Возен парк (ЈСП - двокатни автобуси)

Edited by jyvation - 22-Jul-2014 at 13:11

Originally posted by phenomenon Што бидна со панормаскиот автобус што требаше да отиде во Охрид?

Возеше.Промотивно.Еднаш.

Двокатните служат и за славење родендени

Double decker bus, Skopje by bradbox, on Flickr

Моминска вечер во двокатен автобус
11/05/2013 | Занимливости | 0 Коментари

Тура низ Скопје, панорамско разгледување, фотосесии, моминска вечер, роденден за деца, снимање реклами е новиот тренд што го развива ЈСП во последниов период. „Ве очекувам во двокатниот автобус, во 20 часот, да го прославиме мојот роденден“. Вака изгледаат новите и модерни покани за роденден или, пак, некој друг вид прослава, пишува Нова Македонија.

Од ЈСП велат дека во последно време се зголеми интересот кај граѓаните за изнајмување автобуси за приватни прослави, но тие најмногу ги одобруваат за туристички цели, односно за разгледување на Скопје.

Изнајмувањето на автобусите за свечености како што се родендени, фотосесии за свадби и слично стана особено актуелно со пристигнувањето на двокатните. Превозот за тие намени го вршат возачи на ЈСП.

Од ЈСП велат дека цената за изнајмување на автобусите е од 3.500 до 6.500 денари, во зависност од видот и дестинацијата.

- Цената за изнајмување на панорамскиот автобус е 6.500 денари, двокатниот автобус е 4.500 денари, а за ниските е 3.500 денари. Се изнајмуваат за најмногу четири-четири и пол часа, без разлика за каков вид прослава се работи – објаснува Мишо Николов, директор на ЈСП.

Тој додава дека автобусите најмногу се изнајмуваат од институции, фирми, училишта.

- Основните училишта ги изнајмуваат автобусите најчесто за настава во природа. Добивме барање и за детски роденден во автобусите, минатата година имавме три родендени – вели Николов за весникот.

Граѓаните велат дека неколкупати на автобус забележувале сигнализација со „среќен роденден“.

- Пред неколку месеци во еден автобус видов како се забавуваат дечиња, прославуваа роденден, а на дисплејот во автобусот, наместо бројка, беше испишано „среќен роденден“ – вели жителка на Карпош 4.

Сега е период на матурски прослави, и од ЈСП велат дека речиси секој ден им стигнуваат барања за изнајмување автобус за матурска забава.

Желбата на идните студенти да ја прослават матурата во двокатниот или панорамскиот автобус останува неостварена.

- Многу барања ни стигнуваат за матурски прослави во двокатните автобуси, но не сме одобриле досега, бидејќи се ризична категорија. Се внесува алкохол, сепак се тинејџери, па не би сакале да има некој инцидент или, пак, да не се уништи автобусот – објаснува Мишо Николов.

Во двокатен автобус имало и моминска вечер. Од ЈСП велат дека неколку пати досега се случило да го побараат автобусот за моминска забава.

- Пробуваме и овој вид прослави да ги избегнуваме, бидејќи и тука има судир со алкохол – вели директорот на ЈСП.

Девојки ѝ организирале несекојдневна моминска вечер на својата другарка во автобус и ѝ приредиле големо изненадување.

- Сакавме нешто невообичаено, бидејќи секоја вечер може да одиме во кафуле или во кафеана. Од ЈСП ни дозволија да го изнајмиме автобусот и таму да ја прославиме моминската вечер. Тоа беше одлична несекојдневна забава – вели Ана Секуловска, жителка на Чаир за Нова Македонија.

http://ekonomski.mk/?p=38940

само да не се преврти на некоја раскрсница,друго све е бинго

 
Реторичкото прашање си заслужува реторички одговор:
 
Да, некој поднесе одговорност, а тоа беше самата настрешница која наредниот ден беше урната.
 
Никако да разберете бре луѓе, не е проблемот во автобусите бидејќи се високи, проблемот е во надвозниците бидејќи се ниски и бидејќи се на погрешно место поставени.
 

