Аеродроми

Уште една голема глупост.
Држава како Македонија со сите нејзини мани и предности со двата аеродроми кои моментално ги има ги задоволува сите потреби па и повеќе од тоа.
Освен карго аеродром во Штип за извоз на храна ништо повеќе не би додал.

А градоначалникот Талески треба да се потруди во име на своите граѓани кои не се малку да ги поврзе како што доликува со Прилеп и Велес, а потоа и Охрид. Со автопат, а не аеродроми! А тоа се прави со договор со Владата, нормално дека градот не гради автопати.

Идејата во прв момент е премногу амбициозна но има кредибилитет во неа, а се однесува на изградба на аеродром или проширување на постоечкиот спортски аеродром на ниво на комерцијален аеродром. Ќе преземам обврска да стапам во контакт со консултантски куќи од оваа област, да изработиме физибилити студија за оправданоста на проектот, да се согледа можноста за креирање на бизнис, извоз на производи, но и развој на туризмот посебно со Турција благодарение на врските меѓу Битола и Кемал Ататурк, што укажува дека овој проект би бил со голем потенцијал и затоа ќе го разработиме, посочи вицепремиерот Пешевски на денешната средба со новинарите во овој град.

Колкав е потенцијалот за патници и за карго операции на хипотетичкиот битолски аеродром? Таков аеродром не би можел да покрие ниту 20% од своите тековни трошоци, а не па да врати толку голема инвестиција. На крајот на краиштата од Битола до охридскиот аеродром има 60-70 километри. Всушност може да се елаборира уште на долго и на широко на оваа тема, ама мислам дека не заслужува ниту време ниту простор. Така што да скратам... едноставно НЕ! Нема никаков кредибилитет во „идејата“ господине Пешевски. Тоа се ординерни глупости.

Вицепремиерот Пешевски во работна посета на Битола
Заменик претседателот на Владата на Република Македонија задолжен за економски прашања Владимир Пешевски попладнево оствари работна посета на општина Битола каде се сретна со градоначалникот Владимир Талески и со претседателката на Советот на општина Битола Силвана Ангелевска, со кои разговараше на теми од локалниот економски развој.

На средбата со новинарите вицепремиерот Пешевски посочи дека состанокот бил посветен на економските политики кои ги спроведува општина Битола, активните проекти, како и за новите проекти во функција на забрзан економски развој на таа локална самоуправа.

- Генериравме повеќе идеи, почнувајќи од иницијативата за изградба на нов откупно-дистрибутивен центар, идеја за изградба на нов хотелски комплекс во потпелистерието кој како Влада ќе го нудиме на потенцијалните инвеститори што би овозможило за заживување на туризмот и на туристичките активности во општина Битола, истакна Пешевски.

На предлог на градоначалникот Владимир Талески, вицепремиерот Пешевски оцени дека има кредибилитет идејата за изградба или проширување на спортскиот аеродром во Битола.

- Идејата во прв момент е премногу амбициозна но има кредибилитет во неа, а се однесува на изградба на аеродром или проширување на постоечкиот спортски аеродром на ниво на комерцијален аеродром. Ќе преземам обврска да стапам во контакт со консултантски куќи од оваа област, да изработиме физибилити студија за оправданоста на проектот, да се согледа можноста за креирање на бизнис, извоз на производи, но и развој на туризмот посебно со Турција благодарение на врските меѓу Битола и Кемал Ататурк, што укажува дека овој проект би бил со голем потенцијал и затоа ќе го разработиме, посочи вицепремиерот Пешевски на денешната средба со новинарите во овој град.

За забрзаниот економски развој на општина Битола треба да придонесат и други владини мерки и поддршка која континуирано ја добива таа локална самоуправа, пред се најавениот нов Закон за индустриски зони што е во подготовка и од кој придобивки треба да почувствува индустриската зона „Жабени“. Пешевски посочи дека со градоначалникот Талески соработуваат на повеќе проекти, а сведок за таа успешна соработка е влезот на германската компанија „Кромберг и Шуберт“.

