Јавен превоз во Скопје (линии и возен ред)

30.10.2015, 16:51
ОД ПОНЕДЕЛНИК НОВА АВТОБУСКА ЛИНИЈА „41 А“

Од понеделник ќе почне да сообраќа нова линија „41 А“ од населбата Драчево до Клинички центар, а нови дополнителни термини на обраќање ќе бидат воведени и за линијата со број „32“. За една седмица линијата со број „13“ од терминалот Кисела Вода ќе биде продолжена до месноста Бабин Дол, веднаш штом на тој потег ќе завршат градежните активности што ги презема Општината Кисела Вода

Ова се дел од идеите што ги реализираше ЈСП по остварените средби со граѓаните. Од ЈСП велат дека средбите со граѓаните се практика што се спроведува од поодамна, но за разлика од претходно, отворените денови сега се организираат во просек еднаш неделно или на две недели, во зависност од заинтересираноста на граѓаните. (Сн.К.)

utrinski.mk

Каде да купите е-картичка за автобусите на ЈСП Од денеска во Скопје ќе можете да се возите со градските автобуси на ЈСП со електронска картичка наречена „моја скопска“. Картичката со фотографија можете да ја извадите во една од засега шесте канцеларии во Скопје, Бит-пазар, Центар, Порта Влае, Аеродром, дирекција на ЈСП и Транспортен центар. Ќе можете да си извадите и пренослива картичка без фотографија, наречена „скопска“, а ќе може да ја користи поединечно кој било член од семејството. Повеќе инфо за картичките можете да добиете на www.skopska.mk, и на бесплатната телефонска линија 0 800 115.

http://emagazin.mk/vesti/vest/11460

Официјален сајт за функционирање на новиот систем на јавниот превоз во Скопје.

http://www.skopska.mk/

Недоумиците горе-долу ги објаснува следниов текст

ОД НОВА ГОДИНА ПОСКАП ПРЕВОЗ, ОД 1 АВГУСТ ПАМЕТНА НАПЛАТА ВО ЈСП


„Не е исклучена можноста од 1 јануари да поскапи градскиот превоз, како во ЈСП, така и во приватните автобуси“, призна вчера градоначалникот Коце Трајановски на промоцијата на т.н. паметна наплата во јавниот превоз. Тој информираше дека есенва Советот на Град Скопје ќе ја разгледува висината на цената на јавниот превоз, при што ќе треба да утврди единствен тарифен систем кој ќе важи и за ЈСП и за приватниците.

Инаку, од 1 август во автобусите на ЈСП ќе почне тест-период на т.н. паметна наплата. Тоа значи дека граѓаните, за да се возат во автобус, ќе треба да купат паметна картичка „скопска“, која ќе има функција на електронски паричник што ќе може да се надополнува. При влегувањето во автобус, патникот ќе има обврска да ја отчита картичката на валидатор, со што автоматски ќе си го плати возењето.

Ќе постојат два типа картички, персонализирани (лична картичка со слика) и неперсонализирани (пренослива), за кои граѓаните ќе треба еднократно да платат 200, односно 150 денари и истата „пластика“ ќе има важност од 10 години. Картичките ќе можат да се купат и надополнуваат на повеќе продажни места.

Во текот на тест-периодот, истовремено ќе важи и стариот начин на наплата. Всушност, ваквиот начин на функционирање и официјално ќе стапи во сила од Нова година. Тогаш, со истите картички граѓаните ќе можат да се возат и во автобусите на ЈСП и во приватните автобуси. Значи, ќе почне да функционира системот за работа со една картичка со еден тарифен систем за сите превозници, а приватниците ќе добиваат по едно евро за изминат километар, при што ќе се избегне „бркање“ на поголем број од патниците и конкуренција со ЈСП.

„Опремата за сето ова веќе е набавена и речиси целосно монтирана. Овој проект за нас претставува револуционерен чекор како за сообраќајот, така и конкретно за автобускиот превоз. Со овој проект, Скопје добива уште еден аспект на ‘паметен‘ град“, истакна меѓу другото градоначалникот Трајановски на вчерашната најава за имплементација на системот.

Објаснувајќи ги придобивките на еднотарифниот систем, тој најави и дека истовремено од 1 август ќе стартува и автоматската локација на автобусите. Тоа, како што појасни Трајановски, значи дека од еден контролен систем ќе се врши мониторинг на автобусите и за сето тоа граѓаните ќе имаат увид преку дисплеи поставени на автобуските постојки. Во секое време ќе се знае кој автобус до каде е, кога тргнал и кога ќе стигне на одредена постојка.

