Како па да не...

Во однос на различната големина на плочките... еден збор: Контраст....

Во однос на мозаикот, крпеници и естетика нула... ако сугерираш на нешто што би го следело Скопје 2014... грешиш...

Било што повеќе од ова што е сега би било непристојно и неубаво... пренатрупано... 

и јас сум, голем обожвавател на пристојно уредени пешачки зони, тоа е потреба и нешто што мора да го има на секој урбан простор... само со уредно поплочување и урбана опрема, просторот успее да го направат максимално поатрактивен
единствено што можам да замерам е што овие улички сеуште не се живи поради карактерот на околните објекти

Многу убаво, браво и благодарност за прекрасната сесија .   

станува најубав дел од Скопје

Овие пешачки улици се стварно супер,денес баш поминав,при крај се со работата..малите коцки изгледаат многу симпатично,ова му фали на центар дефинитивно,ваков тип на пешачки  патеки..следно по мене треба да се реновира кејот 13-ноември,тоа бекатоните пола се извадени на ништо не личи,треба т-мобиле да си плати да се врати кејот во состојба каква што беше,пошто ради нивната зграда и се упропасти највеќе..а да и кога планираат да  ги извадат шипките од мостот што беше,кој чекаат да им заврши работа,татко ми да не го чекаат??

Голем ‘‘лајк‘‘ за уредувањето на оваа површина... Е тоа е тоа, што му е потербно на Скопје.... Повеќе пешачки улици и површини од типот на Никола Вапцаров...

Тука особено ми се допаѓаат столбовите за осветлување, кои се впрочем некој вид на мрежасти кафези... во кои има некој вид на ползавци...

Во Ѓорче по направениот парк и реновирањето на 4 Јули во првиот мандат на сегашниов градоначалник, мислам дека нема ништо направено со општински пари. Двата кружни тека, булеварот Македонска Војска и реновирањето на улицата во Волково беа на Градот. Притоа, ко божем се спремаа за нова општинска зграда, урнаа објекти, но за џабе, колку време помина, а нема ништо од планираното. А, за улиците да не зборувам во каква состојба се. Дали има фрлено асфалт на некоја помала улица се прашувам.

На иста линија сум со Pbanks.
Ако се знае дека де факто Центар беше приморан да даде пари за Скопје 2014, се останато што го направија е многу повеќе од она што се изгради во сите останати општини на територија на Град Скопје. Тоа што имаат најголем буџет не значи дека другите треба да спијат.
Чист спротивен пример се Аеродром и Ѓорче. Во Аеродром освен популистичките паркови не се асфалтира ниту една улица, не се обнови или пак изгради нов тротоар, во населба Лисиче 6 месеци се прави канализација, 6 месеци луѓето имаат кал пред куќите и сл. Во Ѓорче да не беа градските проекти, нз што би рекол градоначалникот дека е сработено во неговата општина.
Полн погодок дефинитивно им се скоро сите асфалтирани улици во Буњаковец, како и онаа во Пролет. Иако пешачките патеки треба да се рутина, со оглед на тоа дека кај нас ретко кој градоначалник се посветува на нив, затоа и овој проект комотно може да влезе во капитални инвестиции на општина Центар, иако во нормални земји тоа се проекти кои поминуваат без било какво значење.
Чак и еден Карпош, според она што можам таму да го видам, почна да заостанува во поглед на остварени проекти, споредувајќи ги со Центар.

Фото: Градежни зафати во населбата Капиштец
Се обновуваат тротоарите по должина на улицата „Народен Фронт“ во населбата Капиштец, од Цветен пазар до улица „Рузвелтова“.

На тротоарите, како што информира општина Центар, поставeни се нови високи рабници за спречување на непрописното паркирање на возилата. Старите и дотраени плочи се отстранети, а на нивно место, при крај е поставувањето на специјални плочки од вештачки гранит, на површина од 3.500 метри квадратни.
Предвидено е подигнување на коловозот на крстосниците на двете сервисни улици, пред и по ТЦ „Беверли Хилс“, што улицата „Народен фронт“ ја спојуваат со улицата „Васил Ѓоргов“. На местото на подигнатите премини ќе се обнови хоризонтална сигнализација и ќе се постават рефлектирачки белеги или катадиоптери, кои ќе ги потенцираат овие пешачките премини. Крстосниците ќе бидат поплочени со вештачки гранит и ќе се изедначат со нивото на тротоарот. Овој градежен зафат ќе има функција да ги замени лежечките полицајци.
Изминатиот период извршена е реконструкција на пешачки патеки на улицата „Васил Ѓоргов“, на потегот од ТЦ „Капиштец“ до ул. „Рузвелтова“.

- За побезбедно движење на пешаците се изврши неопходното обновување на патеките на површина од 600 метри квадратни, на три локации - пред Заводот за вработување, спроти специјализираното училиште „Св. Наум Охридски“ и кај бараките на „Бетон“, информира општина Центар.
Патеките се проширени за 70 сантиметри и на местото на стариот и дотраен асфалт има бекатон плочи.
- Со новите градежни зафати во населба Капиштец трајно се решаваат некои недостатоци и се подобрува квалитетот на живот на граѓаните кои живеат во општината и на оние кои во текот на денот доаѓаат тука. Ќе се подобри безбедноста на пешаците, ќе се растовари движењето на автомобилите, трајно се решаваат „тесните грла“, ќе се сопре несоодветното паркирање и ќе им се остави поголем пешачки простор на граѓаните. Со хортикултурното уредување кое наскоро ќе биде завршено, населба Капиштец ќе добие уште посовремен и модерен изглед. Вредноста на целокупната инвестиција изнесува 10 милиони денари, се вели во писмената изјава на градоначалникот на општина Центар Владимир Тодоровиќ.
Општина Центар ќе изврши и хортикултурно уредување на улиците „Васил Ѓоргов“ и „Козара“. На тие локации предвидено е уредување на тревници и другите зелени површини. Покрај пешачките патеки на улицата „Васил Ѓоргов“ ќе се обнови постоечкиот дрворед од липи.
http://www.skopjeinfo.mk/gradot/1213675667/foto-gradezni-zafati-vo-naselbata-kapistec