Според битолскиот градоначалник Владимир Талески, проектот за проширување на спортскиот аеродром на ниво на комерцијален аеродром е реален и со низа показатели за ефикасен и економски оправдан проект.

- Убеден сум дека со поддршка на Владата можеме битолскиот спортски аеродром да го трансформираме во аеродром што ќе не спои со првите поголеми аеродроми во регионот. Тоа ќе го промени начинот на живот во општината и пошироко, а географската положба на Битола уште повеќе ќе привлекува. Аеродромот ќе биде во функција на околу 350.000 жители од Пелагонискиот регион, но ќе може да го користат и нашите соседи од Грција. За престој во Битола заинтересирани се голем број ученици и студенти од Турција кои сакаат да ја посетат Спомен собата на Кемал Ататурк, како и други домашни и странски гости, истакна Талески.

Градоначалникот Талески на денешната средба со вицепремиерот Пешевски побара да се создадат услови за даночни олеснувања за филмските работници кои имаат намера да снимаат филмови во Битола како филмски град бидејќи интересот е голем, а потврда за тоа е одлуката на една турска компанија во наредните три години да снима филм на подрачјето на таа општина.

Хотели секогаш се добра идеја,посебно на места кој изобилуваат со природна убавина како што е Пелистер и Битола. Хотелски комплекс е must do,дури и аеродром и трговски центр како што беше наведено нема да се на одмет,тоест се повеќе од добредојдени. Да се надеваме дека нема да остане работава само на разговори.

Францускиот конзорциум „Париски аеродроми“ купи 38 проценти од акциите на „ТАВ аеродроми“, со што станува најголем поединечен акционер во компанијата која управува со аеродромите во Македонија. Зделката е затворена минатата недела, а транферот на акциите го следеле директорите на двете компании Мустафа Сани Шенер и Пјер Граф. Тие изразуваат задоволоство од, како што велат, создавањето на глобална воздухопловна алијанса која посредно или непосредно ќе управува со 37 аеродроми, на четири континенти. Покрај ова, „Париски аеродроми“ стана сопственик и на 49 проценти од „ТАВ инвестиции“, сестринска компанија во чиј склоп е градежната оператива на „ТАВ“. Двата досегашни најголеми акционери, компаниите „Тепе“ и „Акфен“ го намалуваат своето учество на само 8 проценти од акциите на „ТАВ аеродроми“, а се преполовува и нивниот удел во „ТАВ инвестиции“. Според неофицијални проценки кои излегоа кога „ТАВ“ беше понуден на продажба на почетокот на годинава,“ компанијата вкупно вреди околу две милијарди евра. Таа во 2010-та година го презеде управувањето со аеродромите „Александар Велики“ и „Свети апостол Павлe“, на период од 20 години. Жарко Настоски

http://www.time.mk/read/NONE/d21588c112/index.html

Ми треба една информација. На фришопот на скопскиот аеродром има ли цигари и какви се цените на истите? Достапен ли е фришопот од сите гејтови?

Originally posted by antigona Пред две седмици конечно летав од новиот скопски аеродром и се решив за превоз до Скопје да ја искористам нововодената редовна автобуска линија од аеродромот. Беше тотално разочарување. Најпрвин, не се работи за автобус, туку за мало комбе (субстандардно, од турско производство) кое е несоодветно за превоз на патници кои имаат торби/багаж. Комбето не тргна во времето наведено на таблата за распоред на тргнувања, туку шоферот чекаше комбето до последно место да се наполни со патници. Потоа, сите торби ги постави во средишниот дел на комбето што е опасно по безбедноста на превозот - средишниот дел на комбето треба да е слободен и прооден за излез на патниците, особено при вонредна ситуација кога би била неопходна евакуација. На мој голем шок, комбето не вози по автопатот за Скопје, туку од пред наплатната рампа на патарината кај Петровец до аеродромот излегува од автопатот и потоа се движи по локалниот селски пат низ селата Петровец и Идризово, за потоа пред самиот влез во Скопје повторно да се вклучи на автопатот кај хотелот Белви. И сето ова малтретирање само за да се избегне плаќање на патарина (за комбе не верувам патарината дека е повеќе од 70 до 80 денари). Тука малтретирањата не завршуваат - шоферот наместо да го вози комбето по утврдената рута, низ Скопје се движи и застанува каде што сакаат патниците, додеке ние кои сакавме да се истовариме на крајната дефинирана станица кај Хотелот Александар Палас моравме да трпиме патување од аеродромот од цел еден час. Се на се, несфатливо е како ТАВ дозволува ваква субстандардна комби линија од новиот аеродром со која патувањето до главниот град трае колку и повеќето летови кои слетуваат на скопскиот аеродром и згора на тоа патниците имаат прилика да "уживаат" во возење низ селски амбиент низ локален пат со крави, магариња, трактори...жално и сето тоа само со цел за да не се платат пет-шеесет денари за патарина!

