Заврши реконструкцијата на Валандовско брдо. Стариот и дотраен коловоз на регионалниот пат кој ги поврзува Валандово и Струмица повеќе го нема. Најкритичните четири километри од оваа делница се комплетно реконструирани и рехабилитирани, со нов асфалт, неколку проширувања, нова сообраќајна сигнализација и еластична заштитна ограда.

,, Тоа што беше како голема забелешка поготово на граѓаните од Струмица и околните населени места се интервенираше. Стнува збор за некаде околу четири километри пат кој што беше навистина дотраен и небезбеден за одвивање на сообраќајот. Направено е исто и проширување на постојниот коловоз за безбедно разминување во границите кои се во профилот на појасот за експропријација на тој пат. Значи поставена е нова еластична ограда, нова сигнализација, ново бележење на патот, така да е во комплетна состојба за одвивање на сообраќај.,, рече Љупчо Георгиевски – директор на ЈП за државни патишта

За реализацијата на овој проект од страна на Јавното претпријатие за државни патишта беа одвоени 25 милиони денари буџетски средства. Претходно во периодот 2009 – 2011 година беше завршена рехабилитацијата на двата регионални патни правци, делницата Давидово – Раброво и делницата Струмица Костурино во должина од околу 30 километри со вкупна инвестиција од 170 милиони денари, средства обезбедени со заем од Светска банка. 

извор