Урбанистичката експанзија го намалува зеленилото

Секој скопјанец сега има околу 19 квадратни метри зеленило, што според европските стандарди е премалку за нормално и здраво живеење. Пред дваесетина години на секој жител му припаѓале по четири дрвја и над 30 квадратни метри зеленило.



Препораката на Светската здравствена организација е на еден жител да има по 9 квадратни метри зеленило
Зачувувањето на животната средина и зголемувањето на зеленилото, кои се светски тренд, се чини не стигнале до Скопје, градот во кој зелените површини интензивно се заменуваат со бетон. Скопје полека, но сигурно ги губи своите „бели дробови“.

Во мигов на секој скопјанец му припаѓаат околу 19 квадратни метри зеленило, што според европските стандарди, 25 квадратни метри од глава по жител, не се доволни за нормално и здраво живеење. Експертите велат дека пред дваесетина години на секој жител му припаѓале по четири дрвја и над 30 квадратни метри зеленило.

- Скопје имаше доволно зеленило, ама во 80-тите и 90-тите години на минатиот век кога немаше толкава градежна еуфорија. Денес, на сметка на урбаната градба, тоа сé повеќе се намалува. Урбанизацијата се шири на сметка на зеленилото. Во моментов држиме некој стандард под нормалата.

Порано барем во дворовите имаше по пет-шест дрвја. Сега сé е бетон. Проблем е и урбанизацијата на Водно. Не треба толку да се гради на таа територија - вели Јане Ацевски, професор на Шумарскиот факултет.

Во скопските општини вкупното зеленило изнесува нешто повеќе од 1.150 хектари. Според генералниот урбанистички план, градското зеленило е поделено во повеќе категории: градско парковско и заштитно зеленило 969 хектари; зеленило во спортско-рекреативни центри 95 хектари; зеленило во спортски центри и јавни места 163 хектари; зеленило во центри за забава 2,65 хектари. Во последната категорија спаѓаат и површините во ЗОО од 9,69 хектари, ботаничката градина со 6,13 хектари и расадникот со 4,45 хектари. Вкупната површина на зеленило што се одржува во согласност со програмата на градот изнесува нешто повеќе од 1.150 хектари - велат од одделението за односи со јавноста на градот.

Од скопските општини најзелена е Аеродром. Податоците од општината покажуваат дека таа има 28 квадратни метри зеленило по глава на жител.

Лекарите препорачуваат дека е потребно да се има колку што е можно повеќе зелени површини, меѓутоа видот на растенијата треба внимателно да се избира поради зголемениот број алергиски реакции.

- Секако дека зелената површина позитивно влијае врз здравјето на човекот. Белите дробови се исклучително важни. Меѓутоа, во последно време има пораст на алергии и слични заболувања, поради што треба да се направи баланс - повеќе профили на луѓе да одлучуваат што и како да се сади. Нашето Скопје беше град на липи и тополи. Ние сме дел од природата и жал ми е што се извитоперува имунолошкиот систем на човекот - вели Сузана Арбутина, докторка на пулмологија.

Сепак, ситуацијата не е алармантна, дури напротив, велат од ЈП „Паркови и зеленило“. Препораката на Светската здравствена организација е за секој жител да има барем по 9 квадратни метри зеленило.
- Не може да се направи детална анализа околу тоа колку точно зеленило има градов затоа што во нашите пресметки не се смета дворното зеленило, ниту, пак, неуредените зелени површини. Прецизно би се пресметало доколку се направи сателитска снимка. Од општините - Аеродром и Карпош стојат најдобро, по нив се Чаир, Центар и Гази Баба. Само од око се гледа дека е одлично. Нема населба каде што нема зелени површини - велат од ЈП „Паркови и зеленило“.



http://www.novamakedonija.com.mk/NewsDetal.asp?vest=5101195369&id=14&setIzdanie=22276

жена парк

Пролетна акција за уредување на јавни зелени површини во Општина Центар

Општина Центар во соработка со ЈП Паркови и зеленило, започна пролетна акција за уредување на јавни зелени површини на територија на општината. 

Во текот на минатата недела, се спроведе прво пролетно косење и уредување на зелени површини околу стамбени блокови во населбата Капиштец.

Во саботата, на ден 2.04.2011 година, екипите на ЈП Паркови и зеленило во соработка со работници ангажирани од Општината за извршување јавни работи од реонот Капиштец, спроведоа пролетна акција за уредување на зелена површина на локација над црквата Св. Јован кон Водно. Акцијата опфати кастрење на обраснати грмушки, собирање листен материјал и гранки. 

Активностите за уредување зелени површини продолжуваат и во следниот период, со одредена динамика и механизација од ЈП Паркови и зеленило. 

Зелените површини имаат потреба од континуирано уредување и одржување, за да претставуваат пријатно катче за граѓаните и место за одмор од напорниот ден. 

