Јавен автобуски превоз (општо)

Долго време трубам дека директорот на ЈСП дефинитивно не е способен да го води оваа јавно прдпријатие. И ајде настрана што не е способен да воведе дневни билети, што не е способен ниту да направи и збере асални мапи за јавниот превоз туку ни сервираше некој си чрканици за кои треба навистина човек да има факултет завршено а и 30 минути време да ги анализира за да стигне од точка А кон точка Б, да не зборувам за начинот на наплата и слично. Човекот едноставно не е способен ни да ја одржува хигиената во автобусите а за одржување исто така се сомневам. 

Има многу ѓубре во новите автобуси



Патник во двокатен автобус на ЈСП „Скопје“ на линијата број 3 пред неколку дена бил непријатно затечен кога наместо да седне во чист автобус, од двете страни на горниот кат се соочил со купчиња отпадоци. Револтиран од глетката, го фотографирал ѓубрето и се пожали во нашата редакција.

- Тоа беше во вторникот околу 17 часот кога се качив на почетната станица во Ново Лисиче. Освен што се соочив речиси со депонија, внатре во автобусот имаше и многу прав. Имаше нечистотии на пластиката на седиштата, а валкани беа и прозорците. Автобусите не треба да се чистат само однадвор, туку и однатре. Зарем не може во возилата да се постават мали канти за отпадоци - вели Ивица Ивановски.

Во претпријатието велат дека хигиената во возилата се одржува редовно, а за неа треба да се грижат и самите патници.

- Возилата се мијат наутро и навечер и редовно се пребришуваат. Имаме хигиеничари внатре чистат со џогери, метли и со специјални правосмукалки. Освен тоа, сега на новите автобуски постојки има и канти за отпадоци, па патниците може да го фрлат отпадот пред да влезат. Но, нашата култура на однесување е таква каква што е. Досега сме немале поплаки од ваков вид - вели Билјана Јанкуловска, шеф на кабинетот на директорот на ЈСП.

Таа додаде дека ќе се обидат да најдат начин за поголема хигиена.

- Би можело да се постават помали канти на места каде што не би им пречеле на патниците, но тие би биле, пред с`, за билетите што се поништуваат. Во автобусот јасно е назначено дека е забрането да се внесува сладолед, домашни миленичиња и храна. Најчесто внесуваат храна средношколците, а неколкумина од нив досега биле вратени од возачите - вели Јанкуловска.

Според Kодексот на однесување на патниците на ЈСП им е забрането: попречување на одговорното лице во вршење на својата работа, задржување во возилото на начин што ја попречува наплатата на билети, оневозможување да се отворат вратите, нивно насилно отворање, влегување и излегување од возилото додека е во движење, фрлање отпадоци, оштетување на возилото, пушење и консумирање храна и пијалаци.

(А.П.)



Приватниците сами си чистат

За одржување на хигиената во приватните автобуси индивидуално се грижат нивните сопственици. Ова го тврдат и во приватното претпријатие за јавен градски превоз „Слобода превоз“ и во „Мак експрес“.

Kако што вели Ленин Јовановски, директор на „Слобода превоз“, хигиената во автобусите не зависи само од нивното одржување туку и од корисниците на услугите, а понекогаш влијаат и временските услови.

- Внатре автобусите редовно се чистат по завршување на работата. Тоа го прават самите сопственици. А надворешно, секој втор или трет ден. Сопственикот или сам го мие или го носи во салон за миење. За разлика од ЈСП, ние немаме каде да ги оставаме автобусите. Секој сопственик го остава на место кое сам го наоѓа - вели Јовановски.

Тој тврди дека за разлика од порано, последниве години немале поплаки во врска со хигиената во автобусите.

Сличен став има и Војо Велески, еден од сопствениците на „Мак експрес“.

- Возилото се чисти пред секоја смена. Се чисти внатрешниот дел, а покрај подот, се бришат и столчињата и држачите. Однадвор автобусите се мијат во зависност од временските услови. Налето, кога нема дождови, тие не се мијат однадвор и по неколку дена, но кога времето е врнежливо, тоа се прави секој ден. Секој сопственик сам го прави тоа. Некои ги носат во приватни салони за миење каде што плаќаат по 300 или 400 денари - изјави Велески.

Тој вели дека контролорите ги опоменуваат возачите што возат нечисти автобуси, но засега нема казни.

http://dnevnik.mk/?ItemID=92FB69A65F23014088F6F6EE501731CB