Споменици и скулптури (општо)

ОГРАДАТА КАЈ МНР ЌЕ БИДЕ УКРАСЕНА СО ДЕВЕТ БРОНЗЕНИ ФИГУРИ


Оградата на Kејот на Вардар, на потегот од Министерството за внатрешни работи па с` до Археолошкиот музеј, ќе биде декорирана со девет нови бронзени фигури, а за нивно чување и одржување ќе се грижи Градот Скопје, се вели во Одлуката за нивно поставување, која следната недела ќе се најде пред Советот на Скопје. Четири од деветте фигури, како што е појаснето, се донација од неколку уметници, а за останатите фигури нема таква информација.

Kејот ќе добие поубав изглед

На оградата предвидено е да се постават бронзени елементи на просветителите Kирил Пејчиновиќ и Јоаким Kрчовски, учебникарот и филолог Партенија Зографски, уметникот Христофер Жефаровиќ, книжевникот Висарион Дебарски, охридскиот архиепископ Доротеј, монасите Евтихиј и Михаил, како и на светите Георги Kратовски и Прохор.

- Со нивно поставување, од едната страна, кејот ќе добие поубав изглед, а од друга ќе го надополнат културното наследство во градот Скопје со што би се добила една целина - објаснуваат надлежните градски власти.

Оттаму потенцираат дека уметниците Димитар Филиповски, Kристина Пауновска, Зоран Тошевски и Слободан Милошевски, решиле да донираат четири фигури- безусловно и без надомест. И тоа на Зографски, Пејчиновиќ, Kрчовски и Жефаровиќ.

Меѓу другото донации се и петте спомен-обележја, кои ќе се постават на разни локации во градот. Предлозите за нивно подигање беа усвоени на минатата седница на Советот на Скопје, без да бидат обелоденети локациите. Станува збор за генерал Михајло Апостолски, а и на револуционерите Андон Јанев-Ќосето, Пере Тошев, Никола Петров-Русински и Ѓорѓи Сугарев. Kако донатор се јавува „Здружението на духовно обединување на Сетинци-Попадинци и Kрушоради од Лерин во Македонија-Скопје“.

Петте споменици меѓу МОБ и Сајмиште

Споменици ќе се постават во реонот каде што се наоѓаат Универзитетската библиотека, Судската палата и Сајмиште. Четири од личностите се претставени како коњаници, само Андон Ќосето - не.

Најголема висина има обележјето на генерал Апостолски, вкупно десет метри, а останатите се по 8,5 метри. Предвидено е генералот да се издигне на кружниот тек кај хотелот „Kонтинентал“, а Русински на аголот меѓу Универзитетската библиотека и МОБ. На другиот агол од библиотеката, оној што гледа кон Судска палата ќе биде поставен споменикот на Пере Тошев. Отспротива, кај Судска палата, ќе се најде обележјето на Андон Ќосето, а на Сугарев кај Универзитетскиот факултетски комплекс.

Претседател на одборот за подигање на спомен-обележја е Бранислав Саркањац, а членови Марјан Додовски и Љупчо Трпевски.
ГРАДСКАТА КУЌА ЌЕ СЕ ВИКА „МАЈКА ТЕРЕЗА“, КАТНАТА ГАРАЖА – „ТОДОР АЛЕКСАНДРОВ“

Градоначалникот на Скопје, Kоце Трајановски, му предлага на Советот на Скопје, градската куќа, која е во изградба на кејот на Вардар под Kале, да го носи името на Мајка Тереза. Додека, пак, катната гаража, исто така во изградба кај ТЦЦ „Плаза“, да се именува по Тодор Александров.

- Градот Скопје ја изразува својата почит во одбележувањето на ликот и делото на Мајка Тереза и го потенцира значењето што таа го има на светско ниво. Со донесувањето на оваа одлука, Градот, ќе придонесе кон зачувување и негување на споменот, ликот и делото на Мајка Тереза и нераскинливата врска што ја има со градот, како најистакната личност од историјата и културата - е образложението на предлагачите за нивната намера.

Околу именувањето на катната гаража, од Градот појаснуваат дека Тодор Александров претставува личност која активно учествувала и придонела во македонската револуционерна борба за самостојност и сувереност на Македонија.

Со донесувањето на оваа одлука, од Градот сметаат ќе придонесат за зачувување на споменот и значењето на ликот на Тодор Александров.

