Меѓуградски автобуски превоз

Ќе искористам слоган што не е мој: ВМРО Радлер. Толку за појавава со лентиве.

Чисто онака сабајлево иако веќе по трет пат влегувам фатив еден лош детаљ на Охридската станица.
Дупки отприлика метар на метар горе во продторот кај вентилацијата, стрчат и кабли и други ситници.Дали дополнително чепкале или така ја отвориле не знам...

Новата автобуска станица во Охрид не е никаков врв во проектирањето, но треба да земеме во предвид дека чекалната досега беше на отворено, додека благајната претставуваше монтажна барака. Притоа, голем број на туристи минуваа низ ваквата станица. Станува збор за голем напредок.

Започна со работа новата автобуска станица во Охрид

По една и пол година од почетокот на изградбата на објектот, викендов започна со работа новата меѓуградска автобуска станица во Охрид. Современото здание се наоѓа на идентична локација во градот, при што со оваа инвестиција се решава долгогодишниот проблем со субстандардното функционирање на автобуската станица во досегашниот монтажен објект. Покрај билетара и чекална за патниците, во новата автобуска станица има тоалети, кафетерија и административни простории. Инвеститорот во овој објект е фирмата „Делфина Турс“ од Скопје.















Изградбата на меѓуградската автобуска станица во Охрид започна на 18 ноември 2016 година. „Делфина Турс“ за атрактивната парцела од 11.997 метри квадратни во мај 2015 година плати околу 680 илјади евра. Покрај автобуската станица, инвеститорот на ова земјиште гради и нов трговски центар. Проектот „Охрид Мол“ треба да биде завршен во текот на 2019 година, во чии рамки е предвидено да се изгради трговски центар на две нивоа со развиена површина од околу 19.000 метри квадратни.

http://build.mk/zapochna-so-rabota-novata-avtobuska-stanitsa-vo-ohrid/

Во петокот попладне испраќав луѓе на Автобуска Станица Охрид, денеска пречекував.

Разликата е дека во петокот беше од старата барака, денес веќе од новата зграда.И распоредот на пероните е сменет во обратен правец така да 8 е 1 и обратно, за да се поблиску првите до самата зграда.


Конечно еднаш пред летните горештини во климатизирано и покриено од сонце.

Инаку делот во правец на кружниот тек Железничка/7-ми Ноември/15-ти Корпус/Ристо Чадо е добро ископан за идни темели на планираниот трговски центар.ќ

Хмм да, но оди само до Белград, потоа од таму кон другите метрополи. Сега проверив од кај мене Руан, поточно од Париз до Белград 32ч со преседување од 4ч во Будимпешта. Иаку добра вест, се надевам дека ќе се развие линијата понатака и до други дестинации. Го имам користено неколку пати превозникот од Руан до Ротердам и супер се, професионални и сигурни. Додека не излеговме од територијата на Франција имаше ви-фи но потоа во Белгија, не беше достапно. Не знам како е сега со исклучувањево на Роаминг за ЕУ од лани, дали ќе се смени нешто или не, но конкуренција со Европски стандарди секогаш е добра работа, посебно за македонските фирми.

Originally posted by BOJAN Тркало, да знаеш дека денеска Авто Атом имаше плав автобус на релација Кочани-Охрид. Не за друго, го видов на автобуската станица во Прилеп. Кога говориш за почитување/непочитување на правила во македонски транспорт, еве да ти го дадам моето искуство. Само што се вратив од посета на Крушево. Наместо директен автобус, фатив воз до Прилеп и комбе од таму до Крушево. И ова беше за среќа. Автобусот на прилепска „Пелагонија“ од Скопје ги истоварил патниците на надвор од станица, им рекол одам по комбе и си останале во Прилеп. Тројца патници од Скопје имаше што се караа на автобуската станица. Каде е комбето . Комбето за   Крушево го нема, ќе мора да чекате наредно комбе од крушевска компанија. И не само тоа, тие што патуваа од Скопје за Крушево мораа да си купат дополнителен билет Прилеп-Крушево. Не сакаа да ги пуштат на станица, бидејќи им кажаа дека они се виновни што му поверувале на шоферот, они го напуштиле возилото... ЛУДИЛО! И ај тоа, дојде крушевското комбе, ја среќен што наместо 900 денари, си платив 550 на релација СК-КР-СК. Кога гледаш, прилепската станица продала 40-тина билети, а места повеќе од двојно помалку. Па ај чекај друго комбе за Кривогаштани, па од таму дојде друго комбе од Крушево за да не земе. На враќање од Крушево во едно комбе беа пак околу 20 души. Л-У-Д-И-Л-0

