Јавен автобуски превоз (општо)

кај нас рокот за увоз на автобуси со еуро 2 стандард требаше да заврши до крајот на 2013 година мегутоа на барање на одредени превозници рокот го продолжија до крајот на мај 2014 година

 
Па како за споредба, ЕУРО 5 стандардите се општо прифатени во ЕУ од септември 2009, а ЕУРО 6 стандардите е планирано да почнат да се имплементираат од септември 2014.
 
ЕУРО 2 стандардите се стари речиси 20 години, нивната имплементација е започната уште во далечната 1996 година, што значи дека актуелната влада на Република Македонија во втората деценија на 21-от век планира да имплементира еколошки стандарди од последната деценија на 20-от век, односно планира да ги држи жителите на Скопје едно 20 години во минатото од еколошки гледна точка.
 
Имаше донација од автобуси од Виена кои беа со мотори кои работат на течен нафтен гас, кај нас популарно познат како плин, но ништо не бидна од таквата донација, наводно бидејќи директорот на таа некоја институција при ПМФ која требала да изврши атестирање на плинските уреди или хомологација или не знам што, кој патем од национална гледна точка бил припадник на најголемото национално малцинство во Македонија, им кажал на градските советници од Виена кои биле дојдени во посета на Скопје дека едноставно не знае што треба тој да направи, односно не знае која е неговата улога во целата донација.
 
Единствено што треба сериозно да се земе во предвид е стравот од евентуален увоз на уште повеќе отворени гасни комори на тркала кои само дополнително ќе ги трујат скопјани и останатите граѓани на Република Македонија.


Edited by Dexter26 - 16-Dec-2013 at 19:35

http://republika.mk/?p=165766

Скратена трасата на автобусот „4А“

Автобусот на ЈСП „Скопје“ со број „4А“ од вчера наместо до населба Хром, ќе сообраќа до Тафталиџе. Оваа линија откај Студентскиот дом „Гоце Делчев“ свртува десно по улицата „Московска“, потоа десно по булеварот „Партизански одреди“ и повторно десно по улицата „Лондонска“. Пред маркетот „Тедико“ ќе биде последната постојка (терминал). Од ЈСП потенцираат дека за сите измени патниците можат да се информираат на нивната веб-страница www.jsp.com.mk, во рубриката возни редови.

http://www.utrinski.mk/?ItemID=F1DF1D54350EF24D97106F66EB197785

Скопје добитник на меѓународната награда „Градски трофеј 2013“



Наградата, која секоја втора година ја доделува Меѓународната унија за патен транспорт (ИРУ) се доделува за јавен транспорт и групен туризам

Град Скопје ја доби престижната награда „Градски трофеј 2013“ за јавен превоз и за групен туризам. Признанието денеска во Кортрејк, Белигија го прими градоначалникот Коце Трајановски. Наградата, која секоја втора година ја доделува Меѓународната унија за патен транспорт (ИРУ) им оддава признание на локалните власти кои имплементираат проактивни политики за одржлив транспорт, мобилност и ефикасен јавен превоз.

Во конкуренција со Малме, Ковентри, Ливерпул и Виена, Скопје ја доби наградата за севкупната политика за одржливи мерки за мобилност на граѓаните и посетителите, современа сообраќајна инфраструктура и промовирање како атрактивна туристичка дестинација.

„Интернационалното жири за ’Градски трофеј‘ ги препозна напорите на Град Скопје за организирање квалитетен јавен превоз и за комплетна замена на возниот парк на ЈСП ’Скопје‘. Градот во последниве неколку години интензивно работи на подобрување на патната инфраструктура и на јавниот превоз, на збогатување на туристичката понуда, на промоција на организирани туристички посети со водичи, како и на приближување на сите туристички дестинации во Скопје и во неговата околина до посетителите“, рече Трајановски.

Ив Манерт, потпретседател на ИРУ и член на жирито потенцираше дека интернационалната жири комисија била импресионирана од сеопфатноста на досието доставено од Скопје и смета дека иако се' уште има простор за подобрување, Скопје е пример на којшто треба да се угледаат европските метрополи.