Предлозите се очекува да се усвојат на седница, која е закажана за следната недела.
Јорданка Ивановска
http://dnevnik.mk/?ItemID=ED3AED5D3B1F7E488B6ACEE409A82E63

Оваа скулптура би требало да биде во Дојран. Да не знае некој каде поточно, дека јас никогаш ја немам видено.

Охридскиот „фаќач на прст“... Ова, се извинувам, на крст.

Originally posted by fichot Сега може и "Поп со телевизор" скулптура.

Охрид од денеска го има „Фаќачот на крстот“

На градското пристаниште во Охрид денеска беше поставено спомен-обележјето Фаќач на крст. Фундаментот има три тона железо, 10 метри кубни бетон и е висок 2 метра. Самата скулптура, „Фаќачот на крстот“ во бронза, е висока три метри и 10 сантиметри.



Спомен обележјето посветено на големиот христијански празник Богојавление - Водици се подигнува на иницијатива и со финансиска поддршка на кумот на манифестацијата за 2012-та година, проф. д-р Ванчо Чифлиганец.

- Како кум на манифестацијата во Охрид дадов и пред Бога и пред овој искрен и чесен, вреден и хуман народ во Охрид и пошироко, дека ќе направиме заедно со Здружението „Богојавление“ еден убав споменик кој ќе ги плени, не само православните граѓани во Охрид и Македонија, туку и сите туристи. Сакаме, покрај верско и духовно обележје, тоа да биде и туристичка атракција за туристите од целиот свет, истакна Чифлиганец на чинот на осветувањето на камен - темелникот за ова спомен обележје, на 31-ви јануари годинава.

Скулптурата Фаќачот на крстот во бронза е дело на велешкиот скулптор Ангел Коруновски.

http://ohridpress.com/index.php/izbor/16492-%D0%BE%D1%85%D1%80%D0%B8%D0%B4-%D0%BE%D0%B4-%D0%B4%D0%B5%D0%BD%D0%B5%D1%81%D0%BA%D0%B0-%D0%B3%D0%BE-%D0%B8%D0%BC%D0%B0-%E2%80%9E%D1%84%D0%B0%D1%9C%D0%B0%D1%87%D0%BE%D1%82-%D0%BD%D0%B0-%D0%BA%D1%80%D1%81%D1%82%D0%BE%D1%82%E2%80%9C.html

За поголема слика кликнете на линкот http://ohridpress.com/images/Juni2014/Fakac_na_krst_4.JPG

Edited by Џоле - 01-Jul-2014 at 07:23

болна држава, болни луѓе.....за греота

Откриен споменикот на Александар Македонски во Аеродром



По повод првиот патронат на ОУ „Александар Македонски“, денеска министерот за образование и наука, Спиро Ристовски, и градоначалникот на општина Аеродром, Ивица Коневски, го открија споменикот на Александар Македонски. Споменикот, кој е висок три метри, е донација од скулпторката Валентина Стефановска. Министерот Ристовски на сите ученици им го честита завршувањето на учебната година и им посака добри оценки и летен одмор. Ристовски им посака успех и на оние ученици кои се во процес на запишување. Коневски информира дека во моментов хортикултурно се уредува дворот на училиштето, инвестиција вредна седум милиони денари. Се очекува до септември училишниот двор да биде целосно завршен.

http://republika.mk/?p=263178

Уште една иновација на бившата охридска власт


Споменици поставени на автомобилски гуми во магацин





Споменици, лиени во бронза со религиска симболика, стојат фрлени во напуштен магацин на градежната фирма Гранит во охридско Велгошти. Спомениците симболизираат ангел и два светци но не се знае кои, а за нив во општинската зграда нема ниту било каков документ. Не постојат во ни една пописна евиденција, а нема ниту записник за примопредавање.

Според кажувања на дел од вработените општина Охрид ги добила како донација од донатор од Украина уште во 2007 година.

Новата администрација во општината за спомениците дознала од вработен во секторот за комунален развој кој случајно бил во магацинот и кога ги видел ги фотографирал. Биле поставени на стари гуми од автомобили, легнати на земја. Оттогаш па се до денес траела потрагата по било каков документ за нив, но се испоставило дека пишани траги за донацијата нема.
-Кога вработениот дојде со фотографиите сите бевме вчудовидени дека сме имале вакви споменици, а за нив никој не знаел. Веднаш почнавме да бараме документација за нив, но за жал не најдовме. Единствено што знаеме е дека донацијата е од Украина и тоа, за жал, по сеќавања на некои од вработените, но тоа не можеме да го потврдиме со документ. Не е јасно и тоа како тогашната власт ги примила без да формира комисија и да ги евидентира сметководствено, велат од општината.


