Јавен автобуски превоз (општо)

во штип со овие автобуси се врши превоз на работници а не градски превоз, инаку во ред се автобусите

Originally posted by Djole88 Ех во Полска, во град со 200 000 жители да видите само како е среден просто и едноставно превозот. Си имаат трамвај и автобуси и на секоја станица има обични пластифицирани возни редови кои се залепени на автобуската. Исто така си имаат и веб страна со возен ред и во колку часот кој автобус е на која станица. Едноставно, пред да излезеш проверуваш кога ти е автобусот/трамвајот пред зграда и толку. 99% од случаевите се точни на време или со 1-2 мин закаснување, поради семафор или гужва од патници. Ни дисплеи, ни технолигии ни ништо. Само среден сообраќај со добро израчунати протоци на сообраќај и тоа е тоа

Ова е доказ дека не е се во високата технологија ,особено не во компјутерите. Имам впечаток дека кај нас сеуште на премногу луѓе им прави поголем впечаток ако за некоја работа се употреби придавката „компјутерски“. Кога надлежните ќе сфатат дека она што е важно е суштината а не формата?  Постот од Djole88 е доказ за тоа.

Originally posted by Djole88 Ех во Полска, во град со 200 000 жители да видите само како е среден просто и едноставно превозот. Си имаат трамвај и автобуси и на секоја станица има обични пластифицирани возни редови кои се залепени на автобуската. Исто така си имаат и веб страна со возен ред и во колку часот кој автобус е на која станица. Едноставно, пред да излезеш проверуваш кога ти е автобусот/трамвајот пред зграда и толку. 99% од случаевите се точни на време или со 1-2 мин закаснување, поради семафор или гужва од патници. Ни дисплеи, ни технолигии ни ништо. Само среден сообраќај со добро израчунати протоци на сообраќај и тоа е тоа

А што мислите, кој ќе ги добие овие тендери и зошто истите со проблеми се соочуваат? Каде и да се воведоа вакви системи во регионов, се јавија скандали од секаков вид, не знам зошто Скопје би бил исклучок.

толку ли е комплицирано бе да се опремат самите постојќи со мапи на линиите и основни податоци за возниот ред???
или работава е да се плаќаат плус пари за смс порака, заедно со нивните поскапени карти???

дури и тие дисплеи со кои се фалат дека им се расипале, се тотално бескорисни, освен ако не ве интересира колкава е температурата и колку е часот...

ЈСП НАЈАВУВА НОВА УСЛУГА

Не дреми на автобуска, прати СМС за возен ред!


Пораката ќе ги содржи времињата на пристигнување на следните три автобуси на постојката каде што чекате

Чекањата на автобуските постојки понекогаш и повеќе од еден час за да се качите на автобусот кој ќе ве однесе до посакуваната локација, наскоро ќе можат лесно да се избегнат. Корисниците на јавниот градски превоз ќе имаат можност преку СМС да го добијат возниот ред. Пораката ќе ги содржи времињата на пристигнување на следните три автобуси на постојката каде што чекате.
Новата услуга, која ќе се вика планер на патување, веќе подолго време е во подготовка, а од ЈСП најавуваат дека таа освен што ќе информира за времето на пристигнување на автобусот, ќе нуди можност со бирање на две точки од мапата да се добие бројот на линијата, потребното време за патување и точката на пресретнување доколку треба да се префрлите во друга линија. Со тоа планерот значително би го намалил чекањето и би го олеснил патувањето до одредени градски и приградски населби каде што автобусите се и поретки.
Од Јавното претпријатие очекуваат оваа услуга да наиде на позитивен прием кај граѓаните, а засега не се открива колку пари ќе чини СМС-пораката. Сепак, за спроведување на услугата од претпријатието информираат дека прво треба да завршат со имплементација на системот за автоматска локација на возилата.
- За да ја воведеме оваа новина, потребно е прво да се реализираат проектите за автоматска локација на возилата и интелигентниот систем за наплата. Во СМС-пораката патникот би го пратил бројот на постојката и бројот на посакуваната линија. А како одговор ќе ги добие следните три пристигнувања на бараниот автобус за таа постојка. Планерот на патување исто така ќе нуди, патникот да избере 2 точки од мапата и да го избере временскиот интервал во кој сака да патува. Резултатот ќе ја кажува постојката на која патникот треба да се качи во автобус на одредена линија, на која треба да се симне, вкупната должина на патување, како и времето што му е потребно за патување. Доколку има можност патувањето да се оствари преку повеќе опции, понудени ќе бидат сите, но првенствено таа која стигнува за најмалку време. Овие новитети ќе го скратат чекањето на минимум и ќе го направат патувањето поедноставно, вели Ана Груевска од Одделението за односи со јавност од ЈСП.
И покрај обновата на возниот парк и воведувањето на новите услуги, јавниот градски превоз се уште има низа недостатоци. Патниците велат дека се случува автобусите предвидени во распоредот воопшто да не пристигнат, па да чекаат и по еден час. Проблемите од овој вид може лесно да ги решат дисплеите на автобуските постојки на кои патниците можат да го видат точното време на пристигнување на автобусот. Од пред околу една година и во нашиот град на 10 автобуски постојки беа поставени дисплеи од ваков вид, но повеќето од нив веќе не функционираат. Од ЈСП најавуваат дека дисплеите ќе бидат поправени, а ќе бидат поставени и нови 40 и на останатите постојки во градот.
вечер

