Музејски комплекс „Македонска Борба“

Originally posted by metodius Околу вклопувањето со околните објекти, ако одиме по таа логика, би требало целиот град да изгледа исто и униформно! На пример, градиме еден објект, и тој носи обележја од романички стил. До него градиме објект кој би се вклопил, исто романички стил. До него градиме стамбена куќа, романика. До неа, архив, погодувате романика. Накаде води ова?!

Најубавите градови во светот се баш такви... само помисли си:

Амстердам
Венеција
Фиренца
Дубровник
Прага

секој од нив си има свој препознатлив печат и по тој униформиран изглед се правело се и се уште се прави.

Настрана натегањево позиција-опозиција, целава драма ми личи на времето на комунистите кога се цртаа портрети од тито, битките од неретва и сутјеска и истите се поставуваа по фабрики, пошти, трговски центри, железнички и автобуски станици итн.

А друг муабет ми е, дека каква логика во денешно време има да се гради музеј со „цртежи на сцени“? Не ли му текнува на накој малце да користи современи технологии да се претстави историјата на уште повпечатлив начин???

СУДСКИ УВЕРЕНИЈА, ПА РАБОТА НА ДЕЛАТА ЗА КОМПЛЕКСОТ „МАКЕДОНСКА БОРБА“
ВМРО лустрира уметници за музејот

Ивана Васева

Само политички неизвалкани уметници, кои немале спорови со државата, не биле гонети, судени и не се идеолошки обележани може да изработуваат слики за комплексот „Македонска борба“ во кој ќе бидат сместени музеите на ВМРО и на жртвите на комунизмот, кој активно се гради на левата страна на реката Вардар во Скопје. За да бидат ангажирани во обемниот проект, уметниците морале да вадат судски потврди дека не работеле против државата и, како што велат, дека не биле членови на сомнителни и терористички организации. Според нив, ваквите обврзувања во денешниот општествено-политички контекст изгледаат прекумерно претпазливо, речиси репресивно и ги загрозуваат личната слобода и правото на избор. Тие додаваат дека дури и во минатиот политички систем, кога контролата на зборување и на однесување била зголемена, не почувствувале таков притисок. Уметникот Владимир Георгиевски, кој за потребите на музејот ги изработува портретите на браќата Миладиновци, вели дека во почетокот се побунил против тоа уверение, но бидејќи сакал да ги наслика основачите на националната преродба од средината на 19 век, сепак ја извадил потврдата. - Судот не може да го даде, ниту да го потврди тоа уверение. Како тој ќе ги докаже тие ставки? Овие уверенија се апсурдна работа, едно безумие. Јас и порано сум имал државни нарачки, но никој не ми барал вакво уверение. Тогаш само требаше да се извади потврда дека сме членови на Друштвото на ликовни уметници на Македонија и толку - вели Георгиевски. Еднакво гневен е и уметникот Коле Манев, кој за музејот на ВМРО ја насликал фигурата на Ѓорѓија Пулевски, во големина 2,3 метри на 1,5 метар. - Бидејќи сакав да работам на проектот, извадив една, а потоа уште една судска потврда. Но еве сега сакам да изработам уште една слика и ако пак ми бараат потврда, тогаш од принцип нема да соработувам веќе. Што би можело да се промени од моментот кога ја извадив последната потврда досега? - прашува Манев. Од Министерството за култура, пак, само велат дека за таквите договори го следеле законот. - Сите потребни уверенија се извршени според Законот за јавни набавки, според кој уметниците се обврзани да ги извадат уверенијата - вели Анита Јовановска, портпаролка на Министерството за култура. Покрај Георгиевски и Манев, на портретите на личности од македонската историја работат уште петнаесетина уметници, меѓу кои Павле Кузмановски, Атанас Ботев, Милош Коџоман и други, кои се избрани по сугестија на Друштвото на ликовните уметници на Македонија. Тие работат на портрети на Јордан Хаџи Константинов-Џинот, Румена Војвода, Гоце Делчев, Даме Груев и други историски личности, а делата се во завршна фаза на изработка. Музејскиот комплекс, музеј на ВМРО и музеј на жртвите на комунизмот, се гради на површина од 2.500 квадратни метри. При неодамнешната посета на музејот во изградба, премиерот Никола Груевски изјави дека тој ќе биде завршен околу следната Нова година.