http://www.opstinacentar.gov.mk/page6705417.aspx

Edited by dule - 12-Apr-2011 at 09:18

http://sitel.com.mk/video/makedonija/nova-oprema-za-jp-parkovi-i-zelenilo

dzinovski gradbi od 3 do 5 kata 

Урбанизацијата го уништи зеленилото во Охрид

http://kanal5.com.mk/default.aspx?mId=44&egId=14&eventId=72106

ДРВОРЕДИТЕ ПРОБЛЕМ ЗА КИНЕСКИТЕ ВОЗИЛА ЗА ЈАВЕН ПРЕВОЗ Двокатните автобуси ќе го соголат Скопје Анализите на ЈП "ЈСП Скопје" покажале дека гранките на дрвјата покрај улиците ќе удираат во вториот кат на автобусите, па затоа ќе мора да се искастрат За да можат новите двокатни автобуси да се движат низ улиците, ќе се кастрат гранките на дрвјата низ градот. Речиси на сите улици каде што ќе минуваат автобусите, крошните на дрвјата се надвиснати над нив. Анализите на ЈП "ЈСП Скопје" покажале дека гранките ќе удираат во вториот кат на автобусите, па затоа потребно ќе биде да се сечат гранки. Како најкритична локација каде нема шанси да помине автобус без да се заглави во гранките е улицата Цветан Димов во Чаир. "Имајќи го предвид фактот дека на одредени делови низ градот имало мали интервенции на гранките и за сегашните автобуси, нормално е дека за двокатните ќе биде потребна поголема интервенција. Неизбежна е ваква интервенција за да не се оштетат автобусите, а непријатно е и за патниците да удираат гранки додека се возат. Сe уште се прават анализи колку точно дрвја ќе пречат на сообраќајот и кои ќе бидат точните локации. Важно е да се знае дека нема да се сечат дрвјата од корен, туку само ќе се кастрат гранките кои висат над улиците", вели Мишо Николов, директор на ЈП "ЈСП Скопје". Од претпријатието велат дека и старите автобуси имаат проблеми со гранки кои висат на улиците, особено во руралните делови на градот, како што се Арачиново, Чучер Сандево, Студеничани, Зелениково. За овие делови веќе испратиле барање до ЈП "Паркови и зеленило" што поскоро да се интервенира за да можат возилата нормално да се движат. http://vest.com.mk/?ItemID=0D36B1754F70DA448AA47E07E863889D

NEznam kolku e ova za tuka.

ВЕЧЕР ДОЗНАВА: СЛОВЕНЕЧКА ФИРМА ЗАИНТЕРЕСИРАНА ЗА ИНВЕСТИРАЊЕ ВО ЦВЕЌАРСТВОТО Во Коцеленд ќе растат орхидеи При посетата на Македонија и по серијата официјални средби со македонските авторитети Словенците го посетиле и Цветниот пазар. На шега коментирале дека Македонците се побогати кавалери од Словенците, бидејќи плаќаат трипати поскапи цветови од нив Скопје може да стане центар во регионот за одгледување и извоз на орхидеи. Вечер дознава дека претставници на словенечка фирма, лидер во Југоисточна Европа за производство и пласман на овој вид цвеќе, неодамна биле во официјална посета на нашата држава, ги разгледале условите за инвестирање, оствариле официјални средби со македонските авторитети и во моментов прават студија која треба да им ја покаже економската оправданост на инвестицијата. Нашите извори тврдат дека Словенците најголема заинтересираност покажале за влез во јавно приватно партнерство со ЈП Паркови и зеленило". Тие посочуваат дека инвеститорите во нашата држава престојувале на покана на министерстот за земјоделство Љупчо Димовски, но неговиот кабинет, за жал, не успеавме да добиеме официјална потврда за тоа. И Душан Авировиќ, првиот човек на Паркови и зеленило" не ја потврди, но не ја ни демантираше информацијата. Тој само рече дека јавното претпријатие има одличен капацитет и едуциран кадар со искуство во производство и пласман на цвеќиња, а дека јавно-приватно партнерство е добар модел којшто би можеле да го применат. Авировиќ се огради од каков било коментар појаснувајќи дека тие се, сепак, градско претпријатие и дека работат според планот и програмата на Град Скопје. Нашите извори, пак, тврдат дека Словенците го посетиле и Цветниот пазар, каде што се продава и резано и саксиско цвеќе и биле зачудени од високите цени на орхидеите. На шега коментирале дека Македонците се побогати кавалери од Словенците, бидејќи плаќаат трипати поскапи цветови од нив. Ова егзотично цвеќе во македонските цвеќарници пристига од Холандија, која е најголемиот производител во Европа. Според експертите во цвеќарството, Скопје има идеална клима и идеална географска положба за дистрибуција на романтичните цветови во поширокиот регион, бидејќи орхидеите не можеле да трпат транспорт подолг од 500 километри. http://vecer.com.mk/?ItemID=76A2E94F8A67FF4C8D0F18BDCD606D6A

Супер вест, мада најарно да пресадат веќе израснати дрвја и тоа да ги наредат густо, за колку-толку да го маскираме оној резил наречен Маџир Маало

Немаше таму некои субстандардни куќарки од тоа маалото позади?

СЕ СЕЧАТ ТОПОЛИТЕ НА БУЛЕВАР СРБИЈА

Екипи на Градот Скопје деновиве исекоа 15 суви стебла на тополи на булевар Србија. Стеблата за сечење претходно се проверени и обележени од  претставници на Секторот за комунални работи на Град Скопје. Акцијата ќе продолжи и натаму и на терен ќе се работи  етапно  се додека не бидат исечени сите обележани стебла. На булеварот Србија во текот на годинава се исечени 150 стари, заболени и накосени тополи од дрворедите. Поради плиткиот корен и високиот раст на тополите постои опасност од нивно паѓање и предизвикување несакани последици. Отстранувањето на стеблата треба да ја зголеми безбедноста на минувачите и да го заштити здравјето на граѓаните коишто имаат алергиски реакции во сезоната на цветањето на топололите. На местото на исечените тополи кон крајот на месец октомври и почетокот на ноември екипите на ЈП „Паркови и зеленила“ ќе засадат нови листопадни садници. Градот Скопје ќе спроведе акција за заленување на градот и на општините ќе подели 5.000 листопадни садници. За овој проект од Буџетот на Град Скопје ќе издвои 2.600.000 денари.

http://www.skopje.gov.mk/ShowAnnouncements.aspx?ItemID=3669&mid=482&tabId=1&tabindex=0