А1 Арена (Спортски центар „Борис Трајковски“)

Message Topic Search Topic Options Post Reply Create New Topic Printable Version

   За спортската сала ќе се градат две нови улици

Во објектот целосно ќе бидат опремени големата и малата сала, а кугларницата ќе остане само карабина
Сања Наумовска

Спортската сала „Борис
Трајковски“ ќе има паркинг-места за над 650 автомобили и 40 автобуси.
Паркиралишта се предвидени од сите страни околу објектот, а ќе бидат
поврзани со две сообраќајници, кон булеварот „8 Септември“, покрај
хотелот „Александар палас“ и кон „Илинденска“, покрај базенот
„Младост“. Моментно, во тек е изградбата на паркинзите, тротоарите и
едната улица. Од јавното претпријатие велат дека преговараат со Градот
Скопје и со Општина Карпош да ја направат втората сообраќајница, која е
од јавен интерес и во нивна надлежност. Се работи и на партерот пред
главниот влез на спортскиот објект, од јужната страна, кој целосно се
поплочува со гранит. 

Градежните тимови од „Маврово“ работат и
на затворањето на јужната страна од фасадата со надворешните стакла. Во
внатрешноста се фарбаат трибините, на кои во почетокот на март ќе
започне монтирањето на столчињата. Завршена е изведбата на системите за
ладење и греење и вентилација, а се доработува и илуминацијата. Во
објектот веќе има вода, а моментно се копа за поврзување со градската
топловодна мрежа. 

Според директорот Борис Змејковски, и покрај
тековните проблеми, работите се одвиваат во зацртаното темпо и салата
ќе биде готова до април. „Кога ќе биде предадена спортската сала,
целосно ќе бидат опремени големата и малата сала. Во големата ќе има
спортска опрема за ракомет, кошарка, бокс и професионална бина за
забавни настани. Малата сала има 500 седишта и е специјализирана за
кошарка. Што се однесува до салите за куглање, за фитнес, сауната и
други слични делови, тие ќе бидат во состојба на карабина, без опрема“,
вели Змејковски со најава за посебна програма, која наскоро ќе ја
поднесе до Владата за потребните средства и време за доопремување и на
овие простории. Завршени се и санитариите и ходниците, а деновиве ќе се
поставува и ситната опрема во тоалетите. Целокупната спортска опрема за
двете сали е веќе набавена и чека во царинските складишта да почне
монтирањето. 

До отворањето во април, во салата ќе се постави и
системот за набљудување со камери. Во објектот ќе се влегува од повеќе
страни, а посебни скали ќе водат кон трибините. Според барањата на
меѓународните спортски организации, на најгорниот ред од западната
трибина ќе има 27 места за коментатори со по два монитора, како и 12
места за снимање со камери.

http://www.utrinski.com.mk/?ItemID=6451DA7BFBD4A8419F3A741E5F38DB91

Poll Question: Оценка
Poll Choice	Votes	Poll Statistics
10	23	[25.56%]
9	6	[6.67%]
8	18	[20.00%]
7	16	[17.78%]
6	11	[12.22%]
5	8	[8.89%]
4	2	[2.22%]
3	3	[3.33%]
2	1	[1.11%]
1	2	[2.22%]
You can not vote in this poll
Total votes: 90 Average: 7.41