„Општина Аеродром во соработка со Град Скопје од денеска ќе преземе активности за ставање во функција на подземните гаражи во околината на трговскиот центар „Бисер“, како уште еден придонес во решавањето на проблемот со недостиг на паркиралишта, што долги години ги тишти не само граѓаните на Општина Аеродром, туку и на цело Скопје.

Ова на денешната прес-конференција го најави градоначалникот на Општина Аеродром, Ивица Коневски, на која присуствуваа и градоначалникот на Град Скопје, Коце Трајановски и претседателот на Советот на Општина Аеродром, Виктор Камиловски.

Како што рече градоначалникот Коневски, за реализација на акцијата за комплетно чистење и целосно осветлување на подземните гаражи ќе бидат вклучени сезонските работници што ги ангажира Општина Аеродром и службите задолжени за одржување на осветлувањето, со цел да се зголеми капацитетот на паркиралиштата и безбедноста во тој дел од општината.

На прес-конференцијата беше најавен уште еден проект за подобрување на условите за паркирање во Општина Аеродром.

Станува збор за изработка на современи монтажни паркиралишта, кои ќе бидат изработени од челична конструкција, со цел значително да се зголеми капацитетот на паркинг места во Општина Аеродром.

„Убедени сме дека изградбата на монтажните паркиралишта ќе биде дел од решението на проблемот со недостиг на паркинг места во Општина Аеродром, се разбира, покрај воведувањето на зонското паркирање и изградбата на катни гаражи“, изјави градоначалникот Коневски.

Тој додаде дека овие решенија се сметаат за најсоодветни, бидејќи на тој начин нема да се градат неопходните паркиралишта на нови површини на сметка на зеленилото, туку како надградба на веќе постојните паркиралишта.

„Со овој проект, како и со сите претходни активности што заеднички ги презедовме со Општина Аеродром, сериозно се зафативме со решавање на овој проблем, затоа што знаеме дека засега голем број граѓани, така што се надевам дека на крајот ќе дојдеме до решение прифатливо за сите“, рече градоначалникот Трајановски.

Претседателот на Советот, Камиловски„ пак, изјави дека “Советот на Општина Аеродром во декември минатата година го донесе Буџетот за 2010 година, со кој се предвидува 700 илјади евра за решавање на проблемот со паркирањето“.

Одговарајќи на новинарско прашање градоначалникот Коневски рече дека „во Општина Аеродром има 5 подземни гаражи со вкупен капацитет од 500 до 600 возила, но нема законска можност да се обврзат сопствениците да ги користат подземните гаражи, но со нивно расчистување и осветлување би сакале да ги подобриме условите за паркирање и да ги поттикнеме да ги користат за таа намена“.

Здраво ме интересира кој се стандардите за едно паркинг место доколку е изведено паралелно паркирање и се разбира вртењето при паркирање на местото се мисли на влезот во местото. Работата е во тоа што општината, од инвеститорот, бара сообраќајни услови т.с. паркирање во рамки на сопствената парцела. Растојанието помеѓу задната страна (западна) на зградата од каде што ми гледа целиот стан (јас сум на приземје), до  границата на градежната сопствена парцела е точно 5 метри што значи дека паркингот ке бидо со широчина од 5 метри притоа залепен под мојот прозор (и по цела должина на зградата), претпоставувам без никаква можност за зелен појас помегу паркингот и западната фасада. Значи дали има можнос да се скрати од тие 5 метра за пристојно зеленило а приота пак да се изведе паркинг, за кое чисто се сомневам, (дали е возможно некое решение) или дали постојат некој дупки во законитe а притоа да не се судско-правни спорови на пример да го откупам земјиштето што е по должината на мојот стан (дворот под прозорот во колективно домување за 1evro 1метар) и притoа да не дозволам изведба на паркинг на тој "приватизиран дел". Неможам да стопирам изградба на паркинг затоа што тој е во интерес на целата зграда, несакам да бидам себичен, но и несакам некој да ми се паркира со ауспухот во мојата дневна или спална соба. Ве молам за совет или некоја идеја? Зошто општината бара да се изгради паркинг на парцела од зграда кога зградата е изградена уште пред земјотресот и има вкупно 96 стана а бара вкупно 156 паркинг места, зарем паркингот не треба да си го направи на сопственото општинско земјиште?

