Трамвај Скопје ( Лесна железница / LRT )

Завршен проектот за трамвајот, изградбата стартува во март

Проектот од завчера е на ревизија, а Градот го подготвува тендерот за изведувач

По едномесечно задоцнување, градските власти минатата недела го добија проектот за трамвајот. И тоа не само неговата прва фаза, која се однесува на депото, туку и вториот дел, кој претставува проектно решение за изградба на првите три километри од делницата. Комплетниот проект од завчера го разгледуваат ревизорите од шпанската „Идом инженерија“. Од Градот објаснуваат дека македонско-италијанско-бугарскиот конзорциум, кој го работи проектот, го испочитувал пролонгираниот рок за доставување, истовремено изработувајќи ја и втората фаза од проектот, којашто на Градот требаше да му биде доставена за еден месец.

„Сега, покрај за депото, го добивме и делот за изградба на првите три километри од делницата. Ревизорите веќе го разгледуваат материјалот и за десетина дена ќе го дадат своето мислење. Ние истовремено работиме на подготовка на тендерот за избор на изведувач, кој ќе биде објавен кога Советот ќе даде зелено светло за изградба на шинскиот систем, одлука што ќе биде доставена пред советниците на седницата закажана на 28 јануари“, велат од Градот чии математики укажуваат дека по неколкуте пролонгирани рокови за старт на проектот на терен, сега се очекува првата лопата да биде фрлена кон крајот на март.

Трамвајското депо, како прв чекор во реализација на трамвајскиот систем во Скопје, ќе се гради на местото на недовршениот автобуски терминал во населбата Ново Лисиче. Тоа ќе се протега на површина од 13.000 квадратни метри и ќе се гради фазно. Освен простор за сервисирање и гаражирање на трамваите, во него ќе биде сместена и контролна соба за сигнализација и нивно управување. Првата фаза од проектот предвидува и изградба на првата трамвајска делница во должина од девет километри, која ќе води од Ново Лисиче до Центар. Во годинашниот буџет Градот има издвоено 7,5 милиони евра за трамвајскиот систем. (Дс.Т.)

Дневник - Радмила Заревска - 18.03.2006

Владата го кочи и проектот за трамвајот?

МНР не дозволува Градот да отвори канцеларија во Брисел преку која, меѓу другото, ќе лобира и за пари за трамвајот

Деспина Трајковска

Владата не дозволила Градот Скопје да отвори свое претставништво во Брисел преку кое градската власт би остварувала директни контакти за обезбедување финансиска поддршка за капитални проекти од европските фондови. Од Министерството за надворешни работи демантираа дека се против отворање канцеларија на Град Скопје во Брисел. Напротив, рекоа од МНР, целосно ја поддржуваат иницијативата, но штуро напомнаа дека „процедурата мора да ги запази сите неопходни модалитети кои треба да бидат детално дефинирани во соработка со сите надлежни институции во државата“. Каде е пропустот на градските власти во барањето, од МНР не потенцираа.

Градоначалникот Трифун Костовски овој чекор на централната власт го оцени како уште една сопка од страна на Владата за вистинска децентрализација, а пред се', како тотална изолација на Градот и ставање рампа за евентуално добивање финансиска помош за реализација на планираните големи проекти, пред се', за трамвај во Скопје. Градоначалникот смета дека одлуката е нереална доколку се има предвид дека државата се стреми за влез во Европската унија.

„Очигледно ’не' решија‘ по кратка постапка и тоа без да ни укажат на конкретни причини поради кои го одбија нашето барање. Се прашувам, зошто постапија така ако навистина државата се стреми за влез во Европската унија. Ова што го направија не е штетно само за нашиот главен град, кого го турнаа во изолација, туку воопшто и за државата“, изјави револтирано вчера Костовски, кој смета дека со овој потег Владата ги урна надежите дека со пари од ЕУ ќе се реализираат големи проекти.

Беше планирано канцеларијата да почне со лобирање за финансиска помош за проектот за трамвајот. За таа цел Градот пред повеќе од половина година ангажираше и надворешен консултант, кој даваше препораки за подготовка за проектот за да ги исполни критериумите за влез во потесниот круг пред европските фондови. Со последните случувања се урнати сите надежи дека со пари од ЕУ ќе се заокружи финансиската конструкција за реализација на проектот за трамвајот. Засега се обезбедени само 7,5 милиони евра од градскиот буџет, а тие пари се доволни за изведба само на првата од предвидените три фази.

Костовски потенцираше дека одлуката за отворање на канцеларијата едногласно добила „виза“ од градските советници кои биле согласни дека таа ќе придонесе не само за обезбедување европски пари туку и за остварување контакти со претставништвата на градовите и регионите во ЕУ. Наедно, градските власти процениле дека преку Брисел поефикасно би се промовирала македонската метропола на која би и' било овозможено да лобира за партнерство пред институциите на Европската унија. Советот на Град Скопје дури одобри од буџетот да се одвојат 100.000 евра за отворање и непречено функционирање на канцеларијата.

Инаку, повеќето земји од регионот имаат отворено вакви канцеларии уште пред една година, меѓу кои Бугарија и Босна. Сите тие функционираат со цел да добијат финансиска помош од фондовите на ЕУ за чие трошење можат да аплицираат институциите, граѓаните, компаниите и здруженијата на граѓани од матичната земја.

Gradskim središtem - besplatno!

S namjerom rasterećenja prometa i smanjenja potreba parkiranja osobnih automobila u užem gradskom središtu, od 1. siječnja 2009. godine omogućen je besplatan tramvajski prijevoz svim građanima na području od Trga bana Josipa Jelačića do udaljenosti od dvije tramvajske postaje u svakom smjeru.

Karte, dakle, neće biti potrebne za vožnju u zoni od središnjeg gradskog trga do Glavnog kolodvora, Britanskog trga, Trga maršala Tita, Vončinine, Grškovićeve i Trga žrtava fašizma.

Odluka o besplatnom prijevozu jedno je od zajedničkih rješenja Grada Zagreba i Zagrebačkog holdinga kojim se popularizira javni gradski prijevoz i namjerava osigurati veća protočnost nužnog automobilskog prometa u centru grada.