Паркирање и паркинзи (општо)

Originally posted by stef4o Аеродром презема сопственост на некогашното зеленило зад Мајчин Дом за да гради паркинг Општина Аеродром ќе прави паркинг-простор за 56 возила зад Мајчин дом. Се работи за локација меѓу домот и веќе постоечкиот зонски паркинг, позади контроверзната зграда на „ЗСФ-КОМ“, каде вирееше зеленило пред налетот на урбанизација и нови возила во овој дел oд скопската општина. Веста за нов асфалт и обележување на делот зад Мајчин Дом на Фејсбук ја најави новиот градоначалник Тимчо Муцунски, откако локални жители на средба со него побарале да им се реши проблемот со паркирање. Од Аеродром за Радио МОФ велат дека просторот неколку години претставува запуштено и неуредено место, на кое некои граѓани се паркирале на диво. „Во моментов сме во фаза на пренос на земјиштето во сопственост на Општина Аеродром. На тоа место ќе биде изработено сообраќајно решение, според кое ќе се предвидат 56 нови паркинг-места и со тоа ќе се реши проблемот на станарите од зградата и околните места. Исто така, е разговарано со станарите за во комуникација со ЈП ‘Градски паркинг’ и таа зграда да се вклучи во системот за зонско паркирање што уште повеќе ќе придонесе кон ублажување на недостатокот на паркинг-места. За сите други активности со процесот на трансфер на сопственоста на земјиштето и негово уредување јавноста ќе биде навреме известена“, посочуваат општинарите. Според Катастарот се работи за парцелата 192/4. Во имотниот лист моментално стои дека е во државна сопственост на површина од 1.495 метри квадратни. Во ДУП-от И10 парцелата уште претходно е впишана како „паркинг 14“. Проблемот со паркирањето кај Мајчин дом не е случаен“ Откако општината даде државни зелени површини да се претворат во градежно земјиште, а сега практично едната од нив повторно ја враќа во сопственост да прави паркинг, постои скепса и за новото решение на Муцунски. „Сите градоначалници забораваат една работа, дека проблемот не се решава отпосле, туку однапред. Односно се работи на соодветен урбанизам за да не создадат проблеми. А, секое решавање отпосле, тоа е изнудено решавање на сметка на јавна површина, дали е тоа тротоар, зеленило, игралиште за деца… затоа што не можат да измислат друг простор“, забележува архитектката Сања Раѓеновиќ Јовановиќ. Според неа, кога се буни стручната јавност – не е случајно. Проблемот со паркирањето кај Мајчин дом, исто не е случаен. Тој дошол уште пред да се изгради зградата. „Кај нас стихијно се одвиваат работите, односно само е важно да се изградат згради без разлика дали исполнуваат и други урбанистички параметри. Зградата е на несоодветно место со несоодветна висина и квадратура. Според закон треба да ги исполнува условите и само на тој начин да добие Одобрение за градење. Тоа значи, организирано паркирање во рамки на сопствената парцела, како за тие 248 стана од зградата (правилникот вика 1,5 паркинг места), така и за локалите, трговските единици од приземјето (1 паркинг место на 70 квадрати вкупно изградена површина), за кои треба да се обезбеди паркирање. Тоа, очигледно, не е направено“, посочува таа. Проблемот би станувал се’ поголем со тоа што во непосредна близина е спортската сала, за која вели дека има несоодветен број паркинг места согласно намената. Исто така, го споменува конкурсот за Градска болница на местото на Мајчин дом, кој спектакуларно бил прикажан како решение за да се тргне гужвата од центарот на Скопје. „Се’ е тоа во ред, но не на сметка на гужва на друго место. Во овие услови како функционира тој простор таму, а функционира лошо, во ситуација кога градската болница не е изградена, кога во спортската сала за жал немаме случувања, во овој момент најголем проблем прави зградата. Затоа, урбанизмот постои, урбанизмот е тој што ги предвидува проблемите и ги решава за да не настанат. Бидејќи кај нас урбанистичко планирање не постои, туку само исцртување површини за згради и додавање квадратури и спратови, ова ни се случува секојдневно и секаде“, забележува Раѓеновиќ Јовановиќ. https://www.radiomof.mk/aerodrom-prezema-sopstvenost-na-nekogashnoto-zelenilo-zad-majchin-dom-za-da-gradi-parking/

Бизнисменот Етеми доби 330.000 евра за место за паркинг

Општина Аеродром на градежната компанија на бизнисменот Фатмир Етеми, ЗСФ-КОМ, му исплатила 20.287.500 денари (330.000 евра) на крајот на февруари, пари за експропријација преку Управата за имотно-правни работи.