Меѓу досегашните добитници на оваа престижна награда се градовите Дрезден (Германија), Честер (Велика Британија), Стокхолм (Шведска) и Саутпорт (Велика Британија). (С.Р.)

http://www.utrinski.mk/?ItemID=247C13054A94A8478F9CA1EF07E749EF

Освен кај Транспортниот Центар, кај Бит-Пазар и Автокоманда не ми текнува друго место во Центар кајшто сум видел да ссе продаваат билети на ЈСП. Според мeне, треба да се овозможи да се продаваат барем кај: Рекорд, Зелен Пазар, Југодрво, Џамбо Веро, ТЦ Бисер, Клинички Центар, Порта Влае, Сити Мол, Лептокарија, Соборен Храм, Драмски Театар, ТЦ Капиштец, СЦ Борис Трајковски.

ова се парчињата од картичките што се куцнуваат?

ЕЛЕКТРОНСКАТА НАПЛАТА ВО ЈСП ОДЛОЖЕНА ЗА НАЕСЕН

Иако со најповолна понуда на електронската лицитација, сe` уште е неизвесно дали турската фирма „ Kенткард“ ќе потпише за инсталирање систем за електронска наплата во автобусите на Јавното сообраќајно претпријатие „Скопје“. Од менаџментот во претпријатието дознаваме дека чешката фирма „Микроелектроника“, која била второрангирана, во меѓувреме, поднела жалба која е уважена од второстепената комисија.

- Откако ја уважи жалбата, комисијата ја врати постапката на повторно разгледување. И тоа на сите четири фирми што учествуваа на електронското јавно наддавање. Била направена грешка во евалуацијата. Така што нашата комисија сега треба повторно една по една да ги разгледа понудите - изјави директорот на ЈСП, Мишо Николов.

Тоа, според него, не значи поништување на тендерот, но во секој случај ќе ја одолжи постапката уште еден месец.

На електронското јавно наддавање кое се одржа на почетокот на јули, освен турската „Kенткард“ и „Микроелектроника“ од Чешка, учествуваа и „Т-мобиле“, кој беше треторангиран и норвешкиот конзорциум „Бро-ог тунел-селскапет“. Од ЈСП не обелоденија кој, колку понудил пред да се направи конечниот избор.

Ова е четврти конкурс со кој претпријатието се обидува да ја модернизира наплатата во своите автобуси, односно обид да ги замени хартиените билети со електронски картички. Претходните три обиди во последните пет години беа неуспешни од технички причини, а имаше и жалби поради кои постапките беа прекинувани.

Всушност, за воведување електронска наплата или таканаречени „умни билети“ во ЈСП се зборува со години, уште од времето на екс градоначалникот на Скопје, Трифун Kостовски.

Со ваквата наплата патниците ќе располагаат со пластифицирана картичка, која самите ќе можат да ја дополнуваат по принципот на припејд. При влегувањето во автобус, специјален читач ќе им одзема од сумата. Новиот систем ќе ги испрати во историја хартиените билети. Само по себе, тоа ќе ги намали турканиците, поточно застојот кој настанува додека луѓето купуваат билети од возачот или ги отчукуваат картичките.

Според досегашните најави, за имплементирање на системот ќе се вложат три милиони евра, а парите, како што е планирано, ќе ги обезбеди градската власт. Инвестицијата ќе се плаќа во три фискални години - 2013, 2014 и 2015 година.

http://dnevnik.mk/?ItemID=DAD820764088DB4FAB448D25703F9EAA

Originally posted by zabegan нема ништо чудно тука, со голем багаж го зафаќаш просторот за други патници

Знаеш што ми беше чудно?! Димензиите и килажата. Посебно килажата. Ако веќе мојот, твојот, нечиј куфер се причина за казна, зошто и оние со морбиден обезитас не ги казнат? Мислам многу пати ми се има случено да неможам да поминам заради стомакот на некој во автобус, а никогаш заради нечиј куфер.

Апсурд.

Edited by Danndy - 27-Aug-2013 at 03:19