За Општината и ЈП изградбата е легална, оти станува збор за државен имот

Деспина Трајковска


Поранешни сопственици на 500 квадрати земјиште во близина на училиштето „Блаже Конески“ во Аеродром обвинуваат дека ЈП „Градски паркинг“ незаконски гради паркиралиште токму на парцелата за која веќе неколку години водат судска постапка со која сакаат да ја докажат сопственоста врз неа. Семејството Дамески смета дека изградбата е неоснована, оти за земјиштето се води судски спор, а истовремено и Општина Аеродром не го почитува важечкиот ДУП, кој на парцелата предвидува изградба на зграда, а не паркиралиште. Дејан Дамески, еден од двајцата браќа засегнати во случајот, вели дека потегот на „Градски паркинг“ кое од пред десетина дена го подготвува теренот за паркиралиште, бил причина повторно да „влезат во лавиринтот на институциите“.

„Уште во 1988 година татко ми го купи плацот и објектот на него, кој до 1991 година најчесто го издававме под кирија. Таа година речиси да бевме принудени да отстапиме дел од земјиштето на ГП ‘Маврово‘ за да може целосно да ја изгради постојната зграда која зафаќаше дел од нашиот имот, а подоцна ни ја урнаа и гаражата и други придружни објекти. За возврат, од компанијата добивме два стана. За дел од земјиштето, пак, со тогашното Министерство за урбанизам направивме спогодба за експропријација, според која државата требаше да ни додели земјиште, а делумно обесштетување да добиеме и од Градот Скопје. Меѓутоа, спогодбата и по толку години не е испочитувана. Во целиот случај е симптоматично тоа што до 2002 година се водевме како сопственици на имотот, за што имавме и имотен лист, но од тогаш досега земјиштето се наоѓа во рацете на РМ, иако државата не ја испочитува спогодбата“, објаснува Дамески.

Вели дека ниту неколкуте килограми документација не му помогнале изминативе години да го добие она што му следува на семејството. Залудни биле алармирањата до надлежните институции, почнувајќи од Катастарот, преку Министерството за транспорт, па се' до Општината.

„Единствено ни преостана правдата да ја бараме на суд, но и по толку години, нема никаква разврска“, дополнува Дамески, кој за еден месец го очекува исходот од барањето за привремена мерка запирање на активностите на терен.

Од Општина Аеродром и ЈП „Градски паркинг“ сметаат дека семејството нема причина да ги обвинува за беззаконие или за узурпирање приватен имот. Градоначалникот Ивица Коневски и директорот Панче Стојановски велат дека се гради на имот кој во катастар е заведен како државна сопственост. Точно е, велат и двајцата, дека важечкиот ДУП на тоа место предвидува зграда, но тврдат оти имаат право да го градат паркингот зашто бил од привремен карактер.

„Во случај да дојде до реализација на планот за изградба на зграда или евентуално судот да пресече и на семејството да му го врати имотот, ние ќе ја испочитуваме одлуката“ вели директорот на „Градски паркинг“, Стојановски.

http://utrinski.com.mk/?ItemID=05ED73BF6BA3DD4694923DB4F90D5329

Наместо адреналин-парк, ќе се гради катна гаража

Под Транспортниот центар од поштата кон кејот на Вардар ќе се прави паркинг на две нивоа

Автомобилите се фотографирани низ текот на целата измината недела и истите се паркирани на забрането место за паркирање

Откако Градот Скопје и ЈП Градски паркинг изнајдоа решение за паркирањето во централното подрачје на главниот град и регулирање, до некаде на гужвата која произлегуваше од тоа, умешните скопјани веќе се снаоѓаат. Од една страна нема веќе бесплатен паркинг во центарот на Скопје. Нема ниту доволно слободни места за паркирање, се жалат тие. Од друга страна и тоа место што не е предвидено ни најмалку за паркинг скопските возачи, "шоферски" го користат. Станува збор за јавно необележано место кое ЈП Комунална хигиена - Скопје во текот на денот го користи за нивниот камион за собирање на ѓубрето од контејнерите, но секој ден истото е узурпирано. По упорните апелирања на Комунална до граѓаните со лепење на плакати на местото за забранет паркинг и укажување на Пајак-службата, несовесните возачи и понатаму го блокират пристапот. Во оваа сторија и сами се уверивме. Нашиот фоторепортер во текот на изминатата недела секој ден успеваше да најде различен автомобил паркиран на истото спорно место. Понеделникот беше наменет за "пежо", следеше "пунто", две "корси" и "спарк". Совесните возачи доколку до сега не биле информирани каде се паркирани и дали местото е наменето за паркинг сега ќе можат да се видат.

Од ЈП Комунална хигиена - Скопје велат дека местото на паркингот позади ТЦ Палома Бјанка постојано е блокирано.
- Во било кој ден од денот кога се обидуваме да го собереме ѓубрето сме "хендикепирани". Иако е казниво да се паркира на место поблиску од 10 метри до контејнерите тие тоа го чинат. Некогаш се погодува и по неколку дена да не можеме да го собереме ѓубрето бидејќи во нашата маршрута која е испланирана се погодува да има паркирано автомобил, објасуваат од Комунална.
До кога ќе трае ова не се знае? Со ова може да се посочи на сопствениците кои нашиот фоторепортер ги затекнуваше дека во текот на минатата недела нивното скришно место е откриено.

Во обид да се реши проблемот со паркирање во општина Аеродром, општинските служби неодамна почнаа акција за рационално користење на подземните гаражи, за, како што велат, барем малку да се ублажи недостигот од паркинг-простор. и“Сите што ќе приложат документ дека се сопственици на некоја од подземните гаражи во ТЦ „ Бисер“ и понатаму ќе може да ги паркираат сопствените возила, но нема да им биде дозволено гаражите да ги користат како магацини за складирање храна или, пак, облека, како што е случај сега - објаснуваат од Одделението за односи со јавност на Општина Аеродром. Оттаму велат дека гаражите што сега се узурпирани од луѓе кои немаат дозвола да ги користат, ќе бидат приспособени за паркирање приватни возила. Според општинските служби, на тој начин ќе се обезбедат места за паркирање на возилата на дел од посетителите во трговскиот центар. - За побрзо ослободување на узурпираните гаражи, активирана е и инспекциската служба на општината и“објаснуваат од Аеродром. Подземни гаражи во ТЦ „Бисер“ има околу 50 и уште толку под зелениот пазар, кој се наоѓа во негова непосредна близина.

Е.М.