Буџет(и) - Скопје

Ајде некој нека ги објасни сумиве:

- Трета фаза „Илинденска“ - 50 милиони денари
- Трета фаза „Теодосиј Гологанов“ - 40 милиони денари

Како може Илинденска да чини 50 мил. кога се работи само за 400 метри чист простор, додека Теодосиј е поевтина, а притоа повеќе од дупло подолга?

http://www.fiskalenmonitor.mk/

Мене нешто друго не ми е јасно. Доклоку си жител на град Скопје (без разлика на која од општините) околината ти е средена од два буџети (на општината и на град Скопје) и да не зборуваме за дополнителните владини пари, што не е случај за жителите од која било друга општина.
Кога ќе се соберат сите пари во Скопје има еден задоволителен буџет кој нажалост голем процент се троши на плати за административна работа еднаква во секоја општина. И посел се чудиме зошто градот не чини

Originally posted by Andrej_LJ Јас сум фрапиран од сумиве! Ако можете ве молам најдите ги буџетите на другите општини. Сепак можеме да направиме една приближна проценка од ова што го имаме: богата општина (Аеродром) = 30 милиони и поскромна општина (Гази Баба) = 12 милион или заедно 42 милиони евра за две скопски општини. Значи целиот град (Град Скопје + 10 Општини (составени од 5 богати и 5 поскромни): 56 + 5x42 = 266 милиони евра. Ова се ОГРОМНИ пари кои за жал се прскаат на тротоарчиња и други декоративни ситници. Мислам дека најголема пречка за развојот на град Скопје е фактот што наместо 1 општина имаме цели 11. Ова освен очигледните пречки кои ги носи координацијата и дуплата администрација, доведува до неможноста на градот Скопје сам да започнува и завршува капитални проекти. Под ова мислам навистина големите и витални за Скопје проекти. Во секој буџет околу 50% мислам дека треба да биде насочен кон програма за капитални расходи. Значи ако Скопје имаше 1 општина која располага со 260 милиони евра годишно ќе можеше многу полесно сам да се нафаќа на проекти (не да зависи од милоста на Владата и со тоа да ги цица републичките пари од сите други градови), потоа имајќи многу поголема база на свои сретсва ќе можеше многу полесно и повеќе да се задолжува, со што ќе се даде огромен бран на инвестиции во градот. Мислам дека ќе мора да се обединат сите општини во една градска, тоа треба да биде прв приоритет бидејќи во моментов е главна кочница на развојот (покрај немањето интелектуален капацитет, волја и далновидност од страна на властите). Но мислам дека и самите власти имајќи волку голем буџет полесно ќе се зафаќаат со навистина големите проекти какви му се навистина потребни на градов, бидејќ ќе имаат далеку поголема и посериозна финансиска основа за оваа намена.

 
Ако кажам да ти се позлатат рацете со кои ги пишуваш коментариве, не ќе можеш да пишуваш повеќе коментари на форумов, па затоа ќе кажам:
 
Да ти се позлати тастатурата со која ги пишуваш коментариве !!!
 
Не е скапа нова тастатура.
 
Но да бидеме реални Андреј, факт е тоа дека актуелната територијална организација на локалната самоуправа во Република Македонија е политичка и креирана по етнички граници, наместо реална и креирана по економски и социјални граници, проектирани пред се, врз база на наталитетот и морталитетот во општините.
 
Така е во Скопје и така е и во сите општини во Република Македонија и нема да се промени, освен ако се случат радикални промени во Република Македонија на политички план, а тоа тешко дека ќе дочекаме во блиска иднина, а додека тоа не се случи, нема да се случи никаква нова и подобро организирана територијална организација на локалната самоуправа и нема да се случат поефикасни и поефективни општини во Република Македонија, особено во Скопје, кој дефинитивно не треба, туку мора да биде една општина, ама има одредени групи на луѓе кои повикуваат на двојно етничко мнозинство при гласање, на двојазичност и на разни други видови на двојни стандарди, а истите тие луѓе, за жал, не делуваат како да планираат да ги сменат своите навики и своите начини на размислување во корист на граѓаните на Република Македонија.


Edited by Dexter26 - 04-Nov-2012 at 19:30

Фосил ја знаеш опцијата EDIT POST за да надополниш нешто што си кажал претходно или целта ти е да пишува дека имаш што повисока бројка на постови? 

@N23

Дај не зезај... 

- Парк Аеродром

- Парк Јане Сандански

- Парк на езерата

- Парк во Лисиче

- Реконструкција на сите основни училишта и градинки

- изградба на основно училиште и градинка во Реонски центар Аеродром

- спортски игралишта

- детски игралишта

- фонтани 

- канализацијата во Горно Лисиче (заедно со градот всушност е, но има дел)

- препумпна станица исто во Горно Лисиче

- Тој монтажниот паркинг во Лисиче

- сервисни улици во Реонски центар

итн... итн... 

А притоа имај во предвид дека нема никаква директна инвестиција од Владата, како што тоа е случај во Центар... 

Edited by FoSsiL - 04-Nov-2012 at 18:36

Ако е точно ова Фосил што го кажуваш, дека Аеродром имал буџет од близу 30 милиони евра, од кои за Мзт не се дадени повеќе од 700 000, не е лошо некој да се позанимава со ова и каде тоа парите отишле. Па макар и дупло помал да е буџет, пак ништо не е изградено спрема она со колку пари располага Аеродром.

