Возен парк (ЈСП - двокатни автобуси)

Сепак мислам дека превидуваш неколку работи кога ја споредуваш употребата на двокатните автобуси во Англија (Шефилд) и Скопје: - Автобусите не се единствениот јавенпревоз воШефилд. Постои и т.н. Супертрем, врзија на ЛРТ чија што мрежа покрива 29 километри. Во Скопје единствениот јавен превоз се автобусите

Значи, јас не реков дека градскиот транспорт е идентичен, туку дека би сакал да ги споредам двоспратните автобуси во двата града. Не мислам дека има идентичен пример со Скопје за да може да се направи точна споредба, туку може да се споредуваат делови со различни градови, но како што реков нема смисла да се споредува со метрополи и до 10 пати поголеми од Скопје.

Исто така, ако го прочиташ мојот пост, ќе видиш дека никаде не сум напишал дека автобусите се многу добри или дека се што нудат ми се допаѓа, јас само реков дека за многу од анализите кои ги прават членови на форумот, треба да се почека да пристигнат барем повеќе автобуси и да го следиме искуството на патниците барем 2 месеци за да можеш да правиш заклучоци. Вака се што се зборува е на памет.
Она што го напишав е дека град со приближна големина на Скопје, има двокатни автобуси кои имаат само една врата и само едни скали, па не се забележува поголем застој, иако автобусите повеќето време се доста полни и билетите се купуваат од возачот.

- Скопските улици (иако има огромен напредок со последниве акции на Коце ) се преполни со дупки и нерамнини

За улиците прво ќе се потрудам да направам неколку слики, па после ќе зборуваме.

- Англиските хулигани можеби се најголеми, но колку често има средношколски тепачки во автобусите, каменувања на автобуси? Колку усппешно се спроведува законот и се санкционираат вандализмите и уништувањата на автобусите? Во Скопје тепачки по автобусите има барем 3-4 пати годишно, каменувања почесто, а и баш ме интересира каква моќ би имал шоферот да санкционира бараби кои би го уништувале ентериерот на автобусот на вториот кат. Би ги легитимирал, затворил, би наплатил драконска казна?

Е тука се согласуваме, значи културата во Македонија е на многу ниско ниво, и народот незнае да го цени тоа што со свои пари го купувал, но би те запрашал, која е разликата меѓу двоспратните и обичните автобуси, ако досега имало тепачки и кршења, значи дека било какви автобуси да има пак ќе се случува (и уште еднаш, кога двоспратните ќе пристигнат и има зголемен број на инциденти на вториот кат можеме да зборуваме за последици, а ако сега го коментираме ќе се базира само на претпоставки)

Потрошувачка гориво л/100км     50     24

Мислам дека потрошувачката на гориво ти е погрешна, затоа што еден од украинците кои коментираат на форумот има спомнато дека потрошувачката на ЛАЗ-от е пресметана без застанувања и без сообраќај, значи од точка А до точка Б и затоа е толку пониска од онаа на двоспратните.

Можеби Англичаните се најголемите хулигани, но законот таму е немилосрден. Таму и за обид за самоубиство се оди во затвор.
Те молам, ако можеш сликај ги улиците во Шефилд, да го видиме квалитетот на асфалтот и да го споредиме со Скопје.

Да се бара од некој од одговорните за да објасни како со новите автобуси, капацитетот на ЈСП се намалил за 40%, е исто како од Болдрик (Црна Змија) да се бара да ја објасни теоријата на суперструни.
Патем, не е за 40%, туку е и за повеќе, а еве и зошто и како:
- мал капацитет на долната платформа
- неудобна и непривлечна горна платформа (неудобна поради нискиот таван и луѓето со реума,артритис и други здравствени проблеми, кои треба да се качуваат и симнуваат по скалилата; непривлечна поради средношколските банди и останати деликвенти кои ќе се возат горе и ќе прават доста проблеми)
- излез само на една врата
- поголемо задржување на автобуската постојка, за да може да се симнат и оние од горниот кат
- помала стартна брзина поради поголемата тежина при тргнувањето од автобуските постојки и од семафорите
- исто така, поради поголемата тежина, а заради поголема безбедност, возачот е принуден да вози со помала брзина при свртување на кривини, при заобиколување и претекнување на возила
- подолго време на возење на линиите во однос на постоечките автобуси, поради горенаведените причини.
Сега после ова, наместо промоција на јавниот превоз, следува негова дискредитација.