„Инсталацијата на уредите во секое време ќе дава реална и целосна слика на автобусите, при што ќе се врши контрола на сообраќајот“, рече Игор Јанушев, директор на ЈСП.

Тој апелираше корисниците на јавниот превоз навремено да се информираат за новиот систем на наплата. За таа цел ЈСП ќе води ТВ и радио кампања, ќе се врши едукација и информирање на штандови низ сите општини, извесен период ќе има инфо-пунктови по трговски центри и слично. Информации за проектот граѓаните можат да најдат и на www.skopska.mk.

Паралелно со новиот начин на плаќање, од 1 јануари парите од наплатата на превозот со „паметните“ билети ќе ги собира Град Скопје, а потоа превозниците ќе добиваат од едно евро за секој извозен километар. Така, сметаат надлежните, приватниците ќе имаат мотив да возат во кој било период од денот, а не како досега да се случува во шпицот да има премногу, а во вечерните часови мал број возила.

Генерално, со овој проект надлежните се надеваат дека ќе ја вратат довербата кај корисниците на јавниот превоз, а ќе се среди и сегашниот хаос.

Инаку, паметната наплата и автоматската локација на возилата требаше да се имплементираат уште пред 2-3 години. Но, поради неколку неуспешни тендери, таа доцни.
Utrinski

Во секој случај штури информации. Кога на едно место ќе се сретнат политичари и непрофесионални новинари (за жал само такви имаме во државата) резултатот е секогаш останувате повеќе прашања одколку одговори. Ќе можело со мобилен да се плаќа, како, кога, како ќе се контролира, за кој ќе важи оваа услуга...............

Значи не можат да ги укинат билетите за едно возење... Во ред е да не се купува од возач, и јас сум за тоа, ама не може па од друга страна да не остават со 5 трафики низ цел град за продажба на билети...

Ќе мора да стаат автомати пред автобуските станици, на некои фреквентни локации како трговски центри и слично...

Зашто не секој користи автобус секој ден...

Мене од медиумите никако не ми е јасно кога ќе можеме да до користиме овој систем. Се најавува од август тест период. Што значи тоа?

Превозниците ќе добиваат по евро за километар



По едно евро, односно 61,26 денар за секој изминат километар ќе добиваат превозниците од јавниот градски превоз од 1 јануари следната година. Оттогаш ќе почне да се применуваат и новите системи за наплата со електронски билети и автоматско следење на возилата, како и единствената цена кај сите превозници. Град Скопје со новата одлука за линиски превоз на патници и со одлуката за надоместок по изминат километар, што ќе се усвојат денеска на седница на Советот, го менува системот на јавниот превоз во метрополата.

Парите од наплатата на превозот со умните билети ќе ги собира Градот, а потоа сите превозници ќе добиваат надоместок од едно евро за изминат километар. За секое возило ќе се знае точно колку минало благодарение на системот за автоматска локација. Ќе биде утврден единствен систем на линии во градскиот и во приградскиот превоз и единствен возен ред. Главен носител на јавниот превоз е ЈСП „Скопје“, а може да учествуваат и други превозници кои исполнуваат точно утврдени услови и кои ќе склучат договор со Град Скопје за одржување одредена линија. Ќе има и нов оглас за распределба на линиите.

повеќе на линкот: http://www.dnevnik.mk/default.asp?ItemID=C1C9B9440524664099C2D77FBDFBBBBA

Нешто спомнаа дека и обични Виза Мастер картички ќе можат да се прифаќаат на уредите во автобусите. Ова е нешто што е вообичаено во западна европа и е многу згодно за да не мораш постојано да надополнуваш.
Имам пријател во Халк банка кој веќе има од тие бесконтактни Виза Мастер картички и ми вели дека сега и другите банки ќе почнеле да издаваат

Поентата е да се воведе заеднички систем но не според учинок туку според возен км што е многу лош систем. Наместо да се направи заеднички холдинг и од таму да се распределуваат средства тие ќе одат преку криминални структури.
Како и да е ,можноста за плаќање во готовина ќе биде и во јсп ако не се лажам.

Вчера се возев во автобус кој имаше поставено основа за читач и таква имаше само на предната врата... од десната страна (да напоменам бидејќи нема од двете страни).