Аеродром за 2012 година на пример имаше буџет од 29 033 514 евра.  

Edited by FoSsiL - 04-Nov-2012 at 17:51

Едно прашање:Дали во овој буџет на град Скопје се вкалкулирани и буџетите на скопските општини (Аеродром, Карпош, Центар, Чаир...)

ТРАЈАНОВСKИ ГО KРОЕШЕ БУЏЕТОТ ЗА 2013 ГОДИНА

Трамвај, Градска куќа и нови булевари



Трамвај, Градска куќа и нови булевари

Ременот ќе мора да се стегне поради економската криза, па буџетот ќе се коригира за 10 отсто помалку од лани, односно ќе се работи со 50 милиони евра

Буџетот за в година ќе биде проектиран за 10 отсто помалку пари отколку во 2012 година, најави вчера скопскиот градоначалник, Kоце Трајановски, на работилницата на која се расправаше за идните проекти на градската власт. Лани буџетот изнесувал 3,5 милијарди денари, околу 56 милиони евра, а годинава ременот ќе мора да се стегне поради економската криза, е генералниот став на локалните власти.

- Kомуналиите се најголемиот извор на приходи - рече Трајановски.

Дополни и дека големо внимание се посветува на барање инвеститори и на анализа на локации за нивните проекти.

Градоначалникот потенцира дека наредната година ќе им се посвети на почнатите проекти и на нивно завршување, односно на следните фази од капиталните проекти што беа почнати годинава.

- Во третата фаза ќе продолжиме да го прошируваме булеварот Митрополит Теодосиј Голагонов - од „Алумина“ до Студентскиот дом „Гоце Делчев“. Ќе почнеме и со изградба на булеварот Трета македонска бригада, а во зависност од условите, планираме и да го завршиме. Во план е да се прошири и „Христијан Тодоровски- Kарпош“, кој ги спојува општините Чаир и Бутел. Документацијата за овој проект е при крај. Што се однесува до реконструкцијата на булеварот Борис Трајковски, овој пат имаме намера да работиме на потегот кон Драчево, а до каде ќе стигнеме, ќе зависи од парите - објасни првиот човек на Скопје.

Во буџетот за 2013 ќе влезат и довршувањето на катните гаражи и изградбата на двата кружни тека, кои ќе претставуваат пристап на подземната сообраќајница, која ќе се реализира кај Старата железничка станица, и е предвидено да биде готова за три години. Во рамките на активностите на Јужниот булевар ќе се работи и на улиците „Јордан Мијалков“ (поранешна „Железничка“) и „Kирил и Методиј“ (поранешна „Мито Хаџивасилев-Јасмин“).

В година ќе биде распишан и тендер за јавно-приватно партнерство за трамвај, но најверојатно нема да биде избран понудувач пред изборите, бидејќи постапките законски мора да бидат запрени пред изборен циклус.

Ова се само проекции и желби на службите, јавните претпријатија, општински власти за проектите што би требало да влезат во Предлогот за буџет за наредната година, која се усвојува во декември. Тоа не значи дека сумите и листата се конечни затоа што предлози и сугестии ќе се прибираат уште еден месец.

ЈСП ќе бара 2,5 милиона евра

Директорот на ЈСП, Мишо Николов, за в година очекува 150 милиони денари помош во вид на субвенции од градската власт од вкупно 220, кои се потребни за беспрекорно функционирање на јавното претпријатие. Односно, од 150 до 160 милиони денари за тековно работење, 20 милиони денари за уредување на автобуските постројки, за кои понудите ќе се отворат на 23 ноември годинава, и 50 милиони за имплементирање на системот на електронска наплата. Вкупната цена на тој систем е 2,5 милиона евра, но ќе се исплатува неколку години.

Николов изјави дека субвенциите за работата на ЈСП се неопходни, затоа што цените на билетите се ниски, а дел од патниците се возат и бесплатно како, на пример, пензионери, ученици и средношколци.

Kапитални проекти:

- Градска куќа - 100 милиони денари
- Просторни и урбанистички планови - 40 милиони денари
- Проектна документација за панорамско тркало - 30 милиони денари
- Довршување катни гаражи (кај ТЦЦ „Плаза“ и спроти „Рамстор“) - 100 милиони денари плус 20 милиони денари за лифтови
- Етапна реализација на подземна сообраќајница од Влада до комплекс банки (вкупно 32 милиона евра)
- Проширување на „Христијан Тодоровски-Kарпош“ - 40 милиони денари
- Реконструкција на „Јане Сандански“ - 30 милиони денари
- Трета фаза „Илинденска“ - 50 милиони денари
- Трета фаза „Теодосиј Гологанов“ - 40 милиони денари
- Проширување на „Партизански одреди“ од Влае до Ѓорче Петров - 35 милиони денари
- Реконструкција на мостови - 60 милиони денари
- Обнова на тротоари во Скопје - 60 милиони денари
- Проекти, изработка и надзор за фасади - 115 милиони денари

http://www.dnevnik.com.mk/?itemID=E03CBA341D00B04CBF6116E4B6794E79&arc=1

Иронично е насловот да најавува проекти кои нема да се реализираат во буџетната 2013 година.