Стани… Оди и осветли ме… Сите ме газите, а никој не ме отвора…“

Oвие зборови пред повеќе од осум години го разбудиле од сон сега покојниот ѕидар Тихомир Крстовски од село Туденце, општина Јегуновце, и му го осветлиле патот до пространо ритче на 900 метри од неговиот дом. Возбуден од мистериозниот глас, кој му порачал да копа под јасените, Крстовски останал вчудовиден кога на половина метар под трите стебла пронашол камени столпчиња, остатоци од некогашен православен храм ги пренесува неговите кажувања Република.

- Стануваше рано затоа што се грижеше за добитокот. Тоа утро, паметам, беше седми февруари, прилегна да одмори некаде пред десет часот. Секогаш спиеше на долниот кат и не знам зошто токму тој ден прилегна на горниот дел во соба во која никогаш не одморал. По некое време стана возбуден, ги зеде лопатата и копачот и замина некаде. Кога се врати, вознемирен и возбуден ни објасни што пронашол – раскажува Илинка Крстовска, сопруга на Тихомир.
Соселаните и најблиските му се придружиле на Крстовски во копањето и од под земјата таложена со векови, на ридот викан Бучало Црквиште, по многу години светлината на денот ја здогледал, во тој момент, неидентификуван црковен објект.
Но, мистериозната приказна, која предизвикала морници кај жителите на дотогаш мирното и спокојно полошко село, не завршила тука. Три дена по откривањето на долго чуваната тајна закопана во подножјето на Жеден, мистериозниот глас повторно му се јавил на Тихомир на сон.
- Легна во истата соба и повторно се разбуди возбуден. Рече, ми се јави истиот глас и ми рече „ти кажав каде сум, но не ти кажав кој сум… јас сум свети Ѓорѓија и така да ме викате…“ Од тој ден натаму, Тихомир постојано одеше на темелите на црквата на ридот. Не беше преголем верник, но не беше ниту неверник. Беше чесен, добар и кроток човек. Ги почитуваше религијата и верата, а по гласот на Ѓорѓија Победоносец и по откривањето на црквата, постојано размислуваше како да го возобнови заборавениот храм и да го послуша аманетот од сонот – објаснува Илинка.
Храмот, кој го испитувале сите стручни домашни институции и специјалисти, се претпоставува дека потекнува од рановизантискиот период, меѓу третиот и шестиот век. Се наоѓа на излезот од селото Туденце по еден од старите патишта за Скопје, денес коњска патека. Селаните раскажуваат дека во минатото денешните полошки села биле под вода, а над храмот на свети Ѓорѓија, на патот за главниот град, се наоѓало селото Селиште, кое одамна заминало во историјата.
Интересно е што не постои ниту еден пишан, ниту, пак кажан податок за постоењето на мистериозно откриената црква под Жеден.
- Проверувавме во историски архив, во музејот во Тетово, како и во црковните книги и архиви и никаде не стои ништо запишано за постоењето на црквата што ја откри татко ми. Уште помистериозно е што никој од селаните во регионот не памети дека барем слушнал приказна за постоење на сличен објект на местото или во подножјето на Жеден – раскажува Душко Крстовски, син на Тихомир.
Тој објаснува дека не е случајно што свети Ѓорѓија побарал да биде откриен по толку векови. Според Крстовски, на тој начин е спасен најстариот триконхален храм во Македонија.
- Непосредно пред да се случи сонот, екипи на телефонскиот оператор Космофон беа дојдени и го обележуваа местото за поставување базна станица. И тие останаа со замрзнати погледи кога татко ми ја откри црквата. Веднаш ја преместија станицата подолу од местото и дури и донираа пари со кои беше направена конзервацијата на остатоците од темелите. Беа уплашени и ни рекоа „леле луѓе што ќе направевме“. Сите случувања околу оваа приказна на некој начин нѐ вознемирија и нас, па долго време беше одложуван почетокот на градбата, а едно време се преиспитувавме себеси дали воопшто да почнеме, затоа што наидувавме на пречки, кои ни зедоа многу години – раскажува Душко.

Повеќе во Република

http://republika.mk/?p=108419

Originally posted by alexsend За кога ќе банкротираме, пропаднеме, се поделиме да има каде да се молиш. Друго и така нема што да правиш тогаш.

Ахахахах!
Па добро, им текнало ондак... Со забрзано темпо ги градат, близу сме до поаскуваната цел.

