Автопат Миладиновци - Штип

Кај Штип иде брзо, На магистралата од Штип до клучката за накај Велес/Скопје целата делница е ископана за дополнителните 3/4 ленти (од левата страна кога одиш од Штип према св.Николе).

Jas vo poslednite dve nedeli pominav dva pati i ne zabelezav gradezni aktivnosti!?

Pred 2 casa pominav pokraj gradilisteto i ne vidov nitu eden rabotnik...

Тоа е таа лута машина од Кина што треба да израмни километар дневно :P

Кинезите засилено го градат патот Миладиновци – Штип

За две недели ќе пристигнат моќни градежни машини, кои патуваат од Кина до Солун, од каде што ќе бидат транспортирани во Македонија

Иван Бојаџиски


Штип - Градежната офанзива за изградба на автопатот Миладиновци - Свети Николе - Штип е започната. Патот е „нападнат“ од две страни: од кај штипската населба Три Чешми се расчистуваат површините каде ќе минува магистралата, а тие активности се извршуваат и три километри од Свети Николе во насока кон Куманово. За почеток, домашни фирми под будното око на стручњаци од кинеската компанија „Синехидро“, која ја доби работата, вршат ископ на земја долж трасата по која ќе минува овој автопат, а кој од бизнис заедницата се третира како најважниот елемент за економски развој на источниот дел од државата.

„Со земјените работи започнавме на 2 мај годинава, а според зацртаната динамика автопатот треба да го завршиме до 2 мај 2017 година, односно за само три години. Досега се ископани 30.000 м3 земја, а со секој нов ден вклучуваме се' поголема механизација и така ги забрзуваме работите“, ни рече Даи Ѓидонг, менаџер на одделот за техничка документација.

Според нашите информации од трасата каде што поминавме едно претпладне, вистинската градежна офанзива ќе настане за најмногу половина месец, кога овде ќе пристигнат голем број моќни градежни машини кои патуваат со брод од Кина до пристаништето во Солун, од каде што ќе бидат транспортирани во Македонија.

На потегот кај Свети Николе поставена е табла со сите информации во врска со оваа инвестиција. На таблата пишува дека патот ќе биде долг 45,8 км, ќе има 14 моста, седум клучки, 25 пропусти за водотеци. Јасно е запишан и датумот до кој истиот треба да биде завршен, а тоа е 2 мај 2017 година.

Зенг Ѕонглианг, административен менаџер, е силно убеден дека Македонија ќе добие исклучително квалитетен автопат.

„Во моментот покрај ископите на земја почнавме да работиме и на два моста на кои ја поставуваме основата. Но, вистинската работа допрва ни престои, а без оглед на тоа колку тука ќе бидат високи температурите ние ќе работиме од утро до вечер за да го запазиме рокот“, вели срдечниот Кинез.

Во Свети Николе се дојдени околу четириесетина од вкупно 80 стручњаци од разни градежни области кои „Синохидро“ ги има ангажирано на овој проект. Првично постоеше идеја во овчеполската метропола да се изгради кинеска населба во која требаше да се смести стручната екипа. Но, од таквата намера се отстапи па „Синохидро“ го зеде под закуп хотелот „Овче Поле“ и сега таму се врши негова голема обнова бидејќи беше прилично руиниран. Кинеските стручњаци, кои се дојдени во Македонија, се сместени во овој хотел без оглед на фактот што тој се реновира. Овде наскоро ќе се вселат сите 80 експерти од кинеската компанија.

Автопатот ќе биде широк 29 метри со по две ленти во двете насоки, секоја со широчина од по 3,85 метри, меѓу двете ленти ќе има заштитен зелен појас од 4 метри и систем за зафаќање на атмосферските води од коловозите. Од двете страни на автопатот ќе има уште по една лента широка 2,50 метри за застанување. По овој автопат ќе може да се вози до 120 км/час, а од Штип до Скопје ќе се патува само 30 наместо сегашните најмалку 60 минути.

За граѓаните од источниот и југоисточниот дел на Македонија, но за бизнис заедницата пред се', ова е најдобрата и најпотребната работа што ќе има големо влијание врз подобрување на развојот на стопанството.

„Белгиската компанија за автобуси ’Ван Хол‘ ја одбра нашата фирма за долгорочна соработка, па ние во Штип градиме голема фабрика за автобуски шасии за автобусите кои ’Ван Хол‘ ги произведува во својата фабрика во зоната ’Бунбарџиќ‘. Најголема забелешка нашите странски партнери ја имаат на лошата патна мрежа, па ова ќе биде една голема, квалитетна промена која ќе придонесе за развој на бизнисот во овој дел од државата“, вели Иле Николов, директор на „Актива“.

На иста позиција во размислувањето е и Славчо Сирачевски, сопственик на супер атрактивниот ресорт и спа-центар „Аурора“ на Беровското Езеро.

„Светското туристичко семејство бара убави, сигурни и брзи патишта за да се стаса до некоја омилена туристичка дестинација. Источна Македонија има голем потенцијал во туризмот, но лошата патна инфраструктура е таа која ги одвраќа странските туристи од одмор во нашите туристички дестинации. Автопатот е голема шанса да се направи квалитетен исчекор, но е неопходно да се изгради и пристоен пат од Штип до Кочани, а од таму и до Берово како место кое најголемиот потенцијал го има во туризмот“, вели Сирачевски.

http://www.utrinski.mk/default.asp?ItemID=D10836BA12CE074A9BBC488DB8BFFCCC

Почна изградбата на автопатот Миладиновци - Штип

Почна изградбата на првите 10 километри на автопатот Миладиновци-Штип на територијата на општина Свети Николе. Градежната механизација на кинеската фирма Синохидро веќе ја пробива делницата.

Претставникот на кинеската фирма Синохидро вели дека му е задоволство што градежните работи веќе се почнати на територијата на општина Свети Николе, а како компанија добиле и голема стратешка поддршка Локалната самоуправа.

Над 1000 нови работни места ќе обезбеди изградбата на автопатот Штип-Миладиновци и Кичево-Охрид.

На линкотима и видео прилог http://iris.mk/index.php/vesti/lokalnivesti/9776-2014-04-17-15-04-36

За неградењето на овие автопати мислам дека непостои начин да биди така.парите ги даваат кинезите кои се обезбедени,тие ќе ги градат со помош на наши фирми,почетокот на плаќањето на ратите започнува после 5 години,т.е. откога ќе се направат...така да негледам начин да не се изградат.

единствени пречки можат да бидат тектонски движења на политичка основа

Ова како враќање филм на едниот километар и неколкуте моста кај Велешко Езеро, негде 1994-5...како заедничка особина на двете опции    (се надеввам дека грешам и се радувам ако не испаднам во право).