Мост Сарај

Железниот мост на реката Вардар, што се наоѓа на влезот во скопската општина Сарај, од денеска, ќе биде затворен за сообраќај.
За влез и за излез од Сарај сообраќајот ќе се пренасочи кон автопатот Скопје - Тетово.

Како што инфромираат од Градот Скопје, затворањето е поради оштетување на патната површина на мостот и започнување со реконструктивно - конструкторски работи.

Како почетната и крајната станица на автобусот со број 2 на ЈСП “Скопје“, од денеска, ќе се користи последното автобуско стојалиште  на линијата пред влезот во општината односно пред мостот.

Сите останати автобуски линии кои сообраќаат до Сарај, ќе бидат пренасочени и ќе се движат по автопатот.