Аеродроми

Пелагонискиот регион (Битола, Прилеп, Ресен, Крушево, Демир-Хисар, селата..) и северо-западниот дел на Грција како Лерин, Воден... се горе-долу 350-400 илјади

Edited by stratus - 12-Sep-2012 at 22:18

ТАВ ги промовираше македонските аеродроми во Косово и Јужна Србија



Генералниот директор на „ТАВ Македонија” Зоран Крстевски и менаџерот за маркетинг и развој Зафер Меше неделава во Приштина и во Врање ги презентираа можностите на скопскиот аеродром, во обид да се привлечат повеќе патници од Косово и од Јужна Србија.

На промоциите двајцата претставници на ТАВ пред локалните медиуми на туристичките агенции од регионот им понудија долгорочна соработка. Имајќи ги предвид интересите на патниците и туристичките агенции во Косово и Јужна Србија, двајцата менаџери се осврнаа на капацитетите на аеродромот, високиот квалитет на услугите и можностите за летање по ниски цени од Скопје до поголемите европски центри, соопшти „ТАВ Македонија“.

Скопскиот аеродром „Александар Велики“ со авиолинии во моментов е поврзан со аеродромите во Анталија, Анкона, Амстердам, Белград, Бергамо, Брисел, Дортмунд, Дубаи, Дизелдорф, Ерџан, Ајндховен, Истанбул, Измир, Љубљана, Лондон, Малме, Мемингем, Мулуз, Палма де Мајорка, Рим, Сабиха Ѓокчен, Штутгарт, Тревизо, Виена, Загреб и Цирих.

Од есен преку „Виз Ер“ од скопскиот аеродром по цени кои почнуваат од 10 евра ќе се лета до шест нови европски метрополи, а преку компанијата „Флај Дубаи“ македонскиот главен град е директно поврзан со Дубаи.

Промоциите на ТАВ во регионот е дел од одбележувањето една година од пуштањето во употреба на новиот и најмодерен аеродром во регионот „Александар Велики“ во Скопје, а целта е тој да стане регионално авио-пристаниште што ќе опслужува 4,3 милиони патници годишно

Е па ако веќе имаат спортски аеродром, нека се фокусираат на негова модернизација и зголемување на неговиот капацитет, ако тоа е возможно се разбира, но нека остане спортски аеродром, а не комерцијален.
 
Сега и по секое село ќе отвораме универзитети, ќе градиме аеродроми, стадиони, плоштади, фонтани и што ли уште друго не.


Edited by Dexter26 - 29-Aug-2012 at 19:58

EKСПЕРТИТЕ ЗА ИНИЦИЈАТИВАТА НА БИТОЛСKАТА ЛОKАЛНА ВЛАСТ

Аеродром во Пелагонија не е научна фантастика

Градењето аеродром во Битола не мора да биде научна фантастика, туку остварлива идеја доколку внимателно се избере комерцијалниот модел што ќе биде исплатлив. Градот веќе располага со спортски аеродром во село Логоварди, кој би се доизградил и пренаменил. Ова го велат експертите по воздухопловство за идејата на градоначалникот Владимир Талески во Битолско да изгради аеродром за комерцијални цели.

- Ова е возбудлива идеја, но потребни се комплексни анализи кои ќе покажат не само дали е исплатливо, туку да се утврди и точниот модел на аеродром во каков би се трансформирал постојниот. Во Европа постојат стотици мали аеродроми кои ја надминаа бројката на дадени услуги од еден милион патници годишно, а се помали од скопскиот и од охридскиот аеродром, кои мака мачат како да се доближат до таа бројка. Успехот на малите аеродроми лежи во вистинскиот модел и во приспособувањето на целта, која е таргетирана како резултат на квалитетни анализи - вели Игор Божиновски, потпретседател на Воздухопловната федерација на Македонија и прв човек на битолскиот аероклуб.

Божиновски посочува дека постојат разни модели во кои би можел да се пренамени аеродромот. Kако нудење воздушна такси-услуга, превоз во земјата, странство, услуги од типот на воздушно запрашување или гаснење пожари, транспорт за медицински потреби, за воздухопловна школа и друго.

Други пилоти велат дека економски поисплатлива варијанта е да се направи мал аеродром за транспорт со воздухоплови, кои би имале по 6, 8 или 12 седишта. За таа намена би можела да се искористат и сегашната писта во Логоварди долга 1.200 метри, со широчина од 100 метри на затревена површина, постојните хангари, зградата за сместување пилоти...

