Верски објекти (општо)

Започнаа градежните работи за реконструкција на црквата Успение на Пресвета Богородица во Демир Капија

13.11.2012

Црквата Успение на Пресвета Богородица за верниците од Демир Капија била предадена во употреба во 1937 година. Оттогаш па досега постепено овој божествен храм од забот на времето се оштетил како во внатрешноста, така и на надворешната кровна конструкција и фасада.

На последната седница што ја одржа Советот на општината Демир Капија советниците беа запознати за лошата состојба на црквата Света Богородица. За да се заштити црквата има потреба од изработка на нова фасада и покривање на покривот со пластифициран лим. Покрај ова има потреба и од извршување на градежни работи на новоизградениот објект во кој се наоѓаат крстилница,трапезарија и капела.

По расправата што се водеше помеѓу советниците и градоначалникот беше донесена одлука за доделување на парична помош на црквата Света Богородица во износ од три милиони денари со цел да се изврши реставрација на фасадата, покривање на кровната конструкција со два пати пластифициран лим, покривање на рамна плоча на објектот трпезарија со подна покривка и оградување на плочата, уредување на капелата и некои други дополнителни активности.

Моментално се врши реставрација на фасадата а во наредниот период ќе следува и реновирањето на кровот. Со завршувањето на овие градежните работи ќе се заштити црквата и ќе добие нов лик.




http://regioni.mk/%D0%B7%D0%B0%D0%BF%D0%BE%D1%87%D0%BD%D0%B0%D0%B0-%D0%B3%D1%80%D0%B0%D0%B4%D0%B5%D0%B6%D0%BD%D0%B8%D1%82%D0%B5-%D1%80%D0%B0%D0%B1%D0%BE%D1%82%D0%B8-%D0%B7%D0%B0-%D1%80%D0%B5%D0%BA%D0%BE%D0%BD%D1%81/

Edited by Makedonij - 22-Feb-2013 at 21:00

Restavracija na crkvata vo Mlado Nagoričane

Смешки ( конкретна анализа ).

За давање донации  за изградба на џамии тоа го има ,го имало, и секогаш ќе го има, тоа никој не може да го спречи ,тоа е нешто што некој го дава самоволно.
Но донаторот да има влијание на џамијата ,ова мислам дека нема апсолутно никаква врска. Секој иде во џамија да си ја изврши молитвата,никого не го интересира кој е донаторот, иначе (донаторот) не ни сака да му се спомне името дека направил донација, а камо ли да има некакво влијание...

Дали се тоа легални или нелегални ( за ова нема да зборам ) пошто има доста работи што не се за кажување оти ќе се крева прашина,и муабетот ќе отиде од политичка кон религиозна база.

Турската Тика финансира само проекти од отоманската архитектура што сеуште постојат (или постоеле па се срушени,или се руинирани, или им треба конзервација или реконструкција).

Колку за информација Саудиска Арабија (т.е Саудискиот крал) низ сите земји во светот кани гости (за време на аџилак ) во негова сметка, од македонија тој број е 20-30  луге,а не како што е спомнато во текстот погоре 25-30 аутобуси ,за патување во Аџилак се наплатува 2500 до 3000 Евра за секој Аџија, верската заедница едино наплатува за визите другото го зимаат агенциите.

Извадок од една многу конкретна анализа за бројот и финансирањето на ново иградените џамии.

Кој ги гради џамиите во Македонија?
Зоран Митевски

Повеќе од 350 џамии се изградени во Македонија во последните десет години. Само во главниот град и неговата околина има дваесетина нови џамии, најчесто изградени без одобрение за градба и без комплетна документација, неопходна за објектот да биде легален.

Експанзијата на градење џамии е најочигледна во западна Македонија, како и во северните делови од земјата. Но, последните години се гради и околу Штип и Валандово. Кој ги дава парите за џамијата не е небитен податок. Тој што донира за нејзината изградба подоцна има и влијание врз неа. Но, тие податоци е тешко да се прецизираат.

Според грубите процени на градежите фирми што се занимаваат со изградба на џамии, за да се направи еден ваков објект се потребни повеќе од еден милион евра. Само минарето може да чини од 50 до 60 илјади евра. Разликата во цената зависи од материјалите што се користат за изработка на објектот, од бројот на минарињата и госелмината на џамијата.

Интересно е тоа што новите џамии во Македонија се градени според арапски терк, за разлика од постарите верски објекти од времето на Отоманската империја.