Не знам веќе,се е можно денес.Барем тие останаа од ретките со некој каков таков ред.И таа линија е доста јака, едно од ретките поврзувања исток запад, тука и диви таксисти не верувам толкава сила да покажат па да намалат број како на поблиски линии од типот Охрид - Битола/Кичево/Струга, Прилеп - Битола/Кавадарци/Кичево и слични.
Макар Струмица Експрес пуштаа комбе до Битола, во време кога Транскоп ја откажа истата линија,а и Радовиш-Битола е укината после купување од Струмица Експрес.
Од Гевгелија слична приказна, многу почесто автобуски превоз со комбе.

Ете Транскоп често возат минибуси или комбиња за Охрид/Струга, последен период почнаа и Галеб со мидибус 35/39 седишта, во недела понекогаш и комбе со 23.За споредба на лето одеа и троосовинци со 60 седишта.Тука се најмногу криви инспекциите.Во секој момент имаш минимум пет 'диви'возила кон Струга и Битола посебно.

А за Прилеп...Имаше една таканаречена автобуска компанија (со комбиња нормално) Метро Транс од с.Дебреште, Прилепско.Возат линии Кичево - Прилеп и обратно.Ме насамаруја квалитетно дека Пелагонија не возат веќе во 14:15 за Кичево, па морам со нив во 13:15 или да чекам до 16:00.И ете ги 50 мин после нив Пелагонија во Кичево.збеснување.

Edited by Тркало - 18-Feb-2018 at 03:05

Денеска видов комбе на Авто Атом Кочани на станица во Охрид.Се надевам дека е само дополнително возило на линијата Кочани - Охрид, а не редовно.Ама не видов и автобус.Времето беше 12:10 , според возен ред би требало да е редовната линија.Инаку е околу пет и пол саати долга.

Edited by Тркало - 17-Feb-2018 at 21:41

ХАХАХАХА, и така автобуската станица во Охрид прерасна во...

Охрид го добива својот прв шопинг мол

На површина од 19.000 м2 започнува со изградба првиот шопинг центар во Охрид - Охрид Мол.
Најпознатото туристичко место во Македонија кое привлекува голем број на туристи од државата
и од странство, сега дефинитивно ќе биде уште попривлечно, особено за љубителите на шопингот.
Охрид Мол се наоѓа до новата автобуска станица, на само 2 километри од центарот на градот. Ќе
биде на 2 нивоа, ќе има подземен и надворешен паркинг простор, повеќе од 50 локали за
реномирани домашни и светски брендови, а ќе нуди и најразлични забавни и актуелни содржини
за сите генерации.
Првиот трговски центар во Охрид е македонска инвестиција на компанијата Делфина Турс.
„Охрид Мол е проект за кој јас и моите партнери размислувавме подолг период. Охрид е меѓу
најпознатите туристички места во регионот со многу работи што може да ги понуди, но му
недостасува центар од ваков тип каде што жителите и туристите ќе можат да купуваат. Со оваа
инвестиција Охрид ќе биде уште повеќе посакувана дестинација на туристичката мапа." - изјави
Аднан Исмаил, инвеститор на Охрид Мол.
Ексклузивен агент за изнајмување на деловниот простор е консултантската компанија за
недвижности Фортон Македонија: „Помеѓу првите закупци кои обезбедија простор во Охрид
Мол се грчкиот ланец на супермаркети Веро заедно со Џамбо продавниците. Морам да
напоменам дека веќе има огромен интерес на домашните и светски брендови за закуп на локал
во објектот и очекуваме брзо исполнување на капацитетитот на трговскиот центар.” – изјави
Влатко Богоевски, генерален менаџер на Фортон Македонија.
Изградбата на Охрид Мол е во тек, а отворањето е предвидено за април 2019 година. Вредноста
на оваа инвестиција изнесува 10 милиони евра и ќе биде од значаен придонес за домашната
економија, како и за градот Охрид и овој дел од Македонија.

Индустриска хала, класика.