Јавен автобуски превоз (општо)

овој автобус на сликата работи на гас, може затоа уште сообраќа 

Истиов вчера возеше на петка, а често и ноќните ги вози.

Панорамско тркало, нови постојки, смарт тикетинг: Во што ќе инвестира ЈСП Годинава?

Нешто повеќе од 6,5 милиони евра ќе одвои Јавното сообраќајно претпријатие Скопје за инвестиции за оваа година. Според Инвестиционата Програма на претпријатието за 2014 година, најголем дел од парите 49,9 % од парите ќе бидат наменети за инвестиции во опрема, 44,9 % за градежни работи, а останатите 5,2 % од парите ќе бидат инвестирани во превозни средства. Дел од парите ЈСП Скопје ќе ги обезбеди од сопствени средства, а дел од донации.

Еве дел од инвестиции што годинава претпријатието планира да ги реализира:

Набавка на нов нископоден зглобен автобус 284.552 евра (сопствени средства)

Патничко и сервисно возило за интервенции 56.910 евра (сопствени средства)

Нови постојки 1.073.170 евра (сопствени средства и Град Скопје, реализација 2015 година)

Опрема за аларм и видео надзор на објекти и автобуси 200.000 евра ( сопствени средства, реализација 2014 година)

Реконструкција на хали за прифаќање на автобуси 260.162 евра ( сопствени средства)

Систем за наплата со смарт тикетинг 1.951.219 евра ( сопствени средства и Град Скопје, реализација 2014 година)

Жичница 104.878евра

Повеќе на http://faktor.mk/archives/94308?utm_source=rss&utm_medium=rss&utm_campaign=panoramsko-trkalo-novi-postojki-smart-tiketing-vo-shto-kje-investira-jsp-godinava#

Originally posted by ovaj_stariov Очекувам од ЈСП денеска да изјават дека додека трае изложбава на музејски автобуси две линии ќе бидат затворени поради недостаток на возила

Само две? Не биди толку оптимистичен.

Музејот на автобуси поставен во Ѓорче Петров

Музејот на автобуси ја покажува историјата и развојот на Јавното сообраќајно претпријатие „Скопје“. Лоциран е во автобазата на претпријатието во Ѓорче Петров и содржи поставка од седум автобуси од марките: „Лејланд“, „Санос“, „Раба“, „Ман“, „Икарус“. Овие автобуси превезувале патници во различни периоди, почнувајќи од 1969 година.



Автобусите се изложени на отворен простор, оградени со специфична ограда, на површина од 650 метри квадратни. Музејот официјално се очекува да биде отворен за околу две недели.

- Минатата година ЈСП „Скопје“ прослави 65 години од своето основање и благодарение на Владата на Република Македонија и Град Скопје се заокружи проектот за обнова на возниот парк. Оттаму се наметна идејата за отворање Музеј на автобуси, информира ЈСП „Скопје“.

Автобусите ја раскажуваат историјата на ЈСП „Скопје“



Стариот англиски „Лејланд“ е од 1969 година. Има поминато 1.050.000 километри и бил во сообраќај до 18 јануари 2012 година.

Има три автобуси од марката „Санос“ - првиот е единечен, другиот е двоен, како и туристички автобус со 39 седишта. Овие два „Саноси“ произведени во 1982 година имаат поминато најмногу километри. Двојниот поминал 1.450.000, а километражата на единечниот застанала на 1.950.000 километри.

Во базата има два автобуса од марката „Икарус“, произведени во 1987 и во 1991 година. Двата поминале повеќе од милион километри пред да се пензионираат во 2012 година.

Се планира да се постави уште еден автобус од марката „Ман“ од 1997 година, кој се уште се вози и има поминато, исто така, милион километри. Ќе се постави и еден од старите минибуси.

Во секој од автобусите има поставено табла со податоци за техничките карактеристики на возилото, датум на производство и поминати километри.

