Пешачки зони и помали плоштади (општо)

ТРИМ-ПАТЕКА ОД 1 КИЛОМЕТАР ВО ПАРК-ШУМАТА ВО ГАЗИ БАБА

Предвидена е изградба и на летниковци, на три пункта со фитнес реквизити, поставување играчки за деца, фонтана за пиење вода, а покрај куќите треба да се направи патека од 700 метри, која ќе води до паркот

Парк-шумата Гази Баба ќе добие трим-патека, нови патеки за прошетка, клупи и летниковци. Градот Скопје, потпомогнат од јавните претпријатија од општините Гази Баба и Чаир, вчера почна со уредување на парк-шумата Гази Баба, зад Природно-математичкиот факултет.
"Ќе се направат патеки од песок и од дробен камен околу овој карактеристичен дел кој зафаќа простор од околу три хектари, онака како што е и во другиот дел од паркот, исто така, ќе има и летниковци, клупи, три пункта со фитнес реквизити, играчки за деца, фонтана за пиење вода, ќе се направи трим-патека, а покрај куќите ќе се направи патека од 700 метри, која ќе биде осветлена за подобар пристап кон парк-шумата", рече градоначалникот на Град Скопје Коце Трајановски.



Според градоначалникот Трајановски, трим-патека ќе биде во должина од 1.100 метри, а ќе се протега од Природно-математичкиот факултет, кон населбата Железара, од страната на Чаир. Патеката ќе биде широка 3 метри, ќе биде посипана со тампон за да може да се користи и на дожд.
Уредувањето на парк-шумата ќе чини од 3 до 4 милиони денари, без осветлението, а средствата ќе бидат обезбедени од Град Скопје.
Според најавите на градоначалникот, Парламентот на Македонија, во соработка со општините Чаир, Гази Баба и со Градот Скопје, изработува закон парк-шумата Гази Баба да биде парк на природата, со што ќе добие повисоко ниво на заштита.

http://www.vest.mk/default.asp?ItemID=331123C545E0AF4F8D7455017A1F457F

Originally posted by zabegan Originally posted by Z|evzek Френк Лојд Рајт инсистира на користење материјали од околината со што се добива една органска архитектура (градба во склоп со природата). Со ова се препишува едно од главните правила во архитектурата. Овој чекор е за поздрав. Камо ли сегде да се користеше низ државава... добро, ова правило важи повеќе за амбиентот, а не за економијата (иако автоматски и неа ја опфаќа)... сепак не е каменоломот во сред град

Нигде не ја спомнав економијата. Сакам да потенцирам дека во државава не се следи ова правило како што се следело некогаш. Апсурдно е да садиш палми во град во кој што никогаш и немало. Или пак основен градежен материјал да ти е мермер, а во околината да нема каменолом. Низ историјата никогаш градежниот материјалот не се зимал од самото место на градот zabegan, туку од околината.

Френк Лојд Рајт инсистира на користење материјали од околината со што се добива една органска архитектура (градба во склоп со природата). Со ова се препишува едно од главните правила во архитектурата. Овој чекор е за поздрав. Камо ли сегде да се користеше низ државава...

Какви ликови се градоначалници, просто човек жив да се изеде од мака!

Дебар го менува урбаниот лик на центарот

Центарот на Дебар ќе се поплочи со чист дебарски камен и градот ќе го добие потребниот изглед на класицизмот, а во другиот дел ќе го има и современиот изглед, вели градоначалникот Ружди Лата.



Градот Дебар по повеќе од шеесет години го менува урбаниот лик на централното градско подрачје. Централната улица која била реконструирана во педесетите години од минатиот век го има изгубено својот изглед и не е во тек со актуелните современи урбани решенија, велат во локалната власт и додаваат дека оваа стара градска населба има потреба од целосна реконструкција на центарот, а градот добива за прв пат и широко шеталиште.

„Дебар е единствен град на Балканот каде што се спојуваат културите на исток и запад. Врз основа на ова минато во Дебар продолжуваат овие култури да се спојуваат и со овој проект. Градиме нов центар на Дебар кој опфаќа 5 илјади метри квадратни површина. Ќе има современа инфраструктура со целосно подземно внесување на водоводната и канализациската мрежа, како и телефонските и електричните мрежи. Од друга страна, центарот да кажеме дека ќе се поплочи со чист дебарски камен и градот ќе го добие потребниот изглед на класицизмот, а во другиот дел ќе го има и современиот изглед на градба“, објаснува градоначалникот на општина Дебар Ружди Лата, кој воедно смета дека овој зафат е потреба на времето, бидејќи Дебар треба да биде во тек со современите урбанистички решенија, но имајќи во предвид и одредени свои карактеристики.

Проектот веќе стартуваше со сечењето на дрворедот засаден пред 65 години, кој веќе имаше големи оштетувања. Градскиот архитект Газменд Цами вели дека урбанистичкото решение е современо, но задржува и одредени карактеристики од минатото. Центарот добива шеталиште и нов изглед, додава тој.

