Возен парк (ЈСП - двокатни автобуси)

Мафија ќе го вози даблдекерот!


Двокатниот и денеска ќе вози почесен круг низ скопските улици заедно со уште 17 нови нископодни автобуси кои неодамна пристигнаа од Украина


Горан Ѓорѓиевски-Мафија е возачот во ЈСП кој прв застана зад воланот на кинескиот двокатен автобус и неодамна го сврте промотивниот круг по скопските улици. Од понеделник, тој и официјално ќе го постави бројот 15А на ветробранското стакло и во 6.30 ќе стартува со редовната линија од Карпош 4 до Ново Лисиче. Ни раскажа дека возбудата да го вози даблдекерот се уште го држи иако поминал многу километри позади управувачот додека му траела специјалната обука што ја имал со инструктори од кинескиот производител Јутонг.
- Почестен сум што заедно со уште еден мој колега ја имам можноста да го возам двокатниот автобус на редовна линија, сличен на оние што моите колеги ги возеле во педесеттите години на минатиот век. Промотивното возење покажа дека двокатниот автобус ќе биде вистинска атракција на скопските улици и едвај чекам да тргнеме, вели Мафија за кого добивањето на клучевите од ретровозилото го смета за врв на својата 20-годишна успешна возачка кариера, полна со награди и пофалби. Во даблдекерот ќе седне директно од украинскиот нископоден автобус за кого има исто така пофални зборови, но вели дека чувството да управува со кинеското чудовиште нема споредба.
- Кога првпат влегов во возачката кабина имав чувство како да сум пред авионски кок-пит. Бев воодушевен од софистицираната опрема, од електрониката, камерите, монитор за горниот кат, одличната прегледност, автоматското броење на патниците на вториот кат...и уште возачката кабина е целосно одвоена. Иако е висок, многу е стабилен и на секое застанување на станица се спушта, за да се качат патниците без проблем. Се спушта, исто како да се поклонува пред патниците. Едвај чекам да дојде понеделник и да тргнеме со првите патници, задоволно раскажува Мафија. Тој вели дека при возењето нема да има проблем, дотолку повеќе што линијата 15А вози на сообраќајници кои се во одлична кондиција, без дупки.
Двокатниот и денеска ќе вози почесен круг низ скопските улици заедно со уште 17 нови нископодни автобуси кои неодамна пристигнаа од Украина.

Обновата на возниот парк на ЈСП почна во март годинава кога на неколку линии беа пуштени 15 нови украински автобуси. Со новата пратка од 17 возила ќе бидат опфатени и сите останати линии, а според договорот од украински ЛАЗ до крајот на годинава вкупно 52 автобуси. Кинескиот производител, пак до крајот на годинава ќе треба да испорача уште 65 автобуси, а до 2013 година ќе има обврска да испорача вкупно 202. За набавката на двокатните автобуси Владата ќе издвои 32 милиони евра.

Се укинуваат трите зони - 30 денари билет за сите линии
ЈСП Скопје побара дозвола од градските советници да ги укине трите зони на наплата и да воведе иста цена на билети за градски и приградски линии. Оваа одлука, вели директорот на јавното претпријатие Мишо Николов се воведува како практично решение кое нема да иницира големи загуби.
- Околу 90 отсто од продажбата на билетите се од прва зона кои чинат 30 денари. Со досегашната зонска наплата нашите контролори имаа проблеми бидејќи треба да казнат патник кој со билет од 30 денари влегол во втора зона за која билетот е пет денари поскап. Тоа создава револт кај патниците. Нашите истражувања покажаа дека унифицирањето на цената, нема да нанесе големи загуби на претпријатието, кои во најлош случај би изнесувале милион до 1,5 милони денари, вели Николов. Цената на месечните билети останува иста.

ЈСП бара субвенции за терминал до скопскиот Аеродром
Истражувањата на ЈСП Скопје покажале дека воведувањето на редовна линија од Скопје до аеродромот Александар Велики не е рентабилна и затоа ќе побара субвенции од Град Скопје или пак од концесионерот ТАВ или пак од авионските компании.
- Ние би се согласиле да воведеме линија единствено со финансиско учество на некој од заинтересираните. Во тој случај би вовеле два автобуса, вели директорот на ЈСП Мишо Николов.
http://vecer.com.mk/?ItemID=2D1325DB65BA8B49B70D5F2F443888C3

не ја покажувај сликата сега може да им текне вакви да купат

http://dnevnik.com.mk/?ItemID=8B5BB3DF36CF094F9A517A3152C27D5F


Градот воведува туристички прошетки низ Скопје

Од оваа сабота Градот ќе воведе туристички прошетки низ Скопје, информираат локалните власти. Прошетките со автобуси ќе ги организира Секторот за локален економски развој на Град Скопје, но во соработка со ЈСП Турс-Скопје и Скопско туристичко лето. Целта, велат од Градот, е туристичка промоција на метрополата.

