И ова го најдов од Вечер и толку за оваа тема - Скандалозниот договор за заедничка градба, до кој дојде Вечер, склучен е на 29. 3. 2005 година. Во договорот стои дека МПЦ ја отстапува сопственоста врз земјштето на градежната фирма КОНСТ-ИНГ за изградба на деловен објект, кој во себе треба да содржи подземни гаражи, сутерен-магацини, приземје, четири ката и потпокрив. За возврат, Скопската епархија по изградбата на објектот треба да добие деловни простории со нето вкупна површина од 250м2, пропорционално распоредени по катови. Инвеститорот се обврзал дека за отстапеното земјиште на МПЦ, во рок од седум месеци по добивањето на правосилното одобрение за градба, да и исплати 12.500.000 денари, или околу 203.000 евра. Со истиот договор МПЦ му го отстапува правото на инвеститорот да може слободно да располага со имотот, и изградените станови и деловни објекти да ги продава на трети заинтересирани лица.
За сканадалот да биде уште поголем, МПЦ се согласила, а и во нејзино име побарала од државата дооформување на парцелата со дополнително државно земјиште за да може инвеститорот да гради и голем пазар и трговски центар.
http://vecer.com.mk/?ItemID=6C96D7730B9F0D44875CC7B5F6109B81

Observer, немој да ја тераш дискусијата во правец каде што не треба да оди. Остај ги процентите и да се држиме до урбанистичките планови.

Податоците од Утрински весник зе застарени. Оди на сајтот на Општина Аеродром и побарај го новиот ДУП Јане Сандански УЕ-В, ќе видиш дека маркичката за црква е избришана. Но всушност беше направена рокада со поголема маркичка за црква отспротива, во Реонски Центар (ѕирни го и тој ДУП). Така да ова што го гради општината е дивоградба. И на крај не си разочаран затоа што токму оние кои треба да ги штитат законот и урбанистичкиот ред, флагрантно ги кршат, а разочаран си затоа што некој го воочил и посочил тој факт... И после ова што ни го демонстрира општинава, кој будала треба да ги почитува законите?

Но мене ме копка уште нешто. Во една ваква населба, две цркви на толку мало растојание навистина не прават никаква логика. Па не можам да не се запрашам, дали во меѓувреме не настанал некаков дил непознат за пошироката јавнос, со кој маркичката во Реонски центар е избришана за сметка на некоја станбена зграда, а ова во парков треба да е некаква „компензација“. Со оглед на тоа како општината ги третира урбанистичките планови кои самата ги носи, ништо не би ме изненадило. Јас мислам да ги укинеме урбанистичките планови, нема потреба за нив кога самите институции кои ги донесуваат и треба да ги штитат, толку често си го бришат газот со нив.




Edited by Cloverstack - 25-May-2011 at 17:26

Ееее него ни на реднерите што се поставени пред објектот ја нема црквата. И тоа е противзаконско исто така. Распашана банда.

Originally posted by zarko Гледам дека внатре во овој парк плоштад ке има и црква.. Не дека сеа ја се бунам зошто црква има,поентата ми и е дека ниту во претходните текстови,ниту по плановите и рендерите не се забележуваше црква.

црква уште одамна се планираше некаде на тој простор, само не знам каде и требаше да има современ изглед колку што се сеќавам
како и да е, црквава ни ја сервираат тотално фантомски, што не е во ред...

Од денес - ми беше незгодно од поблиску затоа што имаше без претерување 30 работници, изгледа планираат да го довршат за една недела парков :-)



Edited by Observer - 24-May-2011 at 19:55

Гледам дека внатре во овој парк плоштад ке има и црква..
Не дека сеа ја се бунам зошто црква има,поентата ми и е дека ниту во претходните текстови,ниту по плановите и рендерите не се забележуваше црква.

Патеките се асфалтирани уште пред неколку денови, колку што можев да видам.

ПОЧНА ИЗГРАДБАТА НА ПАРКОТ „ЈАНЕ САНДАНСКИ“ ВО ОПШТИНА АЕРОДРОМ

26.04.2011 13:41

На аголот меѓу булеварите „Јане Сандански" и „Србија" денеска, 26.4.2011 година, почна официјалната изградба на новиот голем зелен парк со плоштад „Јане Сандански".

„Со изградба на паркот граѓаните не само што ќе добијат ново зелено катче за рекреација, туку и официјално место, на кое конечно ќе можат да се одржуваат разни манифестации од културен и забавен карактер, нешто, што во Општина Аеродром одамна недостасуваше", изјави градоначалникот Коневски.

Според проектот, во централниот дел на паркот ќе биде поставен споменик на македонскиот револуционер Јане Сандански како симбол на населбата што го носи неговото име.

„Самата замисла за изградба на новиот парк и плоштад јасно става на знаење дека Општина Аеродром продолжува да диктира темпо на модернизација и примена на еден високо урбан стил на живеење", изјави премиерот Никола Груевски, кој притоа изрази уверување дека проектот, на како што рече, оваа млада, но многу напредна општина, ќе биде пример и за другите општини.

Градоначалникот на Град Скопје, Коце Трајановски, пак, рече дека Градот ќе донира за паркот „Јане Сандански" 100 „јавори" и 100 „јапонски цреши".

Карактеристично за овој проект е тоа што во централниот дел на паркот ќе биде поставен споменик на големиот македонски револуционер Јане Сандански. како симбол на населбата што го носи неговото име. Ова ќе биде првиот споменик во Општината.

Паркот со плоштад ќе се простира на околу 4.000 квадратни метри, од кои на околу 1.600 квадратни метри ќе бидат изградени пешачки патеки, а околу 250 квадратни метри ќе водена површина, на која ќе има 3 езерца и еден водопад. На околу 1.700 квадратни метри, пак, ќе има тревни површини со висока и ниска вегетација и што е најважно за зеленилото, паркот ќе има сопствен бунар што ќе се користи за полевање.

Другиот дел од паркот, чија изградба се очекува да заврши кон крајот на летото, ќе има архитектонски, партерни и хортикултурно уредени површини, збогатени со мултимедијална бина со плато, клупи, канти за отпадоци и друга урбана опрема.

http://www.aerodrom.gov.mk/novosti-zhivot.213/items/pochna-izgradbata-na-parkot-ane-sandanski-vo-opshtina-aerodrom.html

Во текот на денешниот ден се заградуваше просторот околу изградбата на паркот во Аеродром(спроти Веро) со што камен темелникот ке биде наскоро.

Ме интересира на која страна ќе биде свртен коњаникот?

Ако биде накај улицата, шетачите во паркот ќе го гледаат од позади. Ако биде накај шетачите пак, од улица ќе се гледа од позади

ЕДИТ: Кога ќе размислам, најубаво странично да го постават, да гледа накај Куманово.


Edited by alexgizh - 01-Mar-2011 at 09:33