Според разузнавачки извори, најмногу пари за изградба на џамиите доаѓаат од арапските држави, како Саудиска Арабија, Кувајт, Катар и Египет. Официјално, пак, најмногу пари плаќа Владата на Саудиска Арабија. Овие пари првично се наменети за отворање училишта и за промовирање на религијата, како и за аџилак во Мека и Медина. Пред десет години од државата на аџилак заминувале верници со еден автобус, што значи до 50 луѓе од Македонија, а последниве неколку години на пат заминуваат од 25 до 30 автобуси. Според официјални информации на Исламската верска заедница, превозот за овие верници го плаќа Владата на Саудиска Арабија, чие население 97 отсто (или 25 милиони луѓе) е муслиманско.

Во последните 10 години влезени се една милијарда евра за ширење на исламот, од кои 600 милиони биле наменети само за изградба на џамии. Другите пари се наменети за аџилак, други простории, за хуманитарна помош за Ромите, за стипендии.

Според познавачи на оваа проблематика, најголем увозник на радикалниот ислам во државава е Саудиска Арабија.
И во Босна и Херцеговина, од каде што се смета дека доаѓа радикалниот ислам во Македонија, најголем финансиер за изградба на џамии е Владата на Саудиска Арабија. Со нејзина поддршка во Босна се изградени околу 140 џамии, како и мегаџамијата на кралот Фахд во Сараево.

На списокот на земји што се главни финансиери на изградбата на џамиите во Македонија се и Катар, Кувајт, Малезија, Либија и Египет.

Турската агенција за соработка и развој (ТИКА) ја финансираше реконструкцијата на Мустафапашината џамија. Според информации, сите фирми што ќе се пријават на јавен тендер за обнова или изградба на некој објект, подоцна стануваат донатори на пари што влегуваат во државава на ист начин како и во Босна и Херцеговина, јужна Бугарија, во Чеченија и Азербејџан, во Узбекистан, Киргистан и Казахстан.

(Авторот е поранешен помошник директор во Агенцијата за разузнавање во Република Македонија)

..............Каде имаме нови џамии
- од излезот на Скопје по патот кон Гостивар се изградени 88 нови џамии
- во селото Теарце е обновена старата џамија, а овој период се градат уште три нови џамии
- од патарината во Тетово до Скопје се забележува дека во секое село има нова џамија
- клучка на влезот на Тетово (десно од патот има недовршена џамија)
- на влез во Гостивар (џамија со две минариња)
- по стариот пат за Гостивар преку Боговиње (десетина нови џамии)
- по една нова џамија во селата Чегране и Форино
- нова џамија на влезот во Куманово (кај Дивата населба)
- во Слупчане, Ваксинце и во Липково
- во Кичево има седум џамии, а сега се гради и осмата
- џамија во изградба на магистралниот пат Кичево
- Охрид
- во источна Македонија најчесто се градат џамии во ромските маала, а во последните три години има џамии во ромското маало во Струмица, во Виница и во јуручките маала во Радовишко
- нови џамии во Валандово и во Демир Хисар (финансирани од турската влада)
- џамии во сите села во Струга
- џамија во Велес и во Битола
- две нови џамии кај клучката за влез во Скопје
- една во селото Нерези, веднаш до манастирот „Пантелејмон“
- две во шумата Водно (нема населено место околу нив, само три куќи)
- во населбата Бутел, патот кон градските гробишта
- во населбата Карпош
- џамија Араста во Старата скопска чаршија
- две џамии во населбата Ченто
- една во населбата Бутел
- две џамии во Арачиново
- една џамија во Катланово
- една џамија кај аеродромот Александар Велики
- три џамии во населбата Шуто Оризари
- по една во селата Студеничани и Моране
- една во Чифлик, кај селото Свети Петка
- неколку џамии во Кондово и во Шишево
- една во Љуботен

http://www.mkd.mk/97469/kolumni/koj-gi-gradi-dzamiite-vo-makedonija-zoran-mitevski/

Храм Св.Спас село Матејче

Originally posted by Makedonij Св.Архангел Гаврил Ченто-Маџари Posted: 20-Mar-2011 at 09:40 By Makedonij

