Катни гаражи куп, паркинг-простор нема Со секој нов детален урбанистички план се предвидува по едно ново паркиралиште и по една нова катна гаража, а познато е дека деталните урбанистички планови се носат со брзина на светлината, поради што не ни можат да се избројат новите паркинг-места Во изминативе дваесетина години паркирањето е едно од најгорливите прашања во градот. Се отворија неколку нови паркиралишта на јавното претпријатие „Градски паркинг“, се воведе зонско паркирање, се изградија неколку катни гаражи, а сепак место за паркирање нема. Во досега изградените гаражи има речиси 1.300 места за паркирање, но проблемот е што во секоја има најмалку по 15 отсто деловен простор. Единствена катна гаража којашто нема деловен простор е онаа во населбата Јане Сандански до трговскиот центар „Бисер“, на АДГ „Илинден“, и во неа има 242 паркинг-места. „Зебра“ на Владимир Тодоровиќ, градоначалникот на општината Центар, во Капиштец многу повеќе личи на трговски центар отколку на катна гаража. Во неа има 460 места за паркирање, но исто така и супермаркет, хотел, дуќани и кафулиња. Жителите на Капиштец и ден-денес сметаат дека месечниот билет е многу скап. Во трговскиот центар „Веро“, освен дуќани, има и 500 места за паркирање. Катната гаража што ја изгради Ајдован Адемовски до зградата на групацијата НЛБ Тутунска банка, наместо предвидените 550, има само 150 места за паркирање. Гаражата кај Универзалната сала има 136 места за паркирање, но и во неа е предвидено 15 отсто од објектот да биде за деловни простории. ПЛАНОВИ, ПЛАНОВИ, ПЛАНОВИ Водени од желба конечно да го решат проблемот со недостигот од паркинг-просторот, градоначалниците со секој нов детален урбанистички план предвидуваат по неколку катни гаражи, но дали и практиката со пренаменување на објектите ќе остане иста останува да се види. Во следниве неколку години во градот е планирано да се изградат 17 катни гаражи и четири монтажни паркинзи. Дури 13 гаражи и еден монтажен паркинг е предвидено да се изградат во општината Центар, каде што проблем со метежот во сообраќајот и со недостигот од паркинг-места е најголем. Втора по ред е општината Аеродром, која сега има една катна гаража, а планира да се направат три монтажни паркинзи. Во другите општини досега не се изградени катни гаражи, затоа што немале проблеми со недостигот од паркинг-места, но од повеќето општини најавуваат дека со новите измени во деталните урбанистички планови е предвидено да се изградат катни гаражи. Така, во Гази Баба се предвидени две гаражи во населбата Автокоманда и една во Чаир до Албанскиот театар. Од тринаесетте катни гаражи што треба да се изградат во општината Центар, три ќе ги гради општината, кај старата зграда на „Нова Македонија“, на улицата Бихаќка и кај Македонската телевизија. Во овие катни гаражи треба да има вкупно 1.860 паркинг-места, а од општината најавија и дека во објектите не е предвиден деловен простор. Градските власти треба да направат две катни гаражи кај „Автомакедонија“ и на улица Даме Груев со 800 паркинг-места. Јавното претпријатие за стопанисување со станбен и деловен простор треба да изгради четири катни гаражи, две кај МЕПСО, една кај Музејот на холокаустот и една кај Работничкиот дом. Со овие гаражи треба да се обезбедат 1.300 паркинг-места. Зад Собранието се гради катна гаража за 225 возила. НАЧИН ДА СЕ ОДБЕГНАТ ВИСОКИТЕ КОМУНАЛИИ Скопјани велат дека само прашање на време е кога новопредвидените катни гаражи ќе прераснат во деловни центри. Тие сметаат дека катни гаражи се предвидуваат само за да се избегне плаќањето на високите комуналии за изградба на деловни центри. - Со целиот простор предвиден за паркирање досега требаше да има по едно паркинг-место за секое семејство во центарот на градот, како и за вработените во институциите сместени тука. Но, и покрај многубројните најави за нови гаражи, како и воведувањето зонско паркирање, ние возилата го оставаме по тротоари, на зеленило, па дури и среде улица. Да имам каде да паркирам, нема да го оставам автомобилот да ми го собира „пајак“, за потоа да плаќам исто како цел месец да сум ја заборавил колата на некој од најскапите паркинзи во градот. Проблемот е во тоа што кај нас секоја катна гаража со деловен простор, по неколку месеци станува деловен простор со места за паркирање - вели Стојан Соколов. Општината Аеродром е втора по ред со хаосот за паркирање. Иако тука е катната гаража до ТЦ „Бисер“ со 242 места, се воведе и зонско паркирање, се отворија 218 нови паркинг-места под Транспортниот центар, место за автомобилите понекогаш нема ни за лек. Затоа надлежните планираат да се постават три монтажи паркинзи. Но поставувањето на првиот со капацитет од 38 места за паркирање, заврши со протест на станарите на зелените згради на булеварот Јане Сандански. - Им дадовме време на жителите да размислат дали сакаат монтажно паркиралиште со кое ќе се решат нивните проблеми. Тие се против овој проект, затоа што мислат дека со паркингот ќе се уништи зеленилото. Нивно е да одлучат дали сакаат да се постави паркингот. За десет дена би требало да добиеме одговор што решиле - појаснуваат од општината Аеродром. Другите две монтажни паркиралишта треба да се направат кај трговскиот центар „Бисер“ и во населбата Ново Лисиче. Седум милиони евра кредит Преку задолжување во банките, градот и општината Центар ќе ги градат четирите катни гаражи. Градот ги завршува главните проекти за катните гаражи кај „Лотарија на Македонија“ и кај цветниот пазар, кои треба да се готови идниот месец. Камен-темелникот за овие објекти се очекува да се удри до крајот на годинава. - Дел пари за изградба ќе се соберат од продажбата на деловниот простор во гаражите, а дел од кредити, кои за двете гаражи треба да се во износ од седум до осум милиони евра - рече градоначалникот на Скопје, Коце Трајановски. На ист начин и за истите пари и градоначалникот на Центар, Владимир Тодоровиќ, ќе ги гради гаражите кај МТВ, кај новиот кривичен суд и кај зградата на поранешна „Нова Македонија“. - До крајот на годинава треба да почне изградбата на катната гаража кај МТВ, а до март идната година и втората. Со двете ќе стопанисува нашето претпријатие „Паркинзи општина Центар“ - рече Тодоровиќ. Владата плаќа за паркирање Од Службата за општи и заеднички работи на Владата нé информираа дека и нивните возила кога се паркираат на некој комерцијален паркинг си плаќаат регуларно како и другите корисници. Државните возила не плаќаат паркирање само на паркиралиштата на министерствата и на другите институции. - Нашите возачи ретко чекаат на јавни паркиралишта, но кога ќе се случи тоа како и другите најрегуларно си плаќаат - ни изјави Васе Донев од Службата за општи и заеднички работи. http://novamakedonija.com.mk/NewsDetal.asp?vest=928101036192&id=14&prilog=0&setIzdanie=22094