Сите автобуси во возна состојба



Претходно, сите автобуси биле репарирани. „Лејландот“ комплетно бил репариран во 2007 година за 60-годишнината на ЈСП „Скопје“. Другите автобуси имаат обновена каросерија и нови гуми. Нивната состојба секојдневно се следи. Од време на време се чистат и се мијат од надвор и од внатре, во зависност од временската состојба. Поинаква заштита нема.

Во иднина, можеби по 10 години, во Музејот ќе се најдат и сега новите украински автобуси „Лаз“, како и двокатните кинески возила од „Јутонг“.

- За овој Музеј не беа потребни дополнителни парични средства бидејќи станува збор за веќе постоечки автобуси и делови од нив, информираат од ЈСП „Скопје“.

Бесплатен влез во Музејот



Старите автобуси може да ги види секој заинтересиран, бидејќи се изложени во автобазата, само претходно мора да се најави на телефонот 2041-581. Влезот е бесплатен.

Од ЈСП „Скопје“ очекуваат посетители од сите категории, особено деца од предучилишна возраст и од основните училиште.

http://kurir.mk/republika/skopje/145811-Muzejot-na-avtobusi-postaven-vo-Gorce-Petrov

Oва не е ништо. На времето приватниците возеа со нозе завиткани во ќебе.

Аххх Мишко Мишко, која бе грешка во процедурата после цела година, кои грешки бе при изработка на спецификацијата....цццц па ова ти е трагикомедија народе

Верглај Мишко.

ПОНИШТЕН ТЕНДЕРОТ ЗА ЕЛЕКТРОНСКА НАПЛАТА НА БИЛЕТИ

Јавното сообраќајно претпријатие „Скопје“ го поништи тендерот за воведување систем на електронска наплата на билетите и за автоматска локација на автобусите. Досега пропаднаа три тендери за воведување на овие новитети затоа што, како што вели директорот Мишо Николов, се работи за софистицирана технологија поради што се прават многу грешки при изработката на спецификацијата.

- Така беше и овој пат. Имаше грешка во процедурата и се јави ситуација која не беше детаљно регулирана со Законот за јавните набавки. Се јавија четири фирми, државната комисија отфрли три, остана една и требаше да се спроведе постапка со преговарање, која детаљно не е регулирана со Законот - објасни Николов.

На последниот тендер за воведување електронска наплата со т.н. паметни билети се јавија четири фирми: турската „Kенткарт“, чешката „Микроелектроника“, „Т-мобиле“ и норвешкиот конзорциум „Бро-ог тунел-селскапет“.

ЈСП најпрвин ја избра турската компанија „Kенткарт“, меѓутоа по жалба на друг понудувач, таа одлука беше поништена од страна на државната комисија за жалби. Според одлуката на комисијата, три фирми беа исклучени од евалуација и остана само една, „Микроелектроника“ од Чешка.

Ова е четврти конкурс со кој претпријатието се обидува да ја модернизира наплатата во своите автобуси, односно обид да ги замени хартиените билети со електронски картички. Претходните три обиди, кои беа спроведени во изминативе пет години, беа неуспешни од технички причини, а имаше и жалби поради кои постапките беа прекинувани.

Со новиот начин на наплата патниците ќе располагаат со пластифицирана картичка, која самите ќе може да ја дополнуваат со пари по принципот на припејд. При влегувањето во автобус специјален читач ќе одзема од сумата колку што чини возењето. Новиот систем ќе ги намали турканиците во возилата и застојот што настанува додека патниците купуваат билети од возачот или ги отчукуваат картичките.

Според досегашните најави, за воведување на системот ќе се вложат три милиони евра, а парите ќе ги обезбеди Град Скопје.

http://dnevnik.mk/?ItemID=89BB0F41F38C6A4D9BE7F4BA42207410

До кога ќе се задоволувате со под просечност!
До кога со логиката "подобро нешто него ништо"?
До кога ќе бидете среќни знаејки дека сте подобри од најлошите?

Еуро2