„Средствата кои Општина Аеродром ги има исплатено на компанијата ЗСФ-КОМ се исплатени по основ на претходно склучен договор од претходната општинска администрација и градоначалникот Златко Марин. Станува збор за склучена спогодба во постапка за експропријација на земјиште пред МФ-УИПР Кисела Вода, за кој Општината имала законска и договорна обврска да го исплати.

Освен оваа исплата договорена од градоначалникот Златко Марин, Општина Аеродром повеќе нема никаква обврска да изврши дополнителни плаќања кон компанијата по овој или друг основ“, велат од Општина Аеродром.

Нема повеќе детали за кој простор станува збор и за колкава површина се работи, а единствено е познато дека Општина Аеродром ќе прави паркинг-простор за 56 возила зад Ортопедската клиника за деца на локација меѓу домот и веќе постоечкиот зонски паркинг, зад зграда на „ЗСФ-КОМ“.

Веста за нов асфалт и обележување на Фејсбук ја најави новиот градоначалник Тимчо Муцунски, откако локални жители на средба со него побарале да им се реши проблемот со паркирање.

- Во текот на 2022 година ќе ја почнеме и завршиме постапката за асфалтирање и обележуваме на просторот зад Мајчин Дом и на тој начин ќе обезбедиме нови 56 паркинг места, рече претходно Муцунски.

ЗСФ-КОМ купи две парцели на лицитација за три милиони евра. Едната парцела се претвори во зграда. а другата општината ја враќа во сопственост да прави паркинг. Етеми, пак, изјави дека земјиштето го купил во 2017 година на јавна лицитација од деловна банка, откако претходно имало неколку сопственици.

https://faktor.mk/biznismenot-etemi-prodade-mesto-za-parking-za-330000-evra

На центарци полесно им е да ги паркираат возилата на улица, иако некои од нив имаат гаражи





Жителите на Центар сè уште се жалат на проблемот со узурпирањето на тротоарите и нерешениот проблем со паркирање, кое е особено изразен во централното градско јадро. Велат дека иако становите и куќите имаат гаражи, тие не се користат. Некои не ги користат поради тоа што едноставно ги мрзи да ги остават во гаражите, па паркираат на улиците и ги узурпираат тротоарите, а со тоа ги доведуваат во опасност пешаците и велосипедистите. Додека други, упатуваат на сериозен проблем дека не се во можност да ги користат гаражите.

Јана Белчева од Советот на Општина Центар смета дека нема волја да се реши проблемот со паркирањето.

– Ако се градат неупотребливи подземни паркинзи, просторот за безбедно движење на децата ќе им го земаат колите паркирани по тротоари, вели таа

Жителите на Центар сè уште се жалат на проблемот со узурпирањето на тротоарите и нерешениот проблем со паркирање кое е особено изразен во централното градско јадро. Велат дека иако становите и куќите имаат гаражи, тие не се користат. Некои не ги користат поради тоа што едноставно ги мрзи да ги остават во гаражите, па паркираат на улиците и ги узурпираат тротоарите, а со тоа ги доведуваат во опасност пешаците и велосипедистите. Додека други упатуваат на сериозен проблем дека не се во можност да ги користат гаражите.

– Сите станови и куќи имаат гаражи. Треба да ги користат, но општината не ни дава – децидна е Мартина Мартиновска, која го изложи нивниот проблем што се провлекува повеќе од 15 години.

Таа вели дека нејзината и уште неколку куќа се наоѓаат сред пазарчето Буњаковец. Тие имале улица за пристап до дома со автомобил по која можеле да дојдат до гаражата за да се паркираат, но не можат да ја користат бидејќи, како што објасни Мартина, Општина Центар ја продала на Скопски пазар, па за да дојдат до гаражите треба да вртат од спротивната страна.