Може би треба да се иде на некоја тактика со влез 10 денари и ефтини цени, да се привлечат возачите кон паркинзите наспроти досегашното широко толерирање бсправно паркирање, цени релативно скапи и слично. Па после со висината на цената да се регулира некако исполнетост ана паркингот. Да се оптимизира цената до некој баланс полн паркинг наспроти достапна цена. Некој модел на атракција наспроти асимилација.

Originally posted by Swimmer   ок јас дадов моја претпоставка, што мислиш ти, зашто е ?

моја претпоставка е дека секој треба да си паркира прописно и да пази колку простор им остава на другите за паркирање
а на овој ако му било тесно тоа место, можел слободно да бара друго

Originally posted by Swimmer отворање на врати бе друже, ако е поназад и себе и тој од десно нема да можат да влезат.. иако е лошо паркиран, баш на пролаз.. али ако нема паркинг места јбга... што се чека со обезбедување на истите.. нема ваљда да ги селиме..

е не зезај, не е тоа оправдување, ќе си излезе човекот од кола полека и во многу потесен простор
а ако е за тоа и јас живеам тука и знам како е да се паркираш, па не е оправдување тоа

не ми е јасно која е потребата од вакво нешто?

lsl, Ako e taka sto ne dojde pajak da mu go sobere voziloto? Ili diplomatski koli ne digaat?

А пази возачот да не е од Швајцарија... Тоа се локални сељаци. Да е само тој...

Нов паркинг, ама без светло

И три дена по официјалното пуштање во употреба на новиот градски паркинг под Транспортен центар, на поголемиот дел од паркиралиштето воопшто нема светло. Осветлен е делот само покрај улицата „Бојмија“, а на паркингот, кој, всушност, е под пероните на Железничката станица, едвај се гледа прст пред око. И малкуте граѓани што почнаа да се паркираат таму велат оти ќе се откажат од можноста што им се нуди, бидејќи местото личело на хорор-филм. Не само што е темно, па стравуваат за својата безбедност туку граѓаните се сомневале во безбедноста на возилото, бидејќи никој не им гарантирал за евентуална отштета.

На свеченото пуштање во употреба на паркингот градоначалниците Трајановски и Коневски информираа дека за уредувањето на паркингот се потрошиле околу 200.000 евра. Екипи на „Бергамо инженеринг“ и ЈП „Градски паркинг“ на подолгата на паркиралиштето поставиле павер-елементи, изградиле атмосферска канализација и нови сливници, но, очигледно, заборавиле на осветлувањето. (Дс.Т.)

Një orë = Влез

Добро е што овој простор конечно му се даде смисла додека да се реискористи за некоја наредна содржина доколку има градот потреба. Толку простор да стои така запуштен толку години е стварно нелогично, а може со малку бекатон да се реши и да биде од директна функција. Друга позитивна работа е што ова е практично гаража и ги штити возилата од атмосферски влијанија. Знаејќи дека изнајмување гаража во Скопје месечно може да достигне цена и до 50 евра, ова мислам дека е одличен избор за граќаните од околните згради. За само 4 евра месечно имаат пристап до покриен паркинг на километар од центар, под транспортен центар. Одлична шанса што не се пружа туку така секаде низ поголеми градови. Позитивна работа е што веќе нема да биде депонија како предходно, а може и најбитно од се е тоа.

Замерка за нефарбаните столбови што се во рамки на паркингот. И за поголема видливост како и неколкуте офарбани столбови, а и за да се покријат тие дамките од веројатно палење оган.


Edited by lslcrew - 08-Sep-2010 at 04:49