Мојот коментар не беше наменет за твојот, ама очигледно времето ги поклопило, коа пишував твојот не беше постиран. Рекоа дека ќе одат како старо железо, ама додека има овци ќе има и вуна. Дриблање во место. Мајсторот од транспорт и врски очигледно гледал само како да им замачка очи на скопјани, а дефинитивно никој не се водел спрема вистинските потреби. Дефинитивен крах ќе имаме ако се тргнат целосно дуплите крнтии. Во таков случај не би се качил во свежо пристигнатите автобуси за да се гужвам, него би си ги користел нозете повеќе. Џабе сета кампања, кога се непродуктивни!

Колку што ме држи памтењето, од ЈСП уште пред нарачката рекоа дека ќе останат на улиците оние поновите саноси, од 97/98, така да постарите крнтии скоро со сигурност ќе се ичистат. Наравно, не е охрабрувачко тоа што постарите автобуси нема да ги гледаме, затоа што и понатаму дел од возниот парк ќе останат и 13-годишните автобуси. Моментот секако е нарачката на само 4 зглобни автобуси и ако се знае дека има само уште еден зглобен од поновите саноси, ондак со 5 зглобни не верувам дека нормално ќе функционира превозот. Единствен спас од овој хаос е да се пуштаа два автобуси напоредно еден позади друг од истата линија и да качуваат патници на секоја втора станица, што би било смешно, ама само така би се избегнале неподносливите гужви.

Originally posted by Supervisor Па кај нас е нормално и по 100 луѓе во еден автобус. Овие автобуси се помодерни, и истите се направени за помалку луѓе. Не знам како тоа очекувате да биле "исти со капацитет" како крниите? Каква ви е таа споредба, кога е нормално и самиот патник да се осеќа поудобно се работи за нова генерација на автобуси.

100 луѓе во автобус всушност е нормално за секој 12-метарски класичен градски автобус, а кај нас можеби е „нормално“ 150 луѓе, ама тоа ќе биде случај и за двокатните, само не знам како физички ќе се изведе... истите оние патници кои сега во шпицовите се како сардини напикани во постоечките автобуси, ќе треба да бидат превезени во автобуси со значително помал капацитет. И затоа повеќето седишта (што е изнудено решение заради тежината на возилото, а е на сметка на вкупниот капацитет), нема да придонесат во толкава мерка ни за таа наводна удобност (која не е зависна само од бројот на седиштата, туку и од многу други работи), бидејќи гужвите ќе ескалираат можеби и до мерка на комплетен колапс на системот, па ќе мора да се крпи некое чаре на грбот на сите нас.

И никој овде не се обидува да прави споредба на квалитет на двокатните со крнтиите, туку споредбата многу логично треба да биде другите современи автобуси, пред се оние кои се стандард во Европа. А за квалитетот на јавниот превоз, бројот на седишта во едно возило е прилично занемарлив фактор во однос на редица други, многу побитни параметри. Како што спомнав претходно (а не знам зошто толку лесно си го изигнорирал, не се работи за субјективно гледиште, туку за неоспорни факти), апсолутно доминантни модели на градски автобуси во Европа се и остануваат да бидат:
- 12-метарски едноделни со ~30 седишта и ~100 вкупен капацитет
- 18-метарски зглобни со ~45 седишта и ~170 вкупен капацитет
а во никој случај не се:
- 10-метарски ретро двокатни со 60 седишта и вкупен капацитет за 80 патници
И сега токму ние со толку елементарни проблеми во јавниот превоз и со толку ограничени финансии, се најдовме најпаметни да воведуваме нови стандарди на удобност?!? Мислам стварно... да бидеме малку посериозни.

Ах барем да беше капацитетот единствен проблем на двокатниве ретро кинези... Ама ја немаме ни таа утеха.