- Постојат услови аеродромот во Логоварди да се користи за лесна авијација, а не за големи авиони бидејќи ќе треба поголема писта. Значи, помали авиони кои летаат на дестинации во Европа, а да може да слетуваат и спортски авиони. За авиони со 50 патници е поголема работа, ќе треба да се направи бетонска писта, да се оспособи и за ноќно летање, да се направи царинска зона - посочува Драги Ивановски, наставник по воздухопловно едриличарство и моторен пилот.

Експерти од оваа област велат дека треба сериозно да се размисли за обезбедување кадар зашто земјава се соочува со недостиг на пилоти и на механичари за авиони. Истовремено, географската положба на сегашниот спортски аеродром е идеална зашто се наоѓа во пелагониската рамница, а ружата на ветрови е поволна. Но метеоролошките услови знаат да бидат незгодни, посебно со маглата која паѓа во есен и во зима, па видливоста е мала.

Желбата на битолчани за аеродром е стара неколку децении. Таа неретко беше политички подгреана пред избори. Така, во 2002 година владата на Љубчо Георгиевски на заминување потроши 1,8 милион евра во изградба на контролна кула, спални, училници, хангари во Логоварди. Требаше да профункционира пилотска школа, се купија три авиони. Власта се смени, новата го прекина проектот и авионите отпатуваа за Скопје.

Жанета Здравковска

Над 400.000 потенцијални патници

Аеродром во Битола не е политички маркетинг, не е луксуз, туку потреба, вели битолскиот градоначалник Владимир Талески на седум месеци пред локалните избори. Според него, аеродромот ќе биде од Ц-категорија и ќе служи за превоз на патници во регионот, Европа и пошироко.

- Би имале патници од пелагонискиот регион, како и од нашите соседи - од Лерин и од околните градови на кои им е далеку да патуваат во Солун. Тоа се 400.000 потенцијални патници. Битолскиот крај е најпечалбарскиот и имаме потенцијално можност да ја привлечеме нашата дијаспора - вели Талески.

Izvor: Dnevnik, http://www.dnevnik.com.mk/default.asp?ItemID=50C0183C84896744B0DE9CCD966247FC

Стално вози по тој пат...

Edited by alexsend - 16-Aug-2012 at 09:20

На фејсбук страната на ТАВ има објавено вест дека на Аеродромот во Скопје се воведени машини за самопријавување.
Чекор понапред. о/

http://skp.airports.com.mk/BusTransportPopUp.aspx?l=2&t=1

Абе аеродром за секое место во Македонија - што побргу да побегниме

Апсолутно се согласувам - нема потреба за аеродром во Битола, 300.000 грагани со ги спомна градоначелникот како потенцијал кои што ќе го користи аеродромските услуги се недоволни + нема јако стопанство кои што ќе го користи аеродромот. Да не спомнувам дека во непосредна близина на Битола има дури 5 аеродроми - Охрид, Скопје, Солун, Кожани, Аргос. До сите нив се стигнува за 2-3 часа.

Но Битно е градиме аеродром а тоа што нема пруга до Грчка граница не е битно, што патот до Охрид е полн со дупки нема врска....

Добро бе, зошто не мислат пред да стресат некоја зелена

Па имаш аеродром на 85 км. во Охрид или на 150-160 во Скопје.Дел линии кон првиот дури и ги укинаа па ги почнаа од вториот.Не очекував и таму ‘децентрализација‘

За комшиите од Југ нека не му мислат.Баш во тој регион Костур/Лерин е изграден аеродром во Костур (Касториа)или поточно до гратчето Аргос Орестико на точно 100 км. од Битола и 70-на од Лерин, кој патем е поврзан само со Атина.Толку од неговата густина на сообраќај, па ќе сме преземале уште.Солун исто им е блиску како голем центар (нецели 200 км.).

Ама ај, избори се ближат - глупости се тресат.

Ако е реално загрижен за доброто на своите граѓани, Талески можат во соработка со МЖ да изведат некаква донација од Општина Битола за реновирање на железничката станица, мислам дека е многу пореална и попотребна опција.

Originally posted by N23 Едно од двете комбиња кои ги употребува Вардар Експрес. Ова е далеку "покомотно" и на изглед делува попристојно од другото.

Oва е веќе минибус (или по новите ‘стандарди‘ - миДибус, а комбињата се мини ) со 33/35 седишта, секако подобра опција од комбињата со ретро изглед.

Edited by Тркало - 08-Jul-2012 at 17:15