Originally posted by sanos_a Originally posted by zabegan Originally posted by sanos_a кога веќе спомна запалување на автобус да те прашам нешто ако може: Дали знаеш колку ман, неоплан, мерцедес .... автобуси кои возат исто градски превоз се имаат запалено низ Европа? може и за тоа да дискутираме, ама притоа да ги наведеме причините кој автобус, каде, и зошто се запалил... а и тогаш, не знам која би била поентата, тоа што некаде на друго место се запалил автобус од друга марка, не го прави ни најмалку оправдано тоа никој не го дискутира производствениот квалитет на Украина, туку конкретно овие автобуси и тоа колкав е нивниот квалитет, и не верувам дека дискусијата ќе беше нешто поразлична, ако автобусите биле од ман, неоплан и слично а тоа дека автобусиве не издржуваат во наши услови, дека лошо се склопени и деловите брзо им истрајуваат, а уште поголем факт е дека се во рацете на катастрофално неодговорно претпријатије кое на многу наврати ставало патници и пешаци на опасност овде е проблемот а не во автобусите

се работи за катастрофална комбинација на повеќе фактори, ЈСП само придонесува за тоа проблемите да не се елиминираат и да се размножуваат, ама секако за да има дефект, потребен е автобус, а ЈСП сигурно сами не си ги саботираат автобусите...

http://www.mkd.mk/47649/skopje/se-zapali-avtobus-kaj-jajapasina-dzamija/

Се запали автобус на ЈСП кај Јајапашина џамија во Скопје
28 јул 2012 15:40


После само еден месец се запали уште еден автобус ја ЈСП Скопје. Овојпат кај Бит пазар, до Јајапашина џамија гореше еден од новите украински автобуси.
Пред еден месец (26 јуни) гореше автобусот што сообраќаше кон село Сопиште.
Претставници на Јавното сообраќајно претријатие тогаш изјавија дека дошло до прегревање на моторот поради големите горештини.
Објаснувањето за денешниот пожар го очекуваме.
Фотографиите се од пожарот од пред еден месец.

Originally posted by sanos_a кога веќе спомна запалување на автобус да те прашам нешто ако може: Дали знаеш колку ман, неоплан, мерцедес .... автобуси кои возат исто градски превоз се имаат запалено низ Европа?

може и за тоа да дискутираме, ама притоа да ги наведеме причините кој автобус, каде, и зошто се запалил... а и тогаш, не знам која би била поентата, тоа што некаде на друго место се запалил автобус од друга марка, не го прави ни најмалку оправдано тоа
никој не го дискутира производствениот квалитет на Украина, туку конкретно овие автобуси и тоа колкав е нивниот квалитет, и не верувам дека дискусијата ќе беше нешто поразлична, ако автобусите биле од ман, неоплан и слично
а тоа дека автобусиве не издржуваат во наши услови, дека лошо се склопени и деловите брзо им истрајуваат, а уште поголем факт е дека се во рацете на катастрофално неодговорно претпријатије кое на многу наврати ставало патници и пешаци на опасност


Edited by zabegan - 27-Jul-2012 at 18:23

 
Секој со свој став, ти со твој став, јас со мој став.
 
