Надградба на ГТЦ

ОВА Е ВОЗМОЖНО САМО КАЈ НАС
Скопската гордост „ГТЦ“ прави месечен ќар колку што остварува и една бурекџилница
„Градски трговски центар" (ГТЦ) Скопје лани заработил колку помала бурекџилница, покажуваат официјалните податоци што таа компанија денеска ги пласираше на Македонската берза.

Некогашната трговска гордост и главна атракција на главниот град дојде на дереџе да креира месечен профит што одвај надминува 1.000 евра. Оваа компанија, што е доминантна државна сопственост, лани за плати на вработените потрошила околу 1 милион евра, а за струја и затоплување платила 1,27 милиони евра. Според податоците, од кирии само лани ГТЦ успеал да инкасира едвај 900.000 евра. По продажбата на најголем дел од деловниот простор во изминативе дестина години оваа компанија се сведе на одржувач и сервисер на приватните продавници лоцирани во строгиот центар на Скопје, во Градскиот трговски центар. Билансот покажува дека лани компанијата најголем дел од приходите остварила од комунални и од тековни услуги на кираџиите и на сопствениците на продавниците. Тој износ за лани е 176,14 милиони денари (2,86 милиони евра). Од кирии на целиот сопствен деловен и магацински простор оваа компанија лани успеала да оствари приходи од 54,2 милиони денари (околу 900.000 евра). Овие две приходни ставки креираат 90 отсто од целиот промет на компанијата што изнесува вкупно 254 милиони денари (нешто повеќе од 4 милиони евра).

Инаку, само за плати, струја и парно ГТЦ лани платил над 2,2 милиони евра. Во Годишната сметка за 2012 година, одобрена од акционерите, пишува дека најголеми трошоци на компанијата се сметките за енергија (парно, струја) и трошокот за плати на вработените. За овие две ставки компанијата лани потрошила 2,2 милиони евра односно повеќе од половина од сите трошоци на компанијата лани. ГТЦ , некогашната гордост на Скопје, лани успеал да оствари профит од 811.462 денари што значи дека месечно компанијата правела профит од околу 1.100 евра.

http://www.mkd.mk/makedonija/ekonomija/skopskata-gordost-gtc-pravi-mesechen-kjar-kolku-shto-ostavruva-edna-prosechna
====================================================================

Ова е тоа што упорно го говорев, дека трговскиот центар ако не се модернизира одвнатре и реновира ќе си остане само како коридор без купувачи.

И сите оние што протестираа за фасадата нека брцнат во ќесето, а не само на зборови. Од она што го видов по сликите дел од тие луѓе ги знам и лично и ги немам видено еднаш во животот да направиле шопинг во трговскиот, хипокризија до крај. Трговскиот живееше во главном од купувачи од други градови и подалечните предградија, но тие се пренасочија кон поновите тргвоски.

Без гајле. 57мица само минеше тука, а не се двокатни ни сега.

а двокатните?дека ќе ги собере тука

промена не е исто што и реконструкција или надградба.
нека го реконструираат и надградат ОК е тоа, ама промена никако.

13 неверојатни факти за ГТЦ

- За проектот на ГТЦ ,архитектот Живко Поповски ја добил државната награда „11 Октомври“ и „Борбина плакета“ – најголемата награда за архитектура во Југославија. За ГТЦ во 1967 година бил распишан југословенски конкурс, на којшто решението на Поповски извојувало прво место меѓу 23 решенија! Подоцна, Поповски добива и награда за животно дело.

- Планот и концептот на ГТЦ се учи како задолжителна лекција по предметот „Општествени згради“ на Архитектонскиот факултет во Скопје! За планот на ГТЦ тогаш било пишувано и во многу странски весници.

- Во својата функционалистичка основа, но и концепт, ГТЦ е продолжение на македонските традиции: првин тој е продолжение на балканската традиција за отворена чаршија низ која проаѓаме – како нашата стара чаршија. Во својата функционалност и решение, ГТЦ е продолжение на православните традиции на легендраниот македонскиот и балкански познат градител Андреа Дамјанов од 19-от век.

- Во своето модернистичко белило (модернистите сакаа бели фасади), ГТЦ е продолжение на белите фасади на Охридската куќа. Дури и самиот Корбизје (таткото на модерната) во своите патувања на Балканот се фасцинирал од Дебарската куќа. ГТЦ е традицоинален и патриотски до коска!

- ГТЦ не е бетон! ГТЦ е изграден од монтажни панели и челична конструкција – Монтажната градба е иднината на светската архитектура во која бетонскиот начин на градба пополека се напушта, како штетен по здравјето, гломазен и непрактичен. Со тоа ГТЦ е технички револуционерен за своето време, но и за денешното време! Денес во Македонија сè уште се гради со бетон и цигла, што е тотално назадно.

- Градењето на ГТЦ во 1973-та е еден историски инженерски потег, за кој само може да сонува денешното македонско градителство. Денешното македонско градителство за разлика од тогаш изобилува со аномалии- градежните фирми денес се мафиози кои штедат на хидроизолација, па затоа 90 одсто од новите згради во Скопје протекуваат, имаат лоша термичка изолација и лоша звучна изолација...денешните градежни фирми градат набрзина и без многу проверки.

- ГТЦ е „покриен“ плоштад – концепт кој е граѓански. ГТЦ е систем на покриени улици – концепт кој беше исклучително авангарден. ГТЦ е објект-случување ги поддржува сите идеи за движечки план на Модерната.

- ГТЦ е во координација со идеите на Кензо Танге за Скопје. Живко Поповски бил и дел од тимот кој работел на реализација на проектот на Танге. Всушност, постои една стара идеја на Танге која не била реализирана, а тоа е еден лебдечки футуристички мост кој ќе ги поврзува Новата железничка станица и „капче“ во ГТЦ. Посетителите на Скопје би можеле да дојдат до Скопје со воз и директно да прошетаат во ГТЦ.