Здраво ме интересира кој се стандардите за едно паркинг место доколку е изведено паралелно паркирање и се разбира вртењето при паркирање на местото се мисли на влезот во местото. Работата е во тоа што општината, од инвеститорот, бара сообраќајни услови т.с. паркирање во рамки на сопствената парцела. Растојанието помеѓу задната страна (западна) на зградата од каде што ми гледа целиот стан (јас сум на приземје), до  границата на градежната сопствена парцела е точно 5 метри што значи дека паркингот ке бидо со широчина од 5 метри притоа залепен под мојот прозор (и по цела должина на зградата), претпоставувам без никаква можност за зелен појас помегу паркингот и западната фасада. Значи дали има можнос да се скрати од тие 5 метра за пристојно зеленило а приота пак да се изведе паркинг, за кое чисто се сомневам, (дали е возможно некое решение) или дали постојат некој дупки во законитe а притоа да не се судско-правни спорови на пример да го откупам земјиштето што е по должината на мојот стан (дворот под прозорот во колективно домување за 1evro 1метар) и притoа да не дозволам изведба на паркинг на тој "приватизиран дел". Неможам да стопирам изградба на паркинг затоа што тој е во интерес на целата зграда, несакам да бидам себичен, но и несакам некој да ми се паркира со ауспухот во мојата дневна или спална соба. Ве молам за совет или некоја идеја? Зошто општината бара да се изгради паркинг на парцела од зграда кога зградата е изградена уште пред земјотресот и има вкупно 96 стана а бара вкупно 156 паркинг места, зарем паркингот не треба да си го направи на сопственото општинско земјиште?

„Градски паркинг“ работи само за такси и за плати

Претпријатието за паркирање во деветмесечниот извештај за работа прикажува негативен финансиски резултат за околу 35.000 евра, што, според објаснувањата, се должи на високите тарифи за комуналната такса

Иако пајакот работи со полна пареа низ центарот на Скопје, а многу јавни површини се претворени во нови паркиралишта со наплата, јавното претпријатие „Градски паркинг“ во деветмесечниот извештај за работа прикажува негативен финансиски резултат за околу 35.000 евра.

Членовиве на Советот на Град Скопје на седниците изразуваа сомневање дека претпријатието работи непрофитабилно, но сега во заклучокот од финансискиот извештај загубата е потврдена. Во овој документ се потенцира дека минусот се должи на обврската за плаќање на комунална такса кон Градот. Таа од јануари до септември 2009 година изнесува 16,4 милиони денари или околу 260.000 евра, а вкупниот приход на претпријатието за овој период е 1,1 милион евра.

- Се надеваме дека проблемот набрзо ќе се реши. Тарифите за комунална такса се нереални за сите субјекти што се занимаваат со сообраќајна дејност. Ни се наплатува по 10 денари од час ако паркирањето се наплатува според времетраењето и 30 денари ако наплатуваме паркирање од влез - вели директорот на „Градски паркинг“, Панче Стојановски.

Надлежните сметаат дека позитивен финансиски резултат би постигнале само со измена на Законот за комуналните такси, односно намалување на таксата за 15 отсто.

- Ако нема измена на тарифите во Законот или ако надлежните институции не се изјаснат за овој проблем, претпријатието и понатаму ќе покажува голема загуба како краен финансиски резултат - се вели во извештајот на „Градски паркинг“.

Според директорот Стојановски, иницијативата за измена на Законот е во тек веќе три години, а се одвива преку Заедницата на единици на локална самоуправа (ЗЕЛС). Тој вели дека Законот е во Министерството за финансии и очекува позитивен резултат.

Од парите што ќе му останат на претпријатието, најголем дел оди за исплата на платите на 145 вработени.

- Најмалата плата во „Градски паркинг“ изнесува 15.000 денари, а највисоката 45.000 денари - вели Стојановски.

За да му помогне во надминувањето на финансиските проблеми, градската власт во февруари годинава одобри 600.000 евра субвенции за имплементирање на проектот за зонско паркирање. Но, поради двата ребаланса на градскиот буџет таа сума се намали на 300.000 евра.

Директорот Стојановски вели дека досега добиле само половина од овие пари, а остатокот го очекуваат.

Јорданка Ивановска

Огради пред автомобилите

На реакциите дека „Градски паркинг“ ги остави пешаците во Дебар Маало без зони за движење, со тоа што ги обележа тротоарите за паркирање и остварување профит, директорот Стојановски најави брзо решавање на овој проблем. Според него, размислуваат да ги заштитат пешаците со оградување на просторот пред возилата на местото каде што се паркираат. Така ќе остане доволно простор од ѕидовите на зградите до автомобилите за движење на пешаците.

Таму каде што има жардиниери, настрешници или други физички пречки, ќе бидат отстранети, а просторот ќе биде заокружен само за потребите на пешаците.