Комбе е а не автобус + се движи по стариот пат а не по автопатот = само заради тоа што интересот кај нашите патници е многу мал, и сето тоа што ти го наведе, односно сите тие рестриктивни мерки се за да има некоја рентабилност линијата, првите две недели се сообраќаше автобус и цело време беше празен со не повеќе од 10 патници и затоа се одлучиле на ваков чекор, мегутоа мое мислење е дека и ТАВ треба да имаат трпение и се слагам дека во голем дел имаат непрофесионално однесување, како друг пример ќе го спомнам одржувањето односно апдејтирањето(неодржувањето/неапдејтирањето) на веб-страната која е со стари информации (стара мапа на аеродромот, во делот на авиопревозници стојат уште чех ерлајнс, малев , панорама/блу еир и ред други пропусти. Додека на вебот на охридскиот аеродром ја имаат ставено црвената позадина што беше на страната на скопскиот и за најголемо смеење и како доказ за аматеризмот на охридскиот аеродром си пишува дека се наоѓаме на страната на скопскиот аеродром !!!!

Originally posted by Andrej_LJ Затоа што на едната слика јасно се гледа дека излезот е затворен со некакви ламарини? Сега кога ја отворија клучкава белким од сите страни е отворена и проодна или...?

Сликите се направени непосредно после церемонијата на официјално отворање на клучката, така да од некои за мене нејасни причини, сепак не е целосно отворена. Инаку попрецизно затворениот пристап е влез во аеродромот (кога се доаѓа од правец на Петровец).

Originally posted by Andrej_LJ Инаку супер изгледа, дури и знаците им се коректни, да се чуди човек!

Не би се сложил околу знаците. Пред се патоказите се до даска оскудни, а дополнително сепак некако им пошло од рака да направат збрка и со тие малку податоци што ги имаат истакнато. Имено, нели веќе почнаа да применуваат некакво ново означување на патиштата. На повеќе патокази во Скопје имам забележано дека автопатот кон Тетово е означен со А2 наместо досегашната ознака М4, а на излез од Скопје во правец на исток исто така имам забележано неколку патокази каде што досегашниот М1 е означен како А1. Тогаш од каде на овие сосема нови патокази кај аеродромов се повампири М1???

Хаос и неспособност 




Edited by Cloverstack - 22-Apr-2012 at 12:28

Кога е сликана репортажата околу веста? Затоа што на едната слика јасно се гледа дека излезот е затворен со некакви ламарини? Сега кога ја отворија клучкава белким од сите страни е отворена и проодна или...?

Инаку супер изгледа, дури и знаците им се коректни, да се чуди човек!


Edited by Andrej_LJ - 22-Apr-2012 at 01:01

Andrej LJ може едно прашање мада навидум е банално, во погорните слики што ги имаш постирано, па ме интересира како е внатре во терминалната зграда се загревува има греење, и дали знаеш или дали знаете и другите како се врши загревањето ,пошто некако сликиве ми даваат чуден одраст ми личи внатре како да сум во хангар за воени авиони ?

Originally posted by Obedineta Makedonija Турската компанија ТАВ, со која Владата склучи договор за концесионирање на аеродромите за 20 години ги заврши сите обврски.

А што се случи со физибилити студијата како и изградбата на карго аеродромот во Штип?