- ГТЦ има 114.000 квадратни метри, што го прави еден од најголемите трговски центри на Балканот. Тој не е обичен „шопинг мол“, каков што е еден Сити Мол. Денешните шопинг молови се затворени (Рамстор, Сити Мол, ВЕРО) и не го поттикнуваат урбанитетот на градот. Тие немаат излози и немаа однос кон градот. ГТЦ за разлика од нив е класичен трговски центар чија цел не е профит, туку една граѓанска мисија.

- ГТЦ е масивен објект кој не го оптоварува градот, за разлика од масивните шопинг молови. Тој се вклопува во контекстот. Живко Поповски на своите предавања велел: „како да направиш зграда која толку добро ќе се втопи во контекстот/опкружувањето што воопшто нема да ја забележиш дека постои”.

- ГТЦ е исклучителен пример на јавен простор – простор кој го дефинира градот. 70 одсто од неговата површина е отворена, како една агора во која со децении се развива јавниот живот на Скопјани. Во списанието „Млад Борец“ во 1990 Живко Поповски ја отркил својата љубов кон Скопје и своите детални планови за развој на Скопје. Поповски пишува: „Не прашувајте ме што ќе сторам јас за градот — прашајте се што ќе направиме заедно за Скопје“.

- ГТЦ е неверојатен спојувач на плоштадот, кејот на Вардар и паркот „Жена Борец“. Тој има природно ветреење – аерација – затоа во ГТЦ е пријатно во сите годишни времиња.

- Во 2007ма година, непосредно пред смртта, на Поповски му било доделено признание на Венециското Биенале за архитектура. Таквото признание е едно од најпрестижните во светот! Тогаш Поповски изјавил: „ Конкурсот ги презентира актуелните академски, архитектонски можни решенија, тој го презентира правецот во кој се движи архитектонската мисла денес во светот“.

- Нападот на ГТЦ е напад на урбано Скопје и на граѓанските вредности. Напад на македонската архитектура. Низ целиот свет објектите од Модерната од 60-те и 70-те веќе почнуваат да се заштитуваат како културно наследство. Точно е дека планот за доградба и реновирање на ГТЦ постои уште во 90-те години – но ГТЦ мора да биде реновиран само во својот автентичен израз.

http://www.plusinfo.mk/vest/98717/13-neverojatni-fakti-za-GTC

Најдов многу интересни записи и документи за нејзината посета на Скопје, но нема фотографии на сајтот на нејзината фондација.

http://www.margaretthatcher.org/document/113584

http://fc95d419f4478b3b6e5f-3f71d0fe2b653c4f00f32175760e96e7.r87.cf1.rackcdn.com/ADBA4CA83CE44CCAB8B268FD8F138AFC.pdf

http://www.margaretthatcher.org/document/104215

изгледа тоа правата вистина

Originally posted by Gradinarot Г реота е... Т рговскиов Ц ентар рококо да стане.., но затоа: Б аснословно ќе Чини А никој не кажува Р астур се прави О ргански се менува К онцептот на градот...

Sufficient... можеби.

Originally posted by fichot Originally posted by kultuzin Веќе се изјаснив дека сум против промена на ГТЦ онака како што е замислено.  Протестите не би ги подржал со присуство зошто позади нив покрај оние што искрено протестират има и еден куп такви зад кои стојат сумниви позадини и намери.  Нејсе,  онаа што сакам да го кажам е дека до сега протестите се некако без некаква ориентација а она што најмногу ми пречи е тоа што оние кои протестираат а меѓу кои има еден куп архитекти место да понудат алтернатива , конкретно решение, можности за подобрување на условите на трговскиот и негово заживување, да понудат конкретни бројки како од финансиски аспект така и од енергетски. На тој начин со идеи и решенија да се спротистават на планот кој е понуден. Тие излегуваат и држат некакви демагошки  и филозовски говори полни со носталгија и слично. Тоа во денешниот свет непали и не поминува.  Колку уште алтернативи би ти биле доволни за да речеш ок? И за кој тоа денешен свет зборуваш, овој локалниов тука налик на средновековен феуд или за остатокот од светот кој го почитува градителското наследство без разлика во кој систем на владеење било создадено?

покрај ова ти што го посочи, јас не знам за какви алтернативни решенија и одговори се вергла стално
тука не се работи за проект со фалинка кој треба да се ревизира (па да се нудат решенија), туку се работи за проект кој воопшто не треба да постои
ако некој сака да смени фасада на објект кој треба да е заштитен како културно наследство, не му нудиш нова фасада, туку се обидуваш само да го спречиш... што е тука проблемот?

наше е само да објасниме на културен и професионален начин зошто ГТЦ (и скоро сите други намерачини објекти) не смеат да се менуваат на ваков талибански радикален начин, а нивно е само да го разберат тоа (а тука е всушност и главниот проблем)... ете, толку едноставно е

Originally posted by Macedonicus Не ми е важно дали е протестот исполитизиран од причина што каузата е на прво место, доколку беше ситуациjата обратна да СДСМ беше на власт а протестите поддржувани од ДПМНЕ jас пак би излегол на протест што не значи дека и давам легитимитет на партиjата коjа вмешала прсти во протестот туку едноставно изразувам незадоволство како и народот а народот е над партиите. Сакам да верувам дека има членови на ДПМНЕ кои протестираат против ова, не е можно сите таму да мислат исто..

ова е најблиску нешто до мојот став
инаку, членови на партијата на власт, тешко дека ќе има на протестот, дури и да имаат различно мислење, да не ја правиме па ептен розева работава...