Немам ништо против... но, која е потребата од толку нови верски храмови низ Мк? Стварно не можам да разберам, никаде не сум видел (надвор од Балканот) новоизградени цркви...

Соборниот храм ќе добие уште две кабини за палење свеќи

Браво за сликава. Мислам дека досега не сум видел фотографија од изградбата на оваа црква.

03.06.2013 - Прилеп после сто години доби нов свет храм - „Св. Константин и Елена“

Не најдов нишка за Св.Илија во Аеродром па затоа тука ќе ги постирам сликите од Црквата и помошниот објект (кој сеуште е во фаза на градба но е при крај).
Се извинувам за квалитетот на сликите но апаратот во ноќно време вади лоши слики (особено во неосветлени делови).

Во Скребатно ќе никнaт конаци и нова кујна

Со верски обичаи, денеска, во Скребатно, непосредно до црквата Св. Богородица, беа поставени темели за изградба на објект во кој ќе биде сместена новата кујна каде ќе се подготвува традиционалниот ручек за празникот посветен на заштитничката.



-Една од главните причини за изградба на новиот објект е тоа што недостасуваа огништа за подготовка на ручекот по повод празникот Св. Богородица, односно имаше потреба од изградба на нови. Моментално има 10 огништа за котли од по 150 кг, а со изградбата на новиот објект ќе има 14-15 огништа.-изјави Зоран Германоски – член на црковниот одбор Св. Богородица Скребатно.



Објектот чија основа е 160 метри квадратни ќе има два ката. На приземјето ќе биде сместена новата кујна со помошна просторија за подготовка на месото. На кат ќе бидат изградени апартмани-конаци.



Потребните средствата за изградба на новиот објект биле собрани по пат на донации на верниците во црквата Св. Богородица. Од Црковнот одбор најавија дека објектот комплетно ќе биде завршен за околу три месеци, односно пред празникот Голема Богородица кој се одбележува на 28-ми август.



Покрај изградбата на кујната, Црковниот одбор набави и косилка за трева, за која битолската фирма „Евростил“ во знак на поддршка одобрила попуст од 500 евра. Исто така извршена е набавка и на теренско возило „Нисан Патрол“ со нож за расчистување снег, со цел излетничкото место да биде достапно за посетителите и за време на зима.



Скребатно, за прв пат во пишан документ се спомнува во 1583година. Ден денес луѓето кои потекнуваат од овој крај грижливо ја чуваат вековната традицијата и претставува вистински пример како треба се почитува едно свето место. Веќе втора деценија успешно функционира црковен одбор на православниот храм Св. Богородица, кој се менува на две години.

Црквата целосно е возобновена пред 7 години на темелите на стариот храм, кој со точност не се знае од кога потекнува, а постојано се уредува и излетничкото место, каде во прекрасниот природен абиент опкружен со извори, изградени се одморалишта, скари, фурни, спортски терени, паркинг простор, поставени се маси и клупи, а хигиената се одржува на исклучително високо ниво. На посетителите на располагање им е целокупниот инвентар, кој само треба да го чуваат, онака како што локалното население го чува овој преубав комплекс во Скребатно.

http://ohridnews.com/index.php?mod=1&kat=4&id=54363

Конкретно во Општина Аеродром заедно со реконструкцијата и доградбата на црквата св.Илија (кај поликлиниката Јане Сандански) се изградени/реконструирани или во градба 6 цркви (без малите црквички кој се поставени кај фонтаните на влезот на Општината и во Ново Лисиче и пред ТЦ Бисер од страна на граѓаните) , да напоменам св.Илија е само реконструирана и дограден е еден дел но црквата беше постоечка што значи дека во градба или изградени се 5, а севкупно (повторно без тие малечките) се 7 цркви.

Црквите кој се изградени или постоечки се:
- Св.Илија - Јане Сандански
- Св.Петар и Павле (прва црква во општината која е прилично стара) - село Горно Лисиче
- црква во парк Јане Сандански - нас.Јане Сандански (лева страна)

Цркви во градба:
- мислам дека е безимена - Раскрсница Сансет/Мајчин Дом
- црква во парк Аеродром (не го знам името, има тема за неа) - нас.Ново Лисиче
- црква во Реонски центар (не го знам името, има тема за неа) - Реонски Центар Аеродром
- црква на бул.Србија - нас. Јане Сандански (десна страна)

Ако има уште некоја јас не сум запознат со нејзиното постоење или градба.


Edited by daci92 - 12-Apr-2013 at 19:42