Ако работите со теренот на националната арена „Филип Втори“ во Скопје се пролонгираат уште некој период, постои сериозна опасност македонските европретставници своите натпревари да ги играат на стадионот „Милано Арена“ во Куманово, кој единствен има лиценца за организирање средби од УЕФА-натпреварувањата, а е блиску до скопскиот аеродром.

Далеку е финалната фаза од подготовката на теренот на „Филип Арена““

Иако беше најавено дека теренот на еден од најубавите европски стадиони ќе биде готов до април, па дури имаше и закажан меч со Динамо Загреб (прослава на 65 години Вардар и 25 години Комити), сето тоа е далеку од остварување, ако се види до која фаза се дојдени подготовката и поставувањето на новиот терен. Најавите се дека сето тоа малку ќе потрае, особено поставувањето на тревниот дел, за кој ќе треба барем два месеци за да „легне“.

Термините за одигрувањето на евронатпреварите се во почетокот на јули (Европа лига) или на средината од месецот (Лига на шампионите). Ова значи дека бусените со трева мора да бидат поставени најдоцна до почетокот на мај, за да има време теренот да го добие крајниот лик до почетокот на јули. Во спротивно, Вардар, кој речиси сигурно е новиот македонски шампион, како и трите претставници во Европа лигата, ќе мора да ги играат своите натпревари како домаќини во Куманово.

Ќе мора ли Комити да патуваат во Куманово за да го бодрат нивниот клуб?

Во Македонија има и други терени што можат да организираат натпревари од УЕФА (Струмица, Прилеп, Кратово), но проблемот со нив е што се оддалечени повеќе од 100 километри од скопскиот аеродром, а тоа е еден од главните услови за организирање евронатпревари. Затоа таму ќе биде и натпреварот на младата македонска репрезентација против Северна Ирска, откако по протестите на Србите за очајно лошиот терен, тешко дека повторно ќе има натпревари на „Борис Трајковски“ во Маџари.

Поради доцнењето на теренот на „Филип Втори“, преместено е и финалето од македонскиот Национален куп. Тоа првпат во историјата ќе се игра во Штип