Се осликуваат дваесет масовни сцени

За опремување на музејот на ВМРО, покрај восочни фигури и сликани портрети, се подготвуваат и платна со масовни сцени од историјата на Македонија во последните два века.
Масовни сцени ќе бидат изработени за битката на Мечкин Камен, самоубиството на Христо Узунов во Цер, масакрот во село Загоричани во Егејска Македонија и други, кои ќе бидат предадени во големи формати од пет на три метри, но ќе има и помали.
Идејата е целиот ентериер на музејот на најрепрезентативен начин да го отслика времето на македонската борба и историја од 19 и од 20 век.
- Масовните сцени се слики кои ќе ги изработуваат истакнати домашни и странски уметници. Во тек е јавната набавка за изработка на дваесет вакви сцени од најзначајните историски настани и битки на ова тло - вели Татјана Блажевска, портпаролка на Министерството за култура.
Покрај портретите, во земјава веќе се пристигнати 40 восочни фигури, изработени во Киевскиот музеј во Украина, кои во специјални услови го очекуваат доопремувањето на музејот каде што ќе бидат изложени, а во тек е изработката на уште 65 фигури.

http://www.vreme.com.mk/DesktopDefault.aspx?tabindex=0&tabid=1&EditionID=1914&ArticleID=131072

Originally posted by ArchiTechTone Баш на сликава на Митатос се гледа трагедијата на старо-новиот стил...

Комплетно сум во ист правец на размислување...

Распаднатата стара автобуска барем даваше надеж дека еден ден ќе се сруши и на нејзино место ќе се изгради нешто соодветно, сега би била комплетна лудост да се направи тоа со овие објекти.

За „вклопувањето“ сакам следново да го кажам - контекстот е следниот (без некаков ред): средновековна тврдина (тазе реконструирана во турски-османлиски облик), регулација на р. Вардар (што обликовно воопшто не наликува на истите од средневропските градови и е со проодно второ корито), телекомуникациски центар, булевар и мост „Гоце Делчев“ (не би ги категоризирал - израз на своето време), Камен мост - заштитен знак на Скопје (турски мост, пар екселанс, колку и да зборат дека е од Јустинијан итд.), музеј на жртвите на Холокаустот(6 години карабина, дури ни тоа) - следат двата нови објекти (за чие обликување архитектонската мисла ќе треба да формира нов поим, зашто уште таков не е измислен), кои уште не изградени, веќе им смета околината да се вклопат во нејзе...

Темава е за музејот, ама јас овој „ансамбл“ некако во комплет го доживувам, па затоа него го земам како пример...и жалост многу од дискусииве се повторуваат и во темите кај театарот, официрски, архивот и сите други „скопски црни дупки“...
Некаде на форумов има разгледници од „старо, романтично“ Скопје и секогаш кога го гледам театарот се чудам како некој можел да го доживува Скопје како град со река чие течење и брегови(пред да се изгради регулацијата) личеле на мочуриште што тече полека и во таков контекст мене стариот театар (овој музејов нели е нова измислица) никогаш не ми значел како архитектура, туку и напротив не ми личел на НИШТО...и би ги проголтал сите овие глупости да се работи за објект со некакви колосални димензии - Лувр, ако ви е тој репер за „убава“ архитектура - тоалетите во Лувр имаат поголема површина од овие два објекти заедно, димензиите, материјалите, не може ништо овде да се постигне (а и кога би се постигнало би било лудо) - а ова?! Ова е провинцијалистички обид да се склопи нешто од сеќавање на нешто што се видело некаде...