– Во времето на приватизацијата пазарот се прошируваше и од тогашните 243 квадратни метри, станаа 2.000 квадратни метри, па неколку куќи останаа внатре во пазарот. Конкретно, мојата тераса гледа на тезга од пазарчето. Претходниот градоначалник на Општина Центар, пазареше постојано од таа тезга и знаеше за проблемот. Згора на тоа и се продава пристапната улица. Каде го има тоа – прашува Мартиновска и додава дека од Општината Центар им било ветено дека ќе им се врати улицата со експропријација, но еве веќе 15 години тоа не се случило. Тие бараат да се донесе ДУП за Дебар Маало 2, бидејќи постојниот е од 2012 година.

Јана Белчева од Советот на Општина Центар смета дека нема волја да се реши проблемот со паркирањето.

– Решенија има, дали има волја да се применат? Ако се градат неупотребливи подземни паркинзи, просторот за безбедно движење на децата ќе им го земаат колите паркирани на тротоарите . Бесплатен или евтин паркинг се најпогубни популистички чекори, но бараат силно и гласно мнозинство за да се сменат – смета Белчевска, нагласувајќи дека од Шанса за Центар ќе продолжат да се залагаат за решенија по мерка на човекот!

Од Општина Центар тврдат дека работат на решавање на проблемите на граѓаните кои живеат во околината на пазарот Буњаковец.

– Градоначалникот Горан Герасимовски имаше и средба со жителите од околните згради, на која присуствуваа и претставници од раководството на Скопски пазар, каде што се дискутираа можни решенија за овој дел од Центар – велат од локалната самоуправа.

Воедно, негираат дека пристапната улица е продадена некому и признаваат дека Скопски пазар треба да ги повлече тезгите од тротоарот, додека дел од жителите ги имаат под кирија издадено куќите кои се наоѓаат на самата улица и ги користат пазарџиите.

– Општина Центар од жителите бара вклученост кога предлог Деталниот урбанистички план ќе биде во фаза на јавна анкета и трпение додека не се донесе новиот ДУП за делот кај пазарот Буњаковец – порачуваат општинските власти.

Од јавното претпријатие „Паркинзи на Општина Центар“ (ЈП ПОЦ) одговорија дека континуирано преземаат мерки за решавање на проблемите со паркирањето, како што се: воведување на нови паркиралишта, стимулирање на користење на алтернативен превоз, секојдневно санкционирање на неправилното користење на резидентните зони, како и отстранување на непрописно паркирани возила на цела територија на општината.

https://www.vecer.press/на-центарци-полесно-им-е-да-ги-паркираа/

Originally posted by zabegan Денко го погоди проблемот тука, многу голем дела од проблемите ни се наследени од времиња кога паркингот и возилата низ градов не биле проблем реално проблемот е многу покомплициран од „кој не му се свиѓа нека се исели“ и не го зафаќа само централното подрачје мора детално да се гледа проблемот и да се направат планови каде може да има резиданцијални паркинзи и колку возила ќе држат... голем проблем прават станари од градски ѕид, а за градски ѕид има гаражи, ама реално околината на градски ѕид е хаотична со постари станбени објекти и тука лежи проблемот

Kako sakas go tolkuvaj no ova e nasleden problem od socijalizmot. Denes se znae kako e. So kupuvanjeto stan ti se nudi parking mesto ili garaza. Ako ne sakas togas parkiras vo zonsko ulicno parkiranje i tuka imas rezidencijalen popust. Rezidencialen parking na zatvoren parking ne postoi. Takvo parking mesto se kupuva za pari ili se iznajmuva po komercijalna cena. Se drugo e izmisluvanje topla voda!

Originally posted by user8642 Originally posted by alexsend ...Логично е приоритет да имаат резидентите... Ова е клучната грешка од каде доаѓаат забуните. На тој што му е скап животот во центар треба да испродаде и да се исели тамо кај што ќе му одговара на трошоците. Паркизите се државно земјиште од кое сите имаме еднаква потреба, а со тоа треба да имаме и еднаков пристап. Пошто оваа држава уште е роб на елитата од градски ѕид, еве ќе ја искористам приликава да споменам дека деновиве и друго прашање се наметнува како тема, а тоа е дека и парното е субвенционирано за централно градските жители.