Од локалната велат дека деновиве ќе се повикаат стручни лица кои ќе треба најпрвин да ја проценат уметничката вредност на овие скулптури, а потоа теолози ќе треба да дадат проценка за нивната верска димензија. Единствено што ќе остане непознато е донаторот на овие по се изгледа вредни дела.

(О.С)
http://www.vecer.mk/?ItemID=B62214020D81CB41A95E3C076218AA2E

Ги поминав вчера со велосипедот Мостот на Уметноста и Мостот Око и можам да потврдам дека на Мостот Око не функционира речиси ниту еден од тие електронски уреди кои испуштаат ултразвучни сигнали, а на Мостот на Уметноста половина од уредите работат, а друга половина од уредите не работат.

ПОСТАВЕНИТЕ АПАРАТЧИЊА, СЕПАК, ЌЕ МОРА ДА ГИ ЗАМЕНИ ЧОВЕЧКИОТ ФАКТОР

Спомениците - рај за птиците

И покрај поставените апаратчиња за бркање на птиците голем дел од спомен-обележјата во Центар и натаму се покриени со птичји измет. Од Град Скопје велат дека можеби поради привремени прекини на струјата тие не функционираат, но велат дека со ангажирање на фирма за одржување на опремата и тој проблем ќе се реши

Доволна е само една прошетка низ централното градско подрачје и веднаш ќе се забележи како поголем дел од спомен-обележјата се извалкани со птичји измет. Речиси половина од спомениците на Мостот на уметноста се покриени со измет од птиците, а ништо подобро не поминале ниту спомениците на Даме Груев, Гоце Делчев и Гемиџиите. Иако пред две години, за да ги заштити од птиците, Општина Центар постави апаратчиња кои ќе ги бркаат птиците засега може да се види дека олеснувањето на птиците врз спомен-обележјата продолжува. Од Град Скопје кој ја презеде грижата за спомениците велат дека состојбата со објектите и опремата внимателно ја следат. За апаратите посочуваат дека се во исправна состојба, но причината зошто и понатаму имаат проблем со птиците велат дека, најверојатно, е поради повременото снемување на струја поради што се случува опремата понекогаш да не функционира. Ситуацијата, истакнуваат од таму, ќе се промени откако Градот ќе ангажира фирма за одржување на опремата.
- Во секој случај има постојан надзор и сите проблеми се нотираат. Град Скопје уште поефикасно ќе реагира од моментот кога ќе заврши постапката за избор на фирма која ќе ги одржува објектите и опремата. Постапката за избор на фирма за одржување е во завршна фаза, изјавија одговорните од Град Скопје.
Граѓаните велат дека иако слушаат звук сепак се изненадени од глетката која ја гледаат пред нив.
- Иако од апаратчињата се слуша некаков звук сепак доволно е само да се помине по Мостот на уметноста и ќе може да се забележи дека спомениците практично се покриени со птичји измет, вели Маријан Т.
И неговиот сограѓанин Љупчо го мисли истото за апаратите кои се поставени.
- Сметам дека овие апарати се тотално нефункционални. Од една страна поставени се речиси на секој споменик, а од друга страна не можат да ги заштитат, рече Љупчо П.
Ултразвучни апаратчиња се поставени на канделабрите во близина на спомен-обележјата Гоце Делчев, Даме Груев и Методија Андонов-Ченто, Цар Самоил, Димитрија Чуповски како и на Мостот на уметноста.
Овие апарати работат на принципот на испуштање ултразвучни сигнали кои ги бркаат птиците, а притоа не претставуваат никаква опасност за околината и не го нарушуваат амбиентот. Едно апаратче е со димензии 11 на 11 сантиметри, се монтира на канделабар, видливо е, но, сепак, не го нарушува амбиентот. Еден ваков апарат чини 1.350 евра и во светот одамна е практика и служи за заштита на спомен-обележјата. (М.С.)
http://www.vecer.mk/?ItemID=35E4180AC3A7D347BD601E770E46F68F