Originally posted by Danielbtmk Postaven-kamen-temelnik-na-nova-crkva-vo-kocanskoto-selo-Vidoviste]Поставен камен темелник на нова црква во кочанското село Видовиште.Во присуство на голем број верници и гости од населените места Видовиште, Мородвис и Зрновци, во кочанското село Видовиште е поставен камен темелник на нова црква, која ќе го носи името на „Свети Климент Охридски“.Чинот на осветувањето на камен темелникот на новата црква го изврши Митрополитот Брегалнички господин Иларион во сослужение на свештено служители од Брегалничката епархија. Ова е уште еден храм од низата храмови што се градата под покровителство на Македонската православна црква и посебно сум среќен што на ова древно место ќе никне храм, кој ќе му служи на народот, како што тоа беше пред стотина години кога на овој простор постоеше Мородвишката епископија како епископски центар,истакна во своето обраќање пред присутните митрополитот Брегалнички,господин Иларион. Градоначалникот на Општина Зрновци Блаже Станков, во чиј атар се наоѓа селото Видовиште, потенцира дека црквата ќе се гради со сопствени средства и истата треба да биде готова за три месеци. Село без црква, е како народ без корен, па затоа ја градиме оваа црква на нашиот патрон Свети Климент Охридски, рече Станков. Финансиските средства се обезбедени од општинскиот буџет и донација од верници од општина Зрновци. Posted: 29-Mar-2012 at 14:55 By Danielbtmk

ставање на камен темелникот на црквата во с. Видовиште, на ден 29.03 четврток во 12 часот ги покануваме сите верници кои сакаат да присуствуваат на овој свечен ручек



Izgradba na crkvata vo tek vo Vidoviste...24. junij 2012





Црквата „Св Климент Охридски“ во с.Видовиште 28. januar 2013

Originally posted by lslcrew Еве нешто што најдов по нет.... Возобновување на црква Св. Димитрија - плоштад Охрид.Според кажувањето на г.Благојче Вељановски,со благослов на Митрополитот Дебарско-кичевски и Плаошкиг.Тимотеј,пред три години формиран е иницијативен одбор за возобновување на црквата Св.Димитриј–градски плоштад Охрид, и конституиран е исто и црковен одбор.Според проект,основата на црквата е со димензии: 17,5 м во должина, 12,5 м во широчина, на две висини и плус петте куполи и камбанарија со градски саат. Ваквата димензионираност се базира на преданијата за изгледот на старата црква,а проектот го има изработено архитектот Ристо Андоноски.Старата ранохристијанска црква св. Димитрија била изградена во VI век и постоела до доаѓањето на турците, во XIII – XIV ја срушиле и врз темелите изградиле џамија, која постоеше до 1947 година.Во 1961 година археолозите, Вера Битракова и Елена Чипанова при истржувањето на темелите утврдиле дека тука била црквата, а пронајдена е и иконата на Св. Димитрија и средишниот мермерен столб. Параклисов е изграден врз местото на нејзините темели.Во параклисот се слуша прекрасното византијско црковно пеење на презвитера Дивна Љубоевиќ. http://preminportal.com.mk/content/view/189/71/

вероватно конаци кои по обичај ќе ги користат `погорните` слоеви на МПЦ

Во Ерусалим имаме локација за Македонска црква

Како мирјанин, Станинов апелира до МПЦ да најде сила и можности да направи фонд и да ја купи локацијата за црква, работа што, според него, е веќе 90 отсто завршена. За ова, како што вели, имаме поддршка од израелската влада, но и од нашите полубраќа Палестинците





Токму на местото каде што Исус Христос се движеше по патот на страдањето до Голгота, позната како улица Виа Долороса во Стариот Ерусалим, требаше да се наоѓа и храмот на Македонската православна црква-ОА. Работата беше речиси завршена, но и покрај неколкуте посети во 1999, 2000 и во 2001 година на Ерусалим, проектот за црквата замре. Вака Сашко Станинов, адвокат и поранешен функционер во Владата на Љубчо Георгиевски, објаснува како настанала идејата за верски храм на МПЦ во светата земја. Тој потврдува дека тоа можело да стане реалност уште во 1999 година, кога бил главен иницијатор и предводник на таквата идеја. Вели дека пред него, во 1999 година, во светата земја не бил никој од тогашната влада.
Неодамна, дознавајќи од дипломатски извори, „Нова Македонија“ објави дека во лобирањето за тоа како ќе се изјасни нашата држава во Обединетите нации по прашањето за приемот на Палестина како членка-набљудувач, наводно биле вклучени и двете страни, кои лицитирале со изградба на црква на МПЦ на териториите на Израел и на Палестина. Официјална потврда на информациите не можевме да добиеме ниту од македонските ниту од израелските или палестинските власти, но во разговор со аналитичари и црковни великодостојници, како и со упатените во односите на Македонија со Израел и со Палестина, дознавме дека идејата досега не е реализирана главно поради непризнаениот статус на МПЦ во православието. Дополнителен проблем е што Грчката црква во Израел има доминантно влијание во православието, што се оценува како сериозна пречка за каква било реализација на проектот.