 



Edited by Dexter26 - 15-Apr-2013 at 01:52

Фотографија е направена кај хотелот Александар Палас, подвозникот кај ботаничката градина. Очигледно дека ЈСП ќе треба да обрне малку поголемо внимание со насоките на движење на автобусите.

Како добро ќе ми дојдеше еден панорамски денеска, баш на петка, не се дишеше со сите пензионери внатре во него

Настрана шалата, навистина голема утка со панорамските автобуси. Со овие пари можеа да се купат зглобни автобуси, кои и покрај тоа што ми се допаѓаат двокатните, сепак морам да кажам дека фалат, особени на најфреквентните линии и ноќните линии, каде што се уште сообраќаат старите крнтии.

Значи за бесење се!
Купија непотребно многу туристички автобуси и сега не знаат што да му прават, па ајде и тие како редовни.
И што линијата ќе зависи од тоа какво е времето, ако заврни нема.

Во нормална земја некој сериозно би понесол одговорност.
Или и тука ајде ќе се вадиме за тоа колку туристи ќе привлечеме.

Само како предлог, да речеме дека на Скопје реално(максимално) му требаат 4 панорамски автобуси, значи остануваат 12 непотребни. За парите од тие 12 панорамски би можеле да се купат 15 нормални автобуси, да се поделат по 5 на три рразлични градови пр.Тетово,Прилеп и Штип ќе се реши јавниот превоз лесно, ем граѓаните задоволни ем одговорни власти.
   

Панорамските автобуси го чекаат сонцето На улица во редовен сообраќај ќе се пуштат 15 панорамски автобуси, кои стасаа во јануари годинава Сите 15 панорамски двокатни автобуси чекаат да се стабилизира времето и да станат дел од редовниот градски превоз. Првенствено ќе возат на редовните градски линии, а по потреба ќе служат и за туристички тури. Во ЈСП деновиве го утврдуваат возниот ред и линиите на кои ќе возат отворените автобуси. Извесно е дека на сончево време, со кабрио-автобус ќе можат да се возат жителите на Аеродром и на Карпош. „Веројатно ќе ги пуштиме на линиите со број ‘5‘, ‘15‘, можеби на ‘7‘. Наскоро се' ќе биде дефинирано, и линиите и возниот ред. Засега повеќе од сигурно е дека сите 15 автобуси ќе возат на редовни линии, а по потреба ќе се користат за туристички тури и слично. Отворениот автобус кој сега вози за туристичко разгледување и понатаму ќе сообраќа по досегашната динамика“, вели Мишо Николов, директор на ЈСП „Скопје“. Тој потенцира дека не е утврден терминот кога кабрио-автобусите ќе станат секојдневје по улиците. „Се' зависи од временските услови. Во случај времето да затопли и да се стабилизира за две недели, ние сме подготвени веднаш да ги пуштиме автобусите на улица“, дополнува Николов. Инаку, туристичкиот автобус кој веќе половина година вози низ Скопје и поаѓа од пред Порта „Македонија“ во моментов сообраќа два пати дневно, од 11 и од 13 часот. Цената на билетот е 35 денари и засега нема најави за нејзино покачување или евентуално поевтинување. Од ЈСП не ја исклучуваат можноста овој автобус по потреба и некој од 15-те нови панорамски да вози на проширена туристичка траса. Во опција е автобусот да вози и до Матка или Скупи. Допрва ќе се утврдува дали тие би станале редовна локација како дел од турата на туристичкиот автобус, или, пак, само со закажување на туристичката маршрута.

http://www.utrinski.com.mk/default.asp?ItemID=E193E7DA3DD2934C831BC57F73CEF2A8

За среќа нема повредени граѓани бидејќи сите биле во внатрешноста на продавницата, а оние кои биле на кривината успеале да избегаат кога забележале дека автобусот не успевал да закочи. Од она што можевме да го разберемо од шоферот на автобусот и оние кои беа сведоци на настанот е дека на возилото му откажал системот за кочење при што не помогнала ни рачната кочница.

Додека сопствениците на продавницата го чистеа стаклото од излогот се очекуваше сообраќајната полиција да направи увид на местото на настанот.
Сообраќајот продолжи да се одвива без ограничување но со мал застој и поголема внимателност.



Edited by vladegf - 24-Mar-2013 at 11:14