„Со проектот за уредување на централното градско подрачје се предвидува дел од улицата „Братство Единство“ да биде поплочена со квалитетни камени плочи и тој дел ќе се прогласи за пешачка зона, во која ќе има и одреден режим на сообраќај. Вкупната должина на оваа улица – шеталиштето изнесува 270 метри а ширината изнесува од 11 до 18 метри во зависност од местото. Вкупната површина е 5 илјади квадратни метри. Со проектот се предвидува целосна реконструкција на подземните инсталации. Оваа улица ќе има и ново осветлување и поставување на декоративни дрвја“, вели Цами.

Проектот има целосна поддршка на сите членови на Советот, како и од страна на граѓаните. Како партнери во овој значаен урбанистички проект се и сопствениците на бизнис објектите во централната улица, потоа ЈКП „Стандард“ кое ќе врши уредување на водоводната мрежа и канализацијата во централното градско подрачје.

http://www.makdenes.org/content/article/26854025.html

Плоштадот и Kејот станаа улици и паркиралишта



Плоштадот Македонија и кејот 13 Ноември не се повеќе само шеталишта и пешачки зони - повторно масовно се користат како сообраќајници и јавни паркиралишта. Хаосот, кој почна откога стартуваа низа градежни работи на овие локации за разни проекти, не завршува само на плоштадот и кејот, туку продолжува и во мајор-коритото на реката Вардар, од двете страни - под катната гаража „Солунски конгрес“ и под новиот театар. Во реонот има паркинзи, тука е и катната гаража со над 200 места, а се подготвува и отворање на уште два подземни паркинг-простора со 700 места - под театарот и под Јавно обвинителство и МНР. Проблемот е што на несовесните возачи им е полесно да влезат кон плоштадот и преку тревник да завршат на некој плочник или шеталиште, наместо да се фатат за џеб...

целиот текст на: http://www.dnevnik.mk/?ItemID=F7E239762D79AF48BC4BEB57C498B6A9

Edited by jyvation - 09-Dec-2014 at 00:23

Originally posted by kultuzin За плоштадот кај пристаништето незнам но за онаа кај чинарот секогаш сум се прашувал како може во најтуристичкиот град во Македонија да има така мизерна и неугледна фонтаничка на толку битен дел од градот. Се надевам дека таму ќе се направи нешто атрактивно како фонтаната на Филип Втори во Битола или онаа во Гази Баба.

фонтана си е фонтана, основна намена и е освежување на просторот со вода, не мора да биде нешто спектакуларно, се додека е уредна и одржувана... а и како што кажа Фичо, НЛО-то во Битола не е баш најдобар пример за фонтана

мене искрено не ми се допаѓаат фонтани од времето на Тито со цевки кои се видливи, ама тоа не значи дека баш во моментов Охрид би требало да фрли пари на тоа


Edited by zabegan - 23-Nov-2014 at 03:22

За плоштадот кај пристаништето незнам но за онаа кај чинарот секогаш сум се прашувал како може во најтуристичкиот град во Македонија да има така мизерна и неугледна фонтаничка на толку битен дел од градот. Се надевам дека таму ќе се направи нешто атрактивно како фонтаната на Филип Втори во Битола или онаа во Гази Баба.

Се уништија и сега ќе средувале. Мижи асан да ти баам.

Општина Охрид ќе го менува ликот на градските плоштади



Главниот плоштад „Св. Климент Охридски“ и малиот плоштад „Крушевска Република“ во Охрид наскоро ќе бидат подложени на темелна реконструкција – локалната самоуправа денес распиша два Конкурси за избор на идејно архитектонско решение за нивно партерно и за хортикултурно уредување. Во повиците се бараат авторски трудови што ќе понудат нова визија за обликување на јавниот простор спроти градското пристаниште и површината околу Стариот Чинар. Со реализацијата на овие два проекти ќе се видоизмени ликот на централното градско јадро. Архитектите треба да ги достават своите трудови до општина Охрид најдоцна до 22 декември.

За разлика од бројните конкурси во рамки на проектот „Скопје 2014“, охридската локална самоуправа ги објави членовите на жири комисијата: Зоран Рафтоски, Бранко Арнаудов и Горица Гаврилоска ќе определат кој од пристигнатите дела на архитектите ќе се изведе во реалноста. Авторот што ќе понуди најиздржано идејно решение ќе добие прва награда од 80.000 денари, второнаградениот труд ќе се вреднува со 25.000 денари, додека третата парична награда изнесува 20.000 денари. Идентична сума ќе се исплати на победничките решенија за главниот плоштад и за малиот плоштад во градот.

„Основно обележје на секој туристички град е одвивање на животот на Главниот плоштад, кој потоа се шири низ Чаршијата и понатака кон Кејот кој е на некој начин идентитет на градот Охрид и Охриѓани. Хортикултурното и партерното уредување на самиот плоштад ќе придонесе за создавање на Плоштад со градско амбиентален стил што ќе овозможи граѓаните и туристите да уживаат во прошетката“ се вели во повикот, со кој охридската локална самоуправа ги кани архитектите да учествуваат на двата Конкурса.

http://www.build.mk/?p=40837

Originally posted by gjoko тие треба си го платат ова.Ќе прават профит на галиите,а градот ќе им го плаќа нередот М.М.Е.

градот и онака плати за најскапиот дел од изведбата на галиите