Пешачки зони и помали плоштади (општо)

па фала боу ова воопшто не треба да биде поставено ни како прашање

само, дали новиот план на велосипедски патеки ќе го опфаќа и кејот? или како патека во центарот ќе стават уште една асфалтна шлаканица како таа под „Карпошово востание“

jas ne primetiv deka imase nekakov zastoj pred i po aferata. ulicava si tece celo vreme i zafaka novi i novi delovi. ne znam kolku e povrzano so reakcija od aferata ili pa bio planirano vaka

Се преуредува коцката во близина на Боемска улица во Центар (кај споменикот познат како „Јас и ти“). Веројатно брзо ќе се среди овој дел за да биде една (пешачка) целина со улицата.

DSC06245 by george k. 1981, on Flickr

Нов парк во центарот на Велес

Во пресрет на Денот на Општината во Велес денес беше промовиран нов проект наменет за граѓаните - парк кој функционално и естетски ќе ги задоволи потребите на велешани



Новиот парк се наоѓа во дворното место на некогашниот офицерски дом, на левата страна од централната сообраќајна артерија, најфреквентната улица „Благој Ѓорев“. Овој дел на градот кој дефинитивно по изградбата на црквата Св. Кирил и Методиј и театарот е центарот на Велес е центарот на сите случувања, но и место што и географски се наоѓа во средината на градот...

http://www.kurir.mk/republika/opstini/177862-FOTO-Nov-park-vo-centarot-na-Veles

Edited by jyvation - 08-Nov-2014 at 18:03

Општина Кривогаштани
http://patokazmagazin.com.mk/vesti/top-5/item/1008

Скопјани добија побезбедни пешачки патеки

Патеката до самиот врв е целосно прегледна и обележана што дури и странец што првпат доаѓа на Водно ќе може многу лесно да се снајде и без проблем да стигне до крстот.



Планинарите ја уредуваа инфраструктурата на Водно

Планината што отсекогаш будела силни чувства кај скопјани, нудејќи им природно катче за прочистување на мозочните ќелии од работните обврски, кои честопати знаат да бидат стресни, сега им нуди дополнителна причина за освојување на нејзиниот врв. Пешачките патеки се реконструирани и сега се побезбеден начин да се стигне до крстот на врвот. Планинарите што учествуваа во обновата на патеките велат дека љубовта кон Водно секогаш ќе ги држи будни и нема да дозволат уништување и запоставување на ова драгоцено парче зеленило за градот.

Да се запре ерозијата на земјата

Од самиот почеток на планината, па сѐ до Средно Водно, поставени се потпорни греди напреку земјените патеки, чија функција е да го заштитат земјиштето од свлекување и раскопување, а исто така се изградени скали на стрмните места, кои досега им одземаа многу енергија на планинарите. Федерацијата за планинарски спортови во Македонија, во соработка со инструктори за маркацисти од Планинарскиот сојуз на Словенија, организираше обука за стручно надградување маркацисти, односно луѓе што ги обележуваат и ги санираат планинските патеки. Во работните акции учествуваа и по неколку члена и од македонските планинарски друштва.
- Постојат повеќе патеки за да се освои врвот на Водно, а минатата недела беа маркирани и санирани пензионерската патека, која е порамна и наменета за постари лица, и стрмната патека, по која одат професионалните планинари со поголема кондиција за да ги издржат стрмнините - велат од планинарското друштво „Китка“ од Скопје.
Тие додаваат дека патеката до самиот врв е целосно прегледна и обележана што дури и странец што првпат доаѓа на планината ќе може многу лесно да се снајде и без проблем да стигне до крстот.

Ограничување на моторниот сообраќај

Сепак, на Водно сѐ уште постојат големи недостатоци, кои создаваат незадоволство кај посетителите, коментираат љубителите на планинарскиот спорт и велосипедизмот.
- Со оглед на популарноста на Водно како најблиско место за бегство од сообраќајниот метеж, патеките сега се добро одржувани и маркирани. Најголем проблем се ѓубрето што се остава од посетителите и недостигот на еколошка свест, а не може да се одбегне и метежот од автомобили, кои секој викенд ја загадуваат планината. Сметам дека градот би требало да ограничи моторниот сообраќај, освен за градскиот автобус што сообраќа до Средно Водно, бидејќи патеката е кратка и секој може да ја качи без да употребува автомобили - вели Елена Георгиевска, активна планинарка.
Исто така, за големи недостатоци зборуваат и љубителите на планинскиот велосипедизам, бидејќи нема обележано велосипедски патеки, па велосипедистите воопшто не се чувствуваат безбедно додека го искачуваат врвот по иста патека со автомобилите.