Заинтересираните граѓани и посетители ќе може да ги разгледаат културно-историските споменици и знаменитости во градот и во околината. Турите ќе се спроведуваат по две различни траси, во зависност од интересот. Едната е посета на културно-историските знаменитости во центар и во Стара чаршија, со запознавање на мултиетничкиот начин на живеење, типичната гастрономија и автентичната архитектура. А втората е посета на археолошкиот локалитет Скупи, неолитската населба Тумба Маџари, Матка, Водно, манастирот „Свети Пантелејмон“ и друго.

Ќе се поаѓа во 10 часот од Музејот на град Скопје, а турите ќе ги изведува лиценциран туристички водич. Цената на билетот за овие туристички прошетки ќе изнесува 150 ден.

Како што беше најавено по доаѓањето на двокатните панорамски автобуси, тие ќе бидат дел од организацијата за разгледување на градот. За оваа намена ќе служат два до три автобуси со кои граѓаните ќе можат да го посетат и Милениумскиот крст на Водно.

Originally posted by phenomenon Може ли некој да најде технички карактеристики на Yutong двокатнита автобуси?На Интернет никако не можев да најдам.

 
Па посебно нарачани се за Скопје, не се дел од сериско производство.
Инаку ако некој најде нешто за двокатните градски автобуси од кинески Јутонг,
нека закачи линк или нешто слично на форумов, за повеќе да се информираме.


Edited by Dexter26 - 12-Apr-2011 at 18:50

       Може ли некој да најде технички карактеристики на Yutong двокатнита автобуси?На Интернет никако не можев да најдам.

Јас само ја кажувам економската (не)логичност, без да навлегувам во социјалната.

Економски е неисплатливо да се субвенционираат компании што реално се уште и загубари, добиваат 1000 повластици, од струја, даноци, предимство на тендери итн., наместо тие 3000 души да се на социјална помош, каде што тоа е поевтино. Значи поевтино е да им плаќаш плата на 3000 души, отколку да ги плаќаш и нив, и профитот на директорите, и плус долговите на компанијата.

Јавно приватно или пак стрикгно јавно инвестирање во фабрика, нема апсолутно никаков бенефит за државата. Тие семејства што ќе бидат вработени, слушај ме, подобро да добиваат социјална помош од државата, него ли да не коштаат неколку кратно повеќе преку сите ослободувања од даноци, сите давачки што ќе отидат за субвенцирање на производството итн.

Пробан е тој систем. ЕПИК ФЕИЛ невиден е.


За квалитетот, само можам да кажам не дај Боже да издражат како Саносите, па уште да се возат истиве во некоја си 2040-2050 година.

Последиците од не соодветна трансформација на капиталот-газдинство, во авто-индустријата / автобуска / се одрази со неквалитет во управување со компаниите.Во Македонија во последната декада / 1990 до 2000год./  во таа свера работеа околу 20 до 30 компании од кои,  една или две успеа да се одржат на пазарот и тоа како добавувачи на делови.Отварањето на нови домашни компании или рестартирање на стари се покажа како неуспешно, освен компаниите во слободната зона кои се со странски капитал и потекнуваат од големите светски системи во авто индустријата.Потикнување и подржка на домашни газдински компании со разни бенефиции ќе представува само продолжување на транзициони игри во кои народни пари би влегле во разни шеми за кои корисниците или газдите на тие средства ниту имаат во светот кој да им  даде гаранција за нивното работење-неработење. Двете компании за кои има коментар во постовите, го живеет последниот здив на транзициони фајтери.Мислам, редно беше тоа да се случува, / кога го избравме полошото/. Јас не се радувам ниту плачам за нивниот капитал, во краен случај ниту ме интересира, туку жалам за ветувањето кое му било дадено на Хаџи Томов/Томииќ /- традицијата да продолжи.

Прв пат слушам дека постоел друг автомобилски производител во Македонија, сепак Санос беше докажан бренд на ЕХ-ју просторите и пошироко

Мислам дека доколку случајот со проневерите и слично се расчисти државата треба да помогне “фабриката“ условно кажано да се пресели во некоја од слободните индустриски зони. (мислам на лиценците, некои поволни договори со производители ...).
Државата може тоа да го направи со изградба на нова современа фабрика по принцип на јавно-приватно партнерство и откако ќе тргне работата и акциите ќе постигнат цена државата нека се ослободи од нив на берза.
Со ваков потег не само што државата ќе оживее една фабрика на згаснување туку ќе овозможи влез на нови автопроизводители и развој на автоиндустрија. Зошто ако Словачка (која е самостојна држава од 1993) може за овој период од 18 години да стане најголем европски производител на возила (сметано по глава на жител) зошто кај нас не би се развивала ваквата индустрија?

Edited by vlatko.mk - 09-Apr-2011 at 23:34

Кастилјо ги мењаше имињата на фирмите како чорапи. Неокар е негова фирма. Добро работеше, имаа нарачки јаки, ама чоекот беше тешка битанга, заврши по затвори, не знам дали фирмата преживеа.