Не би рекол дека треба да се сруши тоа што останало, ама да се гради на ново во овој јазик е дебилно. (За Architectone - во приближно ист период со театарот се и етнолошки музеј и денешна градска болница, што се доказ дека и во тоа време можело да се размислува поинаку, не дека се тоа којзнае какви објекти, ама филозофијата е комплетно различна, со тоа што се согласувам дека во времето во кое се градени било помал грев отколку денес да се праи тоа)

Една многу важна ситница што гледам дека на сите ви промакнала овде е тоа што Калето, кое какво такво е во поавтентична форма од „театаров„ и музејот е тоа што стариот објект (што btw нема ист габарит со овој, поточно нема ништо исто со него) има едно или две нивоа повеќе и е поставено на кота која ја налага новата регулација на реката (7-8м над старата) - што е директна причина оваа карикатурална завеса да ја покрие најзначајната визура во Скопје во која се вклучени најмаркантните градски обележја - реката, мостот и калето - вие стоите на плоштадот - центарот на сите скопски и македонски случувања и на крај краева - визурата која е на грбот на град Скопје...

Прашање - Вредеа сите овие лудости да се унакази еден таков уникатен градски знак?

Чистотата и осветленоста се проблеми од друг карактер. А се извинувам за грешката- модернистички е правиот збор... далеку од тоа дека сме модерни

 ''до Archi Tech Tone -''Hашиот центар беше модерен до пред овие објекти ? Дa бе сега се сетив на ''прекрасната'' автобуска  станица што беше до скоро потоа на ''прекрасните'' кенделабри, ''да да'' тој дел беше многу ''осветлен чист и безбеден'' дел од градот посебно навечер, шала на страна ја учев средно музичко во Илија Николовски па тој дел од градот беше хорор филм за сите ученици од школото поготово навечер,се сложувам дека се можело да се избере некој далеку помодерен проект но тешко дека било кој проект би одговарал на Македонска пошта која е од спротива, така да што е тука е. 

Проектов е во старински стил со купола за да се вклопи со стариот народен театар, веројатно не може да се гради некој модерен објект до објект како стариот народен театар, може да кажеме дека ако стариот народен театар добиеше некој нов помодерен проект различен од стариот тогаш ке можевме да дискутираме дали проектов за музејов одговара или не, вака веќе кога знаеме дека се гради стариот народен театар речиси со афтентичен изглед па музејов ке се вкопи во тој стил, а за yставниот суд што се гради не би коментирал зошто ова е сепак страна за музејот Македонски борба.

01.

02.

Originally posted by metodius Здраво дечки, и ако има понекоја дама  и добро ве најдов на форумов.  Морам да се навратам на расправиите околу изгледот на објектов, и стилот...ја чувствувам маргинална потребата од некое терање стилови со излижан рок на траење. Светот гради чуда, архитектонски и инжинерски, а најдоброто што можевме да го смислиме ние е ова? И убеден сум дека не е-но ете ти работа-бидна, и навистина ми е жал што ќе остане како спомен од ова време-не е нешто што би сакал идните ни поколенија да го гледаат и да викаат Ееее ова у времето на дедо ми го праеле!   (се извинувам ако малку доцнам со коментаров)

Коментарот е сосема на место. За жал, наместо едно современо градско јадро, на кое ќе завидуваа старите европски метрополи, ние ќе добиеме кичерајски обид за имитација на стара архитектура, што значи ќе продолжиме да им завидуваме на оние кои ќе имаат автентична стара архитектура.

Јокер, не велам дека треба да се градат чуда кои ќе не чинат безобразно многу, туку парите и така и така се трошат на нешто,зошто да не на нешто навистина добро? И куполи и одлични градби низ светот нема само во метрополите, и тоа воопшто не е некој фактор за квалитетот на проектот. И ако кај нас нема куполи и стари згради, сеа што да правиме? Ај да градиме стари? Може и пирамида некоја да фатиме, и тоа нема