- Речиси секој викенд со пријателите го искачувам врвот на Водно со велосипед, но голем проблем е тоа што прегледноста е мала, улицата е тесна, а автомобилите поминуваат на половина метар од нас. Токму поради овој проблем во последно време сѐ почесто се случува да се рекреираме на Скопска Црна Гора или на ридот зад Волково, каде што не треба воопшто да се грижиме дали ќе бидеме удрени од некој автомобил - вели Благојче Петрушевски, зависник од планински велосипедизам.

http://www.novamakedonija.com.mk/NewsDetal.asp?vest=101714171534&id=14&prilog=0&setIzdanie=23301

Новата фонтана на плоштад Македонија, Скопје:









http://www.mkd.mk/galerii/pochna-izgradbata-na-novata-fontana-na-ploshtadot-makedonija-0#11

Кејот е ваков со години. Од место за излегување и прошетка, стана дива квази улица која изгледа вакак како што изгледа. Рампата најчесто е расипана, така да кој сака може да вози со кола по кејот. Брука за градот. Плочите и на новите мостови се исто така веќе искршени.

ФОТО ВЕСТ: Внимание! Кејот на Вардар – градилиште или шеталиште?

Именката „кеј“ во дигиталниот Речник на македонски јазик е објаснета како „соѕидан брег на регулирана река со шеталиште“. Во реалноста, Кејот на реката Вардар денеска претставува најпрво паркиралиште, потоа сообраќајница, место за фрлање ѓубре и окупиран простор од бројните кафулиња и ресторани. Суштинската функција на просторот – шеталиште за граѓаните не важи за овој дел од централното градско подрачје. Една прошетка по Кејот „13 Ноември“ е доволна за да се забележат дупките и уништените плочки на шеталиштето, расфрленото ѓубре, украдените канти за отпадоци, уништените клупи, распосланите маси и столчиња на сите страни, и се разбира, задолжителните тараби за оградување на градилиштето што го нема.

Најголем проблем за минувачите претставуваат непрописно паркираните возила долж целиот кеј, како и надземната улица која го поврзува паркингот на зградата на Телеком со мостот „Слобода“. Од секојдневното движење на автомобилите, целосно е уништена поплочената површина, која не успеа да издржи ниту една деценија од претходната темелна реконструкција на целокупниот простор. Од најавената изградба на надземната улица долж кејот засега нема ништо, додека за санационен зафат на шеталиштето ќе треба да се чека на завршување на градежните работи на објектите од проектот „Скопје 2014“.

Градот Скопје и Општината Центар си ја префрлаат одговорноста едни на други за актуелната состојба во која се наоѓа Кејот „13 Ноември“. Од Општина Центар за „Билд“ велат дека целиот овој потег од централното градско подрачје е во надлежност на Градот Скопје, од каде што треба да се бараат информации за состојбата во која се наоѓа просторот. Градската власт пак напоменува дека Кејот на Вардар ќе се реконструира од двете страни по завршувањето на градежните активности кои се одвиваат во моментов.

И покрај ваквата најава, од Градот Скопје се оградуваат за уредувањето на некои делови од шеталиштето. „Што се однесува до времената сообраќајница и урбаната опрема, која е поставена на пешачкиот дел, тоа не е во надлежност на Град Скопје“, истакнуваат од Секторот за поддршка на градоначалникот. И додека вината за девастираниот простор се префрла од една на друга институција, останува на граѓаните да внимаваат како се движат долж Кејот на реката Вардар.

Текст: Бојан Блажевски
Фото: Бојан Блажевски































http://www.build.mk/?p=39592

и јас сум го спомнал ова.имаме топици за секакви паланки,а немаме за главниот плоштад во земјава