[Р-1301] Охрид - Св. Наум

Патот Охрид-Св Наум, лето 2009 во екот на туристичката сезона:
Охрид-Св. Стефан е најоптоварениот дел од патот, којшто пред околу 10 години беше изграден на ниво на брз пат со 2 пати по 2 ленти во насока. Сепак раскрсниците не се ниту денивелирани ниту пак регулирани со семафори, што создава голем хаос на оваа многу оптоварена делница.





Потоа патот се стеснува на 2 ленти коишто се крајно недоволни и скратени дури и на една лента поради паркираните возила особено во Лагадин, Пештани и Елшани.



Ја поминуваме Трпејца и потоа патот станува навистина тесен, со остри завои и многу стара и рѓосана сигнализација.





Мало отклонување од патот. Тргнуваме кон Отешево/Преспа преку националниот парк Галичица. Патот иако тесен и на многу места без банкини ниту било каква хоризонтална или вертикална сигнализација, сепак е удобен а асфалтот беше над моите очекувања. Веројатно поради малиот број на возила и никаквиот сообраќај на товарни возила по тој пат.







Назад кај раскрсницата при Свети Наум. Таму стојат знаци поставени пред повеќе од 20 години (пишува Н. Р. Албанија), но истите не се ниту оштетени, ниту избледени и освен кирилично-латиничната ознака наместо кирилично-англиската, немам никакви забелешки:

Драган незнам дали си прочитал по форумов мислам дека во нишката за охридски сообраќај беше, во Охрди се гради обиколница која всушност не го елиминира скроз поминувањето низ градот туку делумно го поместува нсообраќајот по периферија на градот.

Имеме регистрирано една најава (декември 2008) за осовременување на патот која би почнала тек во 2010.
Исто така нема никакви детали што точно се подразбира под осовременување.

Инаку мислам дека засега доволно би било патот да се прошири на 2х2 евентуално до Пештани, а понатака до Свети Наум значително да се подобрат техничките карактеристики.
Доколку туристички и економски би почнала да напредува и албанската страна, пред се Поградец, тогаш би можело да се размислува и за комплетен прстен со поголем капацитет околу езерото. Сепак се работи за еден регион кој го спојува многу посилна природна врска отколку што треба да го раздвојува границата, особено во некоја ЕУ иднина.

Еве ја веста со најавата за Р-501:

Охрид, 11 декември (МИА) – Министерот за транспорт и врски Миле Јанакиески при неодамнешната работна посета на Охрид најави дека Владата, односно ресорното Министерство, издвоиле 11,8 милиони денари за реконструкција на постоечките пристаништа и изградба на ново пристаниште на Охридското Езеро, во чиј состав ќе биде изградена и соодветна бензинска пумпа. Според Јанакиески, на тој начин ќе се надмине проблемот со снабдувањето гориво за бродовите и чамците. Тој најави и реконструкција на обиколницата на Охрид, односно улицата „Железничка“, што ги спојува магистралните правци кон Скопје односно Битола. Работните зафати на оваа важна сообраќајница во Охрид е предвидено да започнат во февруари идната година. Предвидена е реализација на проект за осовременување на делницата на потегот Охрид – Свети Наум, чија изградба би почнала во текот на 2010 година. Тој патен правец е изграден во 50-те години на минатиот век и не соодветствува на современите потреби за патен сообраќај. Проблеми во одвивањето на сообраќајот особено се јавуваат во летните месеци кога значајно се зголемува фреквенцијата на возила на тој патен правец. http://www.mia.com.mk/

Edited by Cloverstack - 27-Jul-2009 at 20:37

Пет часа од Свети Наум до Охрид За враќање од Свети Наум и од плажите на источното охридско крајбрежје на возачите завчера им беа потребни околу пет часа за да стигнат до Охрид. Колоната од неколку илјади возила повеќе стоеше во место отколку што се движеше. Нервозните возачи беа принудени да возат со втора брзина и со околу 20 километри на час. Проблеми создаваа и старите возила на кои им откажуваше ладењето на моторите, а некои останаа и без бензин. "Тргнавме од Свети Наум околу 18 часот, а веќе во Пешатни не дочека ноќ. Не знам дали летово уште еднаш ќе се одлучам да одам на плажа во Свети Наум. Охрид мора нешто да направи овој патен правец да има поголема пропусна моќ", вели една исселеничка во Канада која престојува во Охрид. Според слободна проценка за викендот на охридскиот брег имаше над 30 илјади гости од земјава и од странство. http://www.vest.com.mk/?ItemID=546786284DBDB141BE81B483D827FD9F