build.mk » Forum: Веро Центар

Не ми се верува дека Општината сеуште не дала дозвола. Неверојатно колку е сето тоа споро.

„Веро“ се подготвува да гради иако се' уште нема одобрение

Речиси еден месец булдожери го раскопуваат просторот спроти Народна банка што го купи „Веро“ за да гради трговски центар. Предвидената парцела за градење целосно е раскопана, а направени се и канали непосредно до тарабите што го оградуваат просторот наменет за градба. Официјално од „Веро“ се' уште не кажуваат дали и кога ќе почнат да градат. Единствено велат дека интензивно се подготвуваат за почеток на планираниот проект, а тоа што деновиве се работи на терен се само подготвителни активности. Посочуваат дека ги решиле проблемите со денационализацијата на дел од земјиштето и периодов интензивно работат на комплетирање на документацијата и добивање на градежната дозвола. „Тоа што се копа на земјиштето се само активности за подготовка за градење, за што не ни е потребна дозвола“, вели накусо Бети Ицева од „Веро“.

И од Општина Центар потврдуваат дека „Веро“ врши подготовки на теренот за градба, кои им се дозволени иако се' уште не поседуваат одобрение за градење. „Процедурата за добивање градежна дозвола е во тек“, накратко велат од Центар. Според Деталниот урбанистички план, кој општинарите наменски за „Веро“ го усвоија пред речиси една и пол година, земјиштето има трговско-деловно намена. Вкупната површина на оваа урбана парцела изнесува 15.442 квадратни метри, а површината за градба во основата изнесува 10.934 квадрати. Според ДУП, трговскиот центар ќе може да има приземје, три ката и потпокрив. Инаку, нецела половина година по донесувањето на ДУП теренот беше расчистен од неколкуте привремени објекти и куќи, а веднаш потоа наменски се извршија и геомеханички испитувања на земјиштето. (Дс.Т.)

Poll Question: Оценка
Poll Choice	Votes	Poll Statistics
10	1	[1.45%]
9	0	[0.00%]
8	6	[8.70%]
7	6	[8.70%]
6	11	[15.94%]
5	12	[17.39%]
4	10	[14.49%]
3	15	[21.74%]
2	4	[5.80%]
1	4	[5.80%]
You can not vote in this poll
Total votes: 69 Average: 4.68