 од потребните 270 милиони евра.

Повеќе од очигледно е дека патната инфраструктура не и претставува приоритет на оваа влада.

Аман веќе.Нашиве 3 години градат автопат од 7 км на лесен терен,а Албанија за 4 г. изгради автопат од 100 + км во планински терен.Абе катастрофа сме.

Автопатот до Табановце готов до септември




Од Агенцијата за патишта очекуваат делницата од Куманово до границата со Србија да биде готова до 30 јуни, додека градежниците проценуваат дека по неа ќе се вози дури во септември или октомври

Возењето по модерен автопат од Куманово до граничниот премин Табановце најверојатно и летово ќе остане само пуста желба. И покрај тоа што изминатиов период интензивно се гради автопатската делница долга 7,4 километри, неизвесно е дали работниците ќе успеат да ја завршат до крајниот рок што истекува за еден месец.

Релативно кратката делница, која е дел од стратегискиот Коридор 10, се гради речиси четири години. Иако првичните најави беа дека овој дел од автопатот ќе биде готов за 1,5 година, крајниот рок неколкупати се продолжуваше. Од Агенцијата за патишта објаснуваат дека градежните работи се одолжиле поради дополнување на првичниот проект, што биле направени по барање на граѓаните. Во проектот влегле и две нови клучки кај Речица и Табановце, изградба на нов мост и потпатник, како и регулација на речно корито. Но, сметаат дека с` ќе биде завршено навреме.

- Изградбата на главната траса на автопатот Табановце-Куманово согласно склучениот договор треба да биде завршена до 30 јуни, а во текот на јули треба да се докомплетираат и останатите завршни работи. Во моментов на терен се работи со засилен интензитет и со оглед на тоа очекуваме делницата да биде завршена во рамки на рокот. Во спротивно, доколку постојат задоцнувања, изведувачот ќе плаќа пенали согласно договорот - вели Наташа Волкановска, директорка на Агенцијата за патишта.

Автопатот готов во септември

Од друга страна, процените на градежниците кои работат на автопатот се дека по него ќе може да се вози дури во септември или октомври. „Дневник“ ја извозе трасата од излезот на Куманово до граничниот премин со Србија за да видиме како се одвиваат градежните работи што ги врши австриската компанија „Алпине“, засилена со неколку фирми-подизведувачи.

На различни делови од седумкилометарската делница распоредени се градежни работници, тешка механизација, багери, валјаци. Работата насекаде е стигната во различна фаза. На еден дел градежни работници во средишниот дел местат одводен канал за атмосферските води, на друг дел веќе има свеж асфалт, додека на трет се гребе стариот асфалтен слој за да се постави нов. Покрај деловите што се асфалтирани, градежни работници го подготвуваат просторот за да ја постават заштитната ограда. Тешката механизација, пак, е најактивна на делот каде што се градат пропустите, односно поврзувањата со споредните патишта. Машините се активни и кај новите потпатници. На едниот се поставуваше ограда, додека градежните работи на другиот, според најавите, треба да завршат за 15 дена.

Работниците што ги затекнавме на терен велат дека работата напредува, но сомничаво вртеа со главите кога ги прашавме дали автопатот ќе биде готов до 30 јуни.

Неочекувани проблеми

- Роковите се варијабилни бидејќи се јавуваат многу дополнителни, непредвидени работи. Според договорот, автопатот треба да е завршен за еден месец, но има многу променети услови за работа од првичниот план. Затоа и никој нема да плаќа пенали, бидејќи доцнењето не е поради изведувачот на работите - велат градежните оперативци.

Работејќи на автопатот, тие неколкупати се соочиле со проблеми со сопствениците на експроприраните земјишта, кои за извесно време ги стопирале градежните работи. Активностите дополнително биле забавени и поради конфигурацијата на теренот. На неколку места се појавиле подземни води кои, доколку не биле санирани, можеле да влијаат врз стабилноста на изградените столбови. Машините неколкупати наишле на многу тврдо земјиште и им било потребно подолго време за да го ископаат.

- Поради сето ова, најверојатно ќе може да се вози по новиот автопат некаде околу септември или октомври. Главната траса може да е готова и порано, но сега е неблагодарно да се даваат какви било прогнози - велат оперативците.

По завршувањето на делницата Куманово-Табановце, ќе остане уште делот од Демир Капија до Смоквица за да се комплетира македонскиот автопатски дел од Коридорот 10. Според најавите на Владата, патот Демир Капија-Смоквица ќе почне да се гради в година. Делницата долга 28,2 километри, според плановите, треба да биде готова за пет-шест години.

Од Табановце до Ниш по автопат

Србија планира во следните две години да изгради две делници од автопатот од Ниш до македонската граница. Според најавите на српските транспортни власти, летово треба да почне изградбата на автопатските делници Грабовница - Грделица во должина од 5,5 километри и Владичин Хан - Долни Нерадовац во должина од 26 километри. Изградбата на новите патишта ќе ги финансира Светската банка.

http://www.dnevnik.com.mk/default.asp?ItemID=5AE18AB7B6994F499639C901A4EF3F5B

Originally posted by Andrej_LJ СРАМОТА! Според програмата на ВМРО (треба да се земе како релевантна затоа што се владеачка партија), се наговестува дека оваа ептен кратка делница, која минува низ терен рамен како тепсија, ќе треба да се заврши во Септември 2011 година. Пак не успеаа да ја пуштат пред туристичката сезона. Навистина не ми е јасно како во договорот со компанијата градител нема клаузули кои жестоко го санкционираат истиот при неспазување на поставените рокови. Всушност можно ли е вината да не е во компанијата, туку во Владата, која не ги исполнила своите обрски? Во секој случај голем срам и неспособност демонстрираме дека неможеме да се справиме ни со најмал инфраструктурен проект, камо ли со ЛРТ, Јужен, Вардарска долина, Гостивар-Охрид итн. Жално навистина!

Македонската реалност, за жал. Инаку, и јас сметам дека вината треба да се бара во Владата, бидејќи изведувачот на проектот, односно Alpine Bau е навистина една огромна компанија и според тоа што можам да го видам на нивниот сајт http://www.alpine.at/en/ имаат работено на проекти низ цел свет, почнувајќи од Европа па се до Азија. А, вреди да се напомене и дека имаат работено на Готардскиот тунел.

Edited by Мартин - 15-May-2011 at 21:04

Денес поминав низ табановце, нема никаков напредок, немаше ни работници