Булевар Гоце Делчев

Message Topic Search Topic Options Post Reply Create New Topic Printable Version

СО ДОЦНЕЊЕ ОД ДВА МЕСЕЦА

             Почна проширувањето на булевар Гоце Делчев 

             Градските власти се правдаат дека доцнат со проширувањето, бидејќи чекале сообраќајни дозволи од МВР

Градските власти пред десетина дена почнаа со градежните работи за
проширување на булевар Гоце Делчев на потегот од Македонската радио -
телевизија до улицата Беласица кај Транспортен центар. Според проектот
за проширување на булеварот, тој треба да добие уште две коловозни
ленти, односно по една од двете страни, а на средината на коловозот ќе
се постави жардиниера за средишно зеленило. 

Аљоша Шопар, раководител на секторот за планирање и уредување на
просторот во Градот, вели дека со градежните работи почнале од левата
страна на булеварот и дека работите ќе се одвиваат фазно, бидејќи
улицата нема целосно да се затвора за сообраќај. Сообраќајот на левата
страна од булеварот, односно во правец од Транспортен центар кон
Бит-пазар, се одвива на една сообраќајна лента, додека на десната
страна се уште нема пренасочување на сообраќајот. 

"Паралелно со изградбата на новите сообраќајни ленти ќе ставиме и
жардиниера за средишно зеленило, а осветлувањето веќе е префрлено на
средината на коловозот", вели Шопар. 

Проширувањето на Гоце Делчев, според најавите од Градот, требаше да
почне во јуни, но градските власти со градежните работи стартуваа дури
сега. Шопар вели дека доцнеле со почнувањето на овој проект, бидејќи
чекале дозвола од Министерството за внатрешни работи за сообраќајните
решенија за пренасочување на сообраќајот. Тој објаснува дека рокот за
изградба на новите сообраќајни ленти е два месеца, односно булеварот
треба да биде готов во октомври. Градежните работи ги изведува
хрватската фирма "Конструктор". 

(Е.А.)

http://www.vest.com.mk/default.asp?id=155576&idg=8&idb=2449&rubrika=Skopje

Edited by Cloverstack - 02-Nov-2008 at 21:05