Каде што се спојуваат крстот и месечината

Желбата на Станинов била голема и се појавила уште кога првпат го посетил Ерусалим. Токму на местото каде што требало да се наоѓа Македонската црква почувствувал огромна енергија.
- Првата посета на македонската делегација беше во 2000 година. Кога Ехуд Олмар беше градоначалник на Ерусалим, тогаш се роди идејата за храм на МПЦ во светиот град - додава Станинов.
Како што вели нашиот соговорник, тогаш имало предлози да поставиме табла со молитвата „Оче наш“ на местото каде што Исус ја кажал уникатната формула за отворање на патот до увото на неограничената енергија, што обичниот човек ја нарекува Господ, а квантните физичари - неограничена енергија. За разлика од тоа, сите патријарси и архиепископи заклучиле што е Господ - дека тој е неограничена енергија.
- Во Ерусалим не може да се гради. Затоа сакавме да купиме објект за црква. Тоа и се оствари - вели Станинов.
Тој додава дека во една од делегациите одлучиле црквата да не ја сместат на локација каде што ќе има големи врати што се отвораат со далечински управувач, туку објектот да се наоѓа на местото како што е претскажано во откровението по свети Јован.
- Таму се вели дека онаму каде што ќе се спојат крстот и месечината, еден библиски народ ќе направи црква и ќе го слави името божје. Ја имавме таа можност сликовито во таа персонификација да бидеме на тоа место - вели Станинов.
Во 2000 година во делегацијата се вклучил и владиката Наум, од струмичката епархија кој, како што вели Станинов, со сета сила и енергија настојувал да најде решение. Сепак, тој смета дека во целата идеја и борба, реализацијата на проектот црква во Ерусалим не му одговарала некому внатре во МПЦ.
- Сепак, Господ го чува тоа место за нас, ние сме божјата промисла. И премиерот Никола Груевски и челниците од МПЦ го знаат местото, за кое сопствениците добија понуда од 30 милиони долари и не ја продадоа локацијата. Плацот не смее да биде отуѓен ниту на Палестинци, ниту на Евреи - додава Станинов.

Црква во Ерусалим до 2018 година

Неговиот став за локацијата на црквата бил јасен. Тој инсистирал црквата да се наоѓа во светиот град, а не надвор од него, зашто само така ќе се создало нешто единствено и македонско.
- Нашата вековна желба и идеја на Ѓорѓи Наумов, ексминистерот за правда, кој се залагаше за законско одбележување на 2.000-годишнината од раѓањето на Исус се имплементира во Милениумскиот крст и на Плаошник - вели Станинов.
Како мирјанин, Станинов апелира до МПЦ да најде сила и можности да направи фонд и да ја купи локацијата за црква, работа што, според него, е веќе 90 отсто завршена. За ова имаме поддршка од израелската влада, но и од нашите полубраќа Палестинците.
- Драго ми е што на еден начин Македонија се придружи во групата на, не конкретно поддржувачи на Израел, туку поддржувачи на љубовта божја, односно изградив Музеј на холокаустот во Скопје и им ги врати имотите на Евреите - нагласува Станинов.
Тој вели дека Македонија со Израел не водела војна, нема никакви спорови во врска со јазикот, идентитетот, религијата. Станинов додава дека премиерот Груевски не ветил дека ќе го исполни ова, но затоа би сакал од душа да вети, ако не во проектот „2014“ барем во проектот 2018-та да се направи црква во Ерусалим.
Следната цел е таму да се постави молитвата на Господ на 99 имиња, чија универзална љубов се спојува на ова парче место, кое се нарекува Македонија.


„Оче наш“ на македонски во Ерусалим

Поглаварот на МПЦ, г.г. Стефан, во 2007 година извршил осветување на плочата со текстот на молитвата „Оче наш“ на македонски јазик со староцрковни букви во Ерусалим. Покрај неговото име, на плочата е потпишано и името на фамилијата Станинов-Вуковски.
- На тоа место каде што се наоѓа француската црква добивме дозвола и Господ дозволи да добиеме признание под нашето име. Плочата е на завидно место на влезот на самиот храм - вели Станинов.
Тоа била 155-та поставена плоча по ред. По неа, плочи се поставени на уште шест други јазици, но и текст за луѓе со оштетен вид.
Кога се лепела петтата табла за слепите на македонски јазик во Ерусалим паѓал снег, вели Станинов.


       
Автор: Радмила Заревска            
http://www.novamakedonija.com.mk/NewsDetal.asp?vest=1291390303&id=9&prilog=0&setIzdanie=22791

Edited by gjoko - 30-Jan-2013 at 01:02