Музејски комплекс „Македонска Борба“

 

Ребалансот на буџетот нема да ја забави изградбата на музејскиот комплекс на кејот на Вардар во Скопје, кој треба да биде готов в година. Иако министерот за финансии Зоран Ставрески најави мораториум на тој и неколку други проекти, и во Владата и во Министерството за култура потврдуваат дека изградбата ќе продолжи по планот.

- Музејот ќе биде готов во 2010 година. Со ребалансот Министерството има доволно пари за да продолжат со проектот до крајот на годинава. Нема застој - изјави портпаролот на Владата, Мартин Мартиновски.

Министерот за финансии деновиве тврдеше дека во буџетот ќе се заштеди со тоа што Владата ќе се откаже од покачување на платите на административците и со мораториум на нови вработувања, на изградбата на музејот на ВМРО и на жичницата на Водно. И во првиот ребаланс на годинашниот буџет Владата се откажа од истите проекти.

И во надлежното министерство потврдија дека изградбата на музејот продолжува со несмалено темпо.

- Нема промени, се продолжува со иста динамика. Во буџетската ставка за музејскиот комплекс и по ребалансот има доволно пари - потврди портпаролката на министерството за култура Анита Јованоска.

Комплексот музеи на македонската борба и на жртвите на комунизмот, според планот, ќе биде готов в година, а во него ќе бидат изложени 105 восочни фигури на познати личности од македонската историја. Меѓу другите, ќе има фигури на личности од сите фракции во историјата на ВМРО. Фигурите ги изработува киевскиот Музеј на восочни фигури. До крајот на годинава ќе бидат готови првите 40 фигури, тврди фирмата-посредник во набавката.

- Осумнаесет фигури се веќе пристигнати, уште седум-осум треба наскоро да пристигнат. Во Киев се готови или е во завршна фаза изработката на уште петнаесетина фигури - вели Јовица Ѓуричиќ, директор на фирмата-увозник „Специјална опрема“.

Пристигнатите фигури се чуваат во просториите на фирмата, во посебни услови. (И.К.И.)