Чисто колку за информација, јас не сум вработен ниту во ЈСП Скопје, ниту во Влада на Република Македонија, ниту во било која фирма во сопственост на државата или институција која е дел од државната и/или јавната администрација.
 
Знам дека е рано да се зборува за нова обнова на возниот парк на ЈСП Скопје, но тоа што во пракса му се случува на возниот парк на ЈСП Скопје изминативе 2 години повеќе е шминка, отколку обнова, бидејќи украинските единечни нископодни градски автобуси се палат на скопските горештини, еден се запали летото 2011 и засега само еден се има запалено ова лето 2012 и дај Боже да е и последен, додека кинеските двокатни градски автобуси се тотално непрактични за град како Скопје, а ова го говорам како жител на град Скопје и како редовен патник во возилата на ЈСП Скопје.
 
И во целост се согласувам со тебе, дефинитивно нема смисла и тотално нефер и неправедно е јавниот градски превоз во Скопје да ужива субвенции со народни пари од сите граѓани на Република Македонија, а останатите населени места надвор од Скопје да чекаат неодговорно јавно претпријатие како ЈСП Скопје да им фрли коска и тоа 'рѓосана коска, стара неколку децении.
 
Конкретно за двокатните градски автобуси, претпоставувам дека попрактични би биле во населените места надвор од Скопје, а и кога не би биле, општините би можеле да ги изнајмуваат на приватните превозници, па така и општините би профитирале од двокатните градски автобуси и жителите на истите тие општини би уживале удобен, безбеден и современ превоз, под претпоставка дека не им се случува на нив еден автобус да го наполнат до последен милиметар квадратен, како што се случува и во новите единечни нископодни градски автобуси од украински ЛАЗ и во двокатните нископодни градски автобуси од кинески Јутонг во Скопје, правилото со кое се забранува стоење на горниот кат не ужива баш секојдневно почитување и практикување, а дека овие автобуси не се практични за Скопје веќе се уверивме и на дело со двокатниот градски автобус што удри во настрешница, претпоставувам дека во населените места надвор од Скопје шансите за да се случи таков инцидент, кој лесно може од инцидент да прерасне во несреќа со човечки жртви, не дај Боже, се помали отколку во Скопје.


Edited by Dexter26 - 26-Jul-2012 at 18:57

 
Било која градска администрација на град Скопје со здрав ум и разум, би нарачала нови единечни и двојни нископодни градски автобуси, би подарила околу 60% до 70% од новите двокатни градски автобуси на останатите општини низ Македонија, а во замена за тоа би ги побарала назад старите канти со цел да ги исече и продаде истите како старо железо.
 
Знам дека е малку прерано за нова обнова на возниот парк на ЈСП Скопје, но ова што му се случува на возниот парк на ЈСП Скопје изминативе 2 години повеќе е шминкање, отколку вистинска обнова, бидејќи една од главните, ако не и најважната причина за секоја обнова на возниот парк на било кое превозно претпријатие, не е исполнета при таканаречената обнова на возниот парк на ЈСП Скопје со нови двокатни градски автобуси, а тоа е - капацитетот на патници во возилата.
 
50 до 60 двокатни градски автобуси нека останат во возниот парк на ЈСП Скопје, а сите останати двокатни градски автобуси, вклучувајќи ги и тие од последната пратка која треба да пристигне во 2013, нека ги подарат на останатите општини низ Република Македонија, а на нивно место, нека го обноват возниот парк на ЈСП Скопје со 80 до 90 нови двојни нископодни градски автобуси и уште 60 до 70 нови единечни нископодни градски автобуси, така ќе се задоволи потребниот капацитет на патници во возилата на ЈСП Скопје во градот чиј што број на жители расте по неприроден пат, а истовремено ЈСП Скопје ќе има нови, удобни, безбедни и современи возила.


Edited by Dexter26 - 26-Jul-2012 at 10:32