Ne go razbiram parkingov. Civa sopstvenost e parkingot? Prirodno deluva da e na stanarite, bidejki prostorot prirodno gravitira kon zgradite. Ova e nasleden problem od socijalizmot. So sekoj stan treba da odi i parking prostor koj stanarot treba daa si go kupi. Dokolku ne saka togas mu sledi ulicen parking.

Незнам тука што е нерезумно.
Логично е приоритет да имаат резидентите, и ако е навистина капацитет 400, а број на возила 700, а притоа нема услови за изградба на дополнителни паркинзи тогаш цената од 250 е наменета за тоа да ги дестимулира возачите да го користат паркингот, а не некој да профитира. За 250 нема толкав обрт на возила за да има профит...

Не ја разбирам поентата на прилогот.
Некој кој би го гледал, а притоа не живее во околина ќе добие претстава дека тоа е случај секаде во Центар, а всушност е изолиран случај, оправдан.
+Која е поентата да се прави прилог за вести за 1 паркинг...

Edited by alexsend - 18-Feb-2022 at 21:45

Општина Кисела Вода на местото од дивата депонија кај “Мечкаров” гради паркинг



Општина Кисела Вода денес започна со изградба на паркинг простор за преку 60 возила во населбата Расадник. На место на кое до денес постоеше дива депонија, во близина на бензиската пумпа кај “Мечкаров”, жителите на оваа урбана заедница ќе добијат простор на површина од околу 400 квадратни метри, на кој ќе можат да ги паркираат своите возила. Градоначалникот Орце Ѓорѓиевски заедно со директорот на ЈП”Градски Паркинг” Бојан Христовски присуствуваше на почетокот на градежните активности кои треба да финишираат за околу 2 седмици.

– Како градоначалник, но и како жител на општина Кисела Вода, свесен сум за недостигот од простор за паркирање и за потребата од изнаоѓање на нови локации каде нашите жители ќе можат да ги оставаат своите возила, без да пречат едни на други. Покрај тоа што сериозно се зафативме сo претворање на дивите депонии во зелени паркови, еден дел од нив, ќе ги уредиме и како паркинзи. Ова беше и главната тема на која денес разговаравме со директорот на ЈП “Градски Паркинг”, Христовски, истакна градоначалникот Ѓорѓиевски.

Директорот Христовски посочи дека на работниот состанок со градоначалникот ги разгледувале сите можности околу изнаоѓање на нови локации за изградба на паркиралишта во општина Кисела Вода, како урбана заедница која постојано се модернизира и расте.

Денес со градоначалникот Ѓорѓиевски имавме успешна средба на која се отворија многу теми околу подобрувањето на услугите што ги дава нашето градско претпријатие. Организацијата на сообраќајот во мирување има голема улога во квалитетот на одвивањето на сообраќајот во градот, посебно во урбани средини како што е Кисела Вода. Со денешниот прв заеднички проект, се надевам дека почнуваме со изнаоѓање на квалитетни и трајни решенија за жителите на оваа општина, изјави директорот на ЈП “Градски Паркинг” Христовски.

Пред два месеци, Општина Кисела Вода изгради паркинг простор за 60 возила и на улицата “Бранко Заревски” во населбата Драчево.

https://vecer.mk/makedonija/opshtina-kisela-voda-na-mestoto

Originally posted by alexsend Дефинитивно! Жичарата треба да ја продолжат, еден од ретките успешни проекти. Успех во смисла на тоа дека сме град без атракции и ова е една од ретките кои може да ги искористиш за викенд. Само и доле не гледам адекватен простор за паркинг...

Зависи кај ќе почнува/завршува.

Има начини, само прашањето е кога ќе им текне да ги имплементираат.

Едноставно е, понуда/побарувачка.

Ако е паркинг 250 ден и се е полно тогаш треба да биде 300.
А пајак треба да ги собере сите кои се паркирани на улица. На крај краева не треба ни да ги соберат, нека слика полиција и нека изрече прекршочни.
Ќе се среди ситуацијата за 1 викенд.

Алтернатива има, бесплатен автобус. Така да нема простор за плачење.

ја викам не мора еве скроз да се отстранат возилата, само нека е максимално ограничен бројот на возила што би можеле да влезат, или периодично Водно да е затворено за возила како што пробаа тоа да го направат претходно