Originally posted by Тркало Во секој случај,како последен логичен обид за спасување на ситуацијата,би требало нашава Влада да побараат промена на договорот во смисла зглобни автобуси на местото на овие чуда.Доволно се 10-тина,чисто онака ради заљубениците во тој ретро стил.

Би ме радувал таков исход, но... Замена на автобусите дури и да имаше воља, не знам како би можела да се изведе. Тендерот си имаше услови, не може сега отпосле да се менуваат. За жал мислам дека секако ќе мора да го исркаме надробеното



@ Fossil
Искрено ти се восхитувам на позитивноста и како можеш на речиси секоја глупост на токмаците кои ги трошат народните пари, да одговориш со добра воља и оптимизам. Сепак, таквиот пристап не води никаде, само го потхранува штетното однесување.

Еве комплетно сум на иста линија со тебе дека јавниот превоз треба да се развива и во нов правец. Апсолутен поборник сум на ЛРТ мрежа. Но што во меѓувреме (а и потоа)? Зарем не е битно дали сме купиле 200 нормални, пред се максимално економични и практични автобуси или 200 ретро-двокатни автобуси за правење шоу?

Капацитетот не бил толку важен?!? Немам коментар...
За важноста на брзината апсолутно ќе се сложам, ама како стојат на тоа поле двокатните?
За наводниот совршен комфор на двокатните (со неадекватен капацитет, со ниски плафони, незгодни скали... или пак совршено комфорно ќе им биде на оне што ќе седат на седиштата на преклоп или тоа напиканото седиште под клима уредот...), нема да коментирам, само ќе потсетам (по 1000-ти пат) дека по обичај кај нас се мешаат приоритетите. Трагикомично е една сиромашна држава, со главен град во кој не се решени најосновните потреби на јавниот превоз, одеднаш да ги прескокне очигледните проблеми и да инвестира во наводен висок комфор, за кој барем на хартија можат да ни позавидат и далеку побогати од нас... ама ете тие побогатите се изгледа „глупави“ па малку потешко се впуштаат во измислување на топла вода. За такви изуми редовни пронаоѓачи станавме ние. Епа за таквиот ум ќе платиме висока цена и нема да се развиваме ни приближно на начин и со темпо какви што ни се потребни


Edited by Cloverstack - 20-Apr-2011 at 22:27

Да не користам потежок збор за возилово,само ќе речам еден куп железо.По сликите од Кловер ,внатре на изглед делуват и потесно од меѓуградски автобус (можам да замислам како е во најголемите гужви сабајле и попладне).Комбинирано со пензионерите кои оделе на втор спрат(WTF?) ,а порано нели не можеа да се качат и на обичен автобус - прав циркус.
*Капацитетот е мизерен ,со оглед дека е двоспратен,ама па неговата чудна должина е најверојатно одговор на тој феномен.(Стандарден автобус е со 12.00 метри должина,2.50/2.55 метри ширина и се надвор од овие граници е друга категорија).
*Моторот е еден од најнеекономичните,најголем дел од американските фирми ги користат овие мотори и дел од тие кои не се главни во автоиндустријата.
*Исто чудно е немањето официјални податоци од ЈСП(не е ни чудно од нив),ама па и на интернет е страшно тешко да се најдат податоци на оваа 'компанија' која произведувала не знам колку возила годишно    .Додуша можат да се најдат Јутонг со копиран дизајн од МАН,Неоплан,Ирисбус итн.

Во секој случај,како последен логичен обид за спасување на ситуацијата,би требало нашава Влада да побараат промена на договорот во смисла зглобни автобуси на местото на овие чуда.Доволно се 10-тина,чисто онака ради заљубениците во тој ретро стил.
    

^
Да проблемот и тоа како е поопширен. Еве за почеток нели би било добро ан булеварите со 3 ленти третата да биде за автобуси. Така многу побрзо ќе се движат автобусите и транспортот ќе биде поефикасен. Но за да функционира тоа треба третата ленат навистина да биде чиста а тоа подразбира и да се забрани паркирање на тротоарите како не би се се случувало колите да пречат во третата лента. Навистина се е поврзано и ваквите работи се решаваат со подолгорочна стратегија која за жал кај нас порано кога требало